ROMA 8:36 - ALLAH NIHYET MEM TUNGWATU NYA

³⁶ Bit leu nok Allah Nihyet pai, “Tungwatu nya ijem nimai gau nye drek dip Nani bidem njap ngwa hagom ba, ibibon nye tereu nok domba di ibui nok mikwau.”

ROMA 8:36 ပူးပေါင်းရင်းမြစ်များ

MAZMUR 141:7

Yo dima igimahap injum nya ei jui ninghas him ba, dem kep nok tig di idram bindung-diem ei dihyeiti.

MAZMUR 44:11

Asindui sut ba, ninang leu siceu yoho bei leu api ipos ndigban hagom bingwig leu nye.

MAZMUR 44:22

lene jo nibreisi bipia Na di Allah akan tut. Lewo akan bidem mimun di niku ei ningonti hagom.

YESAYA 53:7

Tungwatu nya iba imbuk bibon noni kinei bibor noro noni om ningon tut. Ibuwak noni nok ijem domba mem ibui bidigo ba, nok domba pmot di ikos ninta leu lo, hara bahap niji cem bi.

YEREMIA 11:19

Didem kep domba di ijem nyahan ug ei mpia di ikos kep domba nya eisi. Ikos tut ingon kanti di kinei dima mem dani lo, digikan tut bi. Yuhum yam nsi “Jikwei ba, iwim biei di ngat ningat kei dini. Icok tut noni hak ug leu binhyepo tungwatu ingon prion ser ninyeng hak ug.”

YEREMIA 12:3

Noro tuhan e, akan tut dani. Angat diyai munti nya ba, akan tut bipia dingon gom tut Na. Ma akri yo di isibut dima yok bit leu nok domba di ijem ug ei mpia di ibui nok mikwau kikep eisi. Aya ser yok kikau ug bipek njap ngon bou dima ibui yok dem ug e.

YEREMIA 51:40

Midijem yok noyam kin ijem domba mien kin kambir mien kin domba nikre nya dino ibui nok mikwau a. Da di tuhan disimbot dat tu.”

YOHANES 16:2

Nibou nya micom je leu ig mbusyamei. Ei nidipti bu lene tungwatu nya ikan bipia gino igyai nimai bije lene gima bit leu Allah ningon kanti mem yok.

KISAH 20:24

Noro dinyohou diyaisi bi lewo diyaisi bon ninyeng mem da bi. Noro diyai kep midyai di Tuhan Yesus ba ningon com da tut nya biput lene gima bon ninyeng mem da gino diba dingon gom bitri tut Nihyet Di Kei tut Allah di singat tut nye kikau ug bipek diyaijo ningwig honti.

KISAH 8:32

Srat bokti di noni kwop dima pai “Ibuwak Noni nok ijem domba mem ibui bidigo. Nok domba pmot di ikos ninta leu lo, hara bahap niji cem bi.

KORINTUS GI NIGOM 15:30

Nggon rino ninggok nimai eisi tut Kristus bikwop njap ngwa hagom i?

KORINTUS GI NIGOM 15:31

Disut bat jen, dinggok dimai eisi tut Kristus bikwop njap ngwa hagom lewo dillei ngwig sut je drek dip gi jinok gom kin Kristus Yesus di ide Tuhan.

KORINTUS GI NIGOM 4:9

Noro dikan bipia Allah kuk nye di niya kui Kristus biniya abia kep nide limwa nya yahagom tereu nok yo di isima nya di itug ndei nimai brei bou malaikati kin tungwatu yahagom igyai him.

KORINTUS GI NICAN 1:9

Nikan bigya nicoi bit yo di itug ndei hukum nimai. Noro mun dima cut igkep nye leu binhyepo bindei ba, niba ningon com nyende nisindemti bi. Noro niba ningon com Allah di sindem mem gima win yo di imai bikiju hanyen.

KORINTUS GI NICAN 11:23

Apo yoni inok awak mem Kristus e? Mbro nok gino dimbrap tereu nok no di nintin kiek lo, disimbot dat bipia dinok awak di kei bibor dor njiriek yo dima yahagom! Dita dibou ei midyai nyati bibor cem disima-sima nyen ei ig bui nsi cem tungwatu nya imbas da kinei bibor cem dingon tai-tai bou mbirimang bibor cem dor njiriek yo dima yahagom.

KORINTUS GI NICAN 6:9

Mbro nok gino tungwatu nya iba ingha bak nyeni lo, yahagom ikan tut nye tu. Nahanok ma niyai nimai bikwop mmun-njap noro ningat ne niyaijo yo. Mbro nok gino tungwatu nya ihwen bit nye lo, niyai nimai bigyo.

FILIPI 3:10

Dingon bisau sut mun nyeng gom ngat he. Mun nyeng gom ngat dima rino dingon bit Kristus leu binhyepo nisindemti di biwin Noni hanyen leu nimai eisi misindem tut da bidipriet kin ninghuisi wei di cut igkep Noni bidinoyam kin Noni drek dip nimai ei biei salibti.