ROMA 8:24 - ALLAH NIHYET MEM TUNGWATU NYA

²⁴ Noni ba ide niyok ningon mem biteu nye leu sisar biyai niyaijo nijep binye. Gino ingat mun di igyok ingon mem bou igyai him ne jo nibreisi bipia gima ne niyok ningon memti di nijit rin bi. Tou riyok ningon mem mun di ngat ningat bou niyai him i?

ROMA 8:24 ပူးပေါင်းရင်းမြစ်များ

IBRANI 11:1

Niba ningon comti bindei ba, ingon ngkiem tut mun di igyok ingon mem. Mbro nok gino ingat mun dima yok bou igyai him bigyo lo, ingon huk niti tu.

KORINTUS GI NICAN 5:7

Lewo igyaijoti dini ntun ide niba ningon com Kristusti him noro ntun mun di ingat bou igyai him bi.

KORINTUS GI NICAN 4:18

Lewo ibisau sut mun di ingat bou igyai him bi. Noro ibisau sut mun di bit bon ingat bou igyai him kan bi. Mun di ingat bou igyai him mipror yon. Noro mun di bit bon ingat bou igyai him kan bi jo kikau.

PETRUS GI NIGOM 1:21

Noni ribindei dino jiba jingon com Allah di win Noni hanyen leu nimai eisi biyai nikei-kau-keisi biNoni. Gima rino jiba jingon com Allah bijiyok jingon mem mun di Noni preu ei mem je.

TESALONIKA GI NIGOM 5:8

Noro ma nye di munggwom nipigati igyai nggrop nggan. Ma jingon jo kep Yesus Kristus ba, jingon ngakei yam. Ma jiyok jingon mem Allah di miteu nye leu dihyeisi dini biyai niyaijo kikau binye kikau ba, mun dini yok hagom tereu nok sinsun pran di ijuk tirigi ikon pran bit nidinditi.

PETRUS GI NIGOM 1:3

Jikwei ba, ipai sigyo bak Allah dino ide Tuhan Yesus Kristus Nicigya! Ningon ngakei nye nindig bibor biyai niyaijo nijep binye tug hon Yesus Kristus nikiju hanyen leu nimai eisi. Noni bindei ba, igyok ingon memti nddong kei.

ROMA 12:12

Ma jiba jingon di llei bibor biyok jingon mem Tuhan lene ma jingon nddong tut mun di cut igkep je bijita jibou ei naditi cem.

ROMA 5:2

Yesus bindei Allah nisingat tut nyeti dima pek kep mem nye tug hon ide niba ningon com Noti. Nogindini igyaijo tug hon Allah nisingat tut nyeti. Gima rino ingon llei bibor lewo iba ingon com bipia ipriet kin Allah nikei-kau-keisi ei nidipti bu!

ROMA 15:13

Allah bindei ba, igyok ingon mem Noni. Handei kon ba, Noni yai jingon llei bibor kin jingon jo nyahan cem tug hon jide niba ningon com Noti leu binhyepo jiyok jingon mem Noni bibor bikum eisi bu tug hon nisindemti di kwei leu Allah Ninnei.

KOLOSE 1:27

Allah ningon kanti mem Nide limwa nya rino joi sut mbot kep tut Nide nimimun di kei-kau kin mindur di Noni bet ei mem tungwatu nya biyok. Nimimun dima ne Kristus ningat rin ei jingonti gi bindo tut bipia jinyeng tut mun di mindur hagom di Noni tin ei mem je.

ROMA 15:4

Srat bokti ei Allah Nihyetti hagom ngginau nye. Lewo Allah Nihyet ningginau nyeti bindei ba, yoom ingon ba, biwin ingon cem. Apino igyok ingon mem Allah.

GALATIA 5:5

Noro tut nye dini ne niyok ningon mem nyende ningon kwes kin Allahti di niyai tug hon nisindemti leu Allah Ninnei kin niba ningon com Kristusti cem.

MAZMUR 146:5

No di ba ningon com Yakub de Allah binok nide tuhan Allah di mpu noni ne ningon nggei-hi-nggei.

YOHANES GI NIGOM 3:3

Bikwop yo di igyok ingon mem nijam di iluei itta noyam kin Kristus niluei nittati yahagom inyohou ingonti bikwes-kwau bit leu nok Kristus ningon kwes-kwau.

TESALONIKA GI NICAN 2:16

Handei kon ba, ide Tuhan Yesus Kristus Nonti kin Icig Allah di ningon ngakei nye ibindei ba, ibrim ingkek kikau bigyok ingon mem mun di kei bibor tug hon Ide nisingat tut nyeti.

KOLOSE 1:23

Ma jiba jingon com Nihyet Di Kei di nddong kei mem je. Ma jitti-tti nyen bijingkwei leu jide niba ningon comti di jiyai tirigi jimiap tut Nihyet Di Kei au. Nihyet Di Kei tibim kikau ug ei tungwatu dihyeisi dini hagom itingou nsi tu ba, da di Paulus dinok awak mem tu.

KOLOSE 1:5

Jiba jingon com Noni bijingon ngakei yam lewo jiyok ngon mem mun di Allah tin ei mem je ei gwamti. Jimiap tut mun dima tirigi Nihyet Di Kei di nijit tibim ei jitingou nsi habiei ei nimbie him.

KORINTUS GI NIGOM 13:13

Mem nijam dini ne suar ibrim ingkek mem mun nyeng ningai. Niba ningon com Allahti kin niyok ningon mem Allahti kin ningon ngakei yamti. Noro gi hi di bon ninyeng dor njiriek nindigsi rino ningon ngakei yamti.

ZAKHARIA 9:12

Je di jisima ei jingkiaisi e, ma jingkwei hanyen kwei lewo No di jiyok jingon mem Nonaha. Ma jikwei gwam coi jitimieisi hanyen. Jimiap e, midinjei mun di kei bak jeni mbican bram yam drek dip ninghuisi wei di cut igkep je ei jingkiaisi.

YEREMIA 17:7

Noro midinjei mun di kei bijo ninno bak no di ba ningon com Da.

MAZMUR 33:18

tuhan nyohou yo di ikuk yok biNoni kin yo di iba ingon com ningon ngakei yokti di jo ninno bijo kikau.

MAZMUR 33:22

tuhan e, Handei kon ba, angon ngakei nyeti di jo ninno bijo kikau minyohou nye lewo niba ningon com Na.

NIPINGOK NINGONTI 14:32

Yo di isibut igyai munti di kinei nya bindei ba, isar noro yo di ingon kwes kei nya igwam coi ide ningon srenti.

ROMA 4:18

Mbro nok gino bit bon Allah nipreu ei mem Abrahamti pek kep mem noni kan bi lo, noni ba ningon com Allah. Gima rino Allah bindei ba, noni nok pung di mben mang bibor intun him. Lewo Allah Nihyet pai “Yo di imang bibor mintun nani him.”

ROMA 8:20

Lewo Noni sindui sut nipai testi hagom ba, nna ei. Nipai testi kos tut nok gima bi noro Allah kos tut nok. Mbro nok gima lo, Allah yok Ningon mem,

TITUS 3:7

Noni yai ingon di kwes kin Allah tug hon Nide nisingat tut nyeti leu api igyai niyaijo nijep di jo kikau di igyok ingon mem.