ROMA 8:34 - ALLAH NIHYET MEM TUNGWATU NYA

³⁴ Gima rino tou rima pai sut nyeni bipia ingon mui i? Hi bi! Lewo Kristus mbrap gau nyeni ei Allah Noho bei! Noni ripo mai ei biei salibti he bi noro kiju hanyen leu nimai eisi biya kui Allah ninda com.

ROMA 8:34 ပူးပေါင်းရင်းမြစ်များ

AYUB 33:24

Malaikati dima mingondut noni bimbrua ser ‘Akwek noni hak ug! Disindui sut ba, noni juk ug ei minu nimai nya ide bi. Mitiei nibikwek noni rini leu binhyepo niyati kwes hanyen bu.’

AYUB 34:29

Gino Allah kos tut bipia Noni migwam bimmou hak bibon mun nyeng hi bi lene bit bon tungwa dima ba nihyet yai Noni kan bi. Gino ku niimaisi leu yok lene bit bon tungwa hi dima ngat Noni kan bi.

MAZMUR 109:31

lewo Noni mbrap gau yo di yuhui mbum nya ba, teu yok bingwes ngun leu yo di ikes hukum nimai ei yok dip nya.

MAZMUR 37:33

Noro tuhan mikes no dima bicut ug ei nide siceu nindati bitug ndei hukum tirigi noni ya ei nikei noho bei bi.

YESAYA 50:8

lewo Allah simiak da ba, Noni ndo brei bipia dibon mun tunggwei bi. Tou ripai kep da i? Ma no dima kin dani niya ei nikei noho bei! Tou ritte tut da i? Ma jicuk noni kwei ya simiak da.

YESAYA 53:12

Noni kes niyaisi bihigom ei bitug ndei hukum ba, ninyeng tibim kin yo di imbuk bibor nya inyeng. Noni biang yo di imang bibor ide sisar bingat nadi leu binhyepo igyai nikos ser sisarti. Gima rino midinjei nide limwa nya imang bibor mikuisi bak noni ba, noni miyai hanjop nsi bit yo di inyeng jei nya.”

YEREMIA 50:20

Mpe dima lene mben Israel kin Yehuda ingon pwoi-pwau lewo sisar ninyeng hi rap yok bi. Dikos ser yo di diteu yok di ingwes ngun tu nya ide sisar leu yok. Da di tuhan disimbot dat tu.”

MATIUS 20:28

Bit leu nok Munggwom Tungwatu Nipmot di kwei leu binhyepo tungwatu nya inyohou Noni bi noro kwei leu binhyepo nyohou tungwatu nya leu api kes ninnei ei mem bikwek imang bibor leu mun di kat yok.”

MARKUS 16:19

Niabiati Tuhan Yesus mbrap bit yo di igya kui Noni leu lene Noni ngkwei hanyen ug ei gwamti bigwam kui Allah ninda com.

YOHANES 14:19

Jei bi lene tungwatu dihyeisi dini ingat Da bou igyai him bu bi. Noro mijingat Da hanyen bu. Mijiyai niyaijo nijep tug hon Ditde niyaijoti.

YOHANES 16:23

Tirigi njap dima dem ne mijihig ser Da tut mun nyeng hi bu bi. Ma jiyok ngon kep bipia mindei rino jahara Dicig tut tug hon dinyeng lene Dicig mibirop hanyen bije.

KISAH 2:24

Noro Allah win Noni hanyen leu yo di imai su nya ikieti bikwek Noni leu nimai di ninyeng tak kep Noni lewo bit bon nimai kat Noni kikau kan bi.

ROMA 14:13

Lene ma jiba jihyet biyai yam bu au. Noro ma jibingon-ngon nyen leu binhyepo mun di jiyai nya srou jisut no di ningon jo kep ba, noni cut ei sisarti au.

ROMA 14:9

Lewo Kristus mai leu api kiju hanyen leu nimai eisi ba, niyaijo hanyen bu leu binhyepo yo di igyaijo nya kin yo di imai su nya ipai bipia Noni ne ide Tuhan ri.

ROMA 4:25

Allah sindui sut Kristus yai nimai drek dip ide sisar. Lene Allah kon Kristus hanyen leu nimai eisi bibon nituti mem nyeni ingon kwes kin Allah hanyen.

ROMA 8:1

Nogindini Allah mikes hukum ei yo di inok gom kin Kristus Yesus dip bi.

ROMA 8:27

Leu api Allah di ngat mun di jo nding ei tungwatu nya ingonti kan tut Allah Ninnei ningon kanti lewo Noni ngat nadi bit leu Allah ningon kanti mem Nide limwa nya.

KOLOSE 3:1

Allah win je ba, jiyai niyaijo hanyen noyam kin Kristus tu. Gima rino ma jikan-kan nyenti bisau sut mun di jo ei gwamti. Kristus gwam kui Allah ninda com ei mpia dima.

IBRANI 1:3

Allah nikei-kau-keisi piga kei tug hon Nipmot. Nipmot dat Nicigti binyohou mun di Nicig pai tes nya titut yam tug hon nihyet di sindem bibor. Niabiati Noni tin puig mem tungwatu nya igyai niteu leu sisarti tu lene Noni gwam ei banggo mbrei dip kui Allah di Sindem Bibor ninda com ei gwamti.

IBRANI 7:25

Gima rino Noni sindem mem gima teu tungwatu nya di ikwei kuk yok bak Allah tug hon Noni leu ide sisar biyai niyaijo nijep biyok bijo ninno-bijo kikau lewo Noni niyaijo kikau biya hacan mem yok ei Allah Noho bei.

IBRANI 9:24

Lewo Kristus coi ug ei Ninsi Di Kwes-Kwau di tungwatu nya ibon bou inda him di dat Ninsi di jo kikauti bi. Noro noni coi kikau ug ei gwamti biya ei Allah Noho bei leu binhyepo ya hacan mem nye.

PETRUS GI NIGOM 3:18

Lewo Kristus Nonti mai mbigom ngat he bijo kikau mem ide sisar. Noni ne No di ningon sren-srau di ya luei yo di ibon sisar nya yohoti rin leu binhyepo buwak je kwei bijitti kin Allah. Kristus mai bit leu gi mbun ningut tungwatu. Noro tirigi Allah win Noni ba, niyaijo hanyen lene noni mbun ninnei di bit bon mai hanyen kan bi.

PETRUS GI NIGOM 3:22

Yesus Kristus kui ug ei gwamti biya kui Allah ninda com tu. Ba, ninyeng tak kep malaikati nya kin nibou nya kin nisindemti nindigsi nya ei mpia-bbed him.

NINGAT-HI-NGAT NYA 1:18

kin No di niyaijo ri. Nipou ne dimai su noro angat i! Nogindini diyaijo kikau buug hon nohonti bi. Dinyeng tak kep yo di imai su kin minu nimai nya ide.