ROMA 8:3 - ALLAH NIHYET MEM TUNGWATU NYA

³ Ingut kanti di ntun dihyeisi dini him bindei ba, bit bon Puig Yahudi niggai serti kwek nye kan bi. Noro Allah nggek tut sisar nisindemti ei ingut kanti di ntun dihyeisi dini him tug hon Nipmot di Noni pinak kwei tereu nok tungwatu dihyeisi mem gima biciu ser sisar.

ROMA 8:3 ပူးပေါင်းရင်းမြစ်များ

MBEN ISRAEL IMBUT-MBUT NYEN 21:9

Gima rino Musa ba ngkimom-tembaga bibon wou gom bikes ei biei dip lene tas biei tut leu binhyepo tungwa tou rino wou dima ham mikei hanyen gino noni tou kep wou ngkimom-tembaga nggilun.

MBEN ISRAEL IMBUT-MBUT NYEN 28:22

Ma iba kambir nikre ningut gom bibon midut nibiyai nikos ser sisarti. Tug hon nisinati dima lene ibindei ba, tuhan midip tut limwa Israel ide sisar.

MARKUS 15:27

Ipek yo di isibut nya ibou can kin bu ei ide biei salibti bitas hi ei nite bei Yesus ninda com lene hi ei nite bei ninda prak. [

YOHANES 1:14

Nihyet dima luei nitta binok tungwatu ba, kwei bong bit nye. Nyeni ingat nikei-kau-keisi di Nicig yai biNoni lewo Noni ne Nipmot nimig gom ngat ri. Nipmot singat tut nye nindig bibor ba, Nongkom ndo Allah ningat titut yam brei binye.

YOHANES 9:24

Lene nibou nya ihig no dima kwei mbigom bu bibidip huk “Ma aheng bitug hon Allah ninyeng bipia ma apai mun di nijit-jau binye. Nikan tut bipia No dima ne No di bon kep sisar ri.”

KISAH 13:39

Ma jiyok ngon kep mungkun bipia no di ningon jo kep Noni miningon ngun. Lewo bit bon Allah de Puig Yahudi nicukti bindei bijingon ngun kan bi.

ROMA 3:20

Lewo bit bon tungwa hi yai ningon kwes kin Allahti drek dip nibon munti di bit leu nok Puig Yahudi nicuk noti kan bi. Noro nicukti dima ndo brei bak tungwatu nya bipia yahagom ibon sisar.

ROMA 6:6

Ikan tut bipia tirigi ipek Kristus kin biei salib ne ipek Noni bitut ide niyaijo nitimieisi cem ei biei salibti leu binhyepo Noni bindei cut ingut kanti di bon sisar leu nye. Tug hon nisinati dima ne sisar ubon nye bitak kep nye bu bi.

ROMA 7:18

Dikan tut bipia mun di kei nyeng hi ningat rin ei dingonti kin dingut kanti di ntun dihyeisi dini himti bi. Mbro nok gino dingon kanti di kei bibor ntun dingon him lo, bit bon diyai dibou tut kan bi.

ROMA 8:32

Allah jem Nipmot bou Nonti bingondut Noni bi noro kes Noni ei mem nyeni yahagom. Gima rino Noni miyai mun nyeng nindigsi hagom binye mikuisi bi e?

ROMA 9:3

drek dip disut bat di ditig mbier tut yok nya. Lewo danti dijoi sut Allah sigion da bimbres da leu Kristus mem yoni.

KORINTUS GI NICAN 5:21

Kristus bon sisar nyeng gom bi sren. Noro Allah bindei ba, Kristus biang ide sisar bitut ide ningon muisi nibuhunti hagom leu api yai ingon di kwes kin Noni hanyen drek dip ide ninok gom kin Kristusti.

GALATIA 3:13

Noro Kristus kwek nye leu Puig Yahudi niggai serti nisigion nyeti tug hon mpe di po Nonti sindui sut ba, biang nisigion Nonti luei nye. Bit leu nok gi ipas ei Allah nihyetti “Tungwa tou rino yai hukum nimai ei biei salibti tug ndei Allah de nisigion noti.”

GALATIA 3:21

Gima ndo bindo bipia Puig Yahudi niggai serti tte tut Allah nipreu eisi e? E bi! Leu gino Allah yai niggai serti di bindei ba, tungwatu nya iyai niyaijo nijep lene gima bindo pia igyai ningon di kwes kin Allahti tug hon niggai serti dima.

FILIPI 2:7

Noro Noni kes Nide nikei-kau-keisi kin ninyeng di jei noyam kin Allah hak ei leu api ba nibou coi bibindei Nonti nok awak. Noni luei nitta binok tungwatu leu api niyaijoti kin niyai munti nya noyam kin tungwatu igyaisi nya bou igyai him.

IBRANI 10:12

Noro Kristus bon midut nikes Nonti ningut ei mem sisar mbigom ngat he lene bijo kikau ba, Nide midyai dima sindem kikau buug hon nohonti bi leu api Noni gwam kui Allah ninda com.

IBRANI 10:14

Kristus ba midut nibikos ser sisarti gom ngat he bibindei ba, tungwatu di igyai nipiap leu sisarti dima ingon kwes kikau.

IBRANI 2:14

Yo di Noni simbot dat bipia munggwom nya ne tungwatu di itug ndei nimai rin. Gima rino Yesus luei nitta binok tungwatu bibon Nonti nok timiei dihyeisi dini. Noni yai nok gima leu binhyepo ba nimaisi binggek tut Bilis di ninyeng tak kep minu nimai nya ide.

IBRANI 2:17

Gima rino jo nibreisi mem nye bipia suar Noni luei nitta bibon Nonti noyam kin nikinjoi bat nya haigtu leu binhyepo yai midyai nok ide Imam Nibou Ndig di ningon gom ba, ningon nggriu cem ei Allah Noho bei. Tug hon nisinati dima lene Noni bindei ba, tungwatu nya igyai nikos ser sisarti.

IBRANI 4:15

Ide Imam Nibou Ndig di ninyeng jei ningon dorti tut nye di inghuisi wei lewo Noni ba nibou coi mem mun nyeng di bingon Noni hagom noyam kin nyeni noro bon sisar drek dip bi.

PETRUS GI NIGOM 2:24

Kristus biang ide sisar ei Nonti dip tirigi mai ei biei salibti leu binhyepo bikwek nye leu sisar de nisindemti leu api igyaijo bit leu Allah ningon kanti mem nye. Kristus nibok nya ribindei dino jikei hanyen.