ROMA 8:2 - ALLAH NIHYET MEM TUNGWATU NYA

² Lewo Allah Ninnei niggai serti di bindei ba, igyaijo nok gom kin Kristus Yesus kwek da leu niggai ser dati dibindei sisar kin nimai kat da dima tu.

ROMA 8:2 ပူးပေါင်းရင်းမြစ်များ

MAZMUR 51:12

Allah e, apai tes ningon di kwes mem da lene abindei ba, dingon bei jep-jau cem nddong cem hanyen.

YEHEZKIEL 1:21

Mpe dino kerub nya imbut bigya hak bikui ug ei mpia-bbed him cem lene kroba nimig ninghau cem bit-bit nyen yok.

YOHANES 4:10

Yesus buhup “Gino akan igbit tut mun di Allah yai bak tungwatu nya ba, angat igbit Da di dahara na tut minyei dini lene nanti ma ahara Da leu api duhug minyei niyaijo nijep hi bina ba, adut.”

YOHANES 4:14

Noro no di dut minyei gi Da duhug binoni nggobiau hanyen bi sren. Lewo minyei gi duhug binoni rinok minyei bousi gom di biam tut minyei niyaijo nijep ei ningonti bijo kikau.”

YOHANES 6:63

Allah Ninnei Nongkom yai niyaijo nijep bak tungwatu nya. Tungwatu nya ide nisindemti dem mem bi. Dihyet di dipai bije bindei ba, jiyai Allah Ninnei bitut niyaijo nijep di jo kikau ei jingonti.

YOHANES 8:32

Leu api mijingon dorti tut Allah nihyet di nijit-jau ba, Noni bindei kwek je leu awak bijiyati kwes drek dip.”

YOHANES 8:36

Gima rino gino Allah Nipmot kwek je leu awak bijiyati kwes lene jinok awak bu bi sren.

ROMA 16:3

Dipigo Priska kin Akwila. Yoni ne dingon kieti nya rin ba, igyai midyai mem Kristus Yesus noyam kin da,

ROMA 3:27

Gima rino bit bon nyeni ingon jei sut mun nyeng hi kan bi. Nggon rino bit bon ingon jei sut mun nyeng hi kan bi i? Lewo igyai ingon di kwes kin Allah drek dip gi ibit leu nok Puig Yahudi nicuk nyeti e? E bi! Noro ingon kwes kin Allah drek dip ide ningon jo kep Kristusti.

ROMA 5:21

Gi nok lene suar nyeni yahagom itug ndei nimai lewo ibon sisar tu. Noro Allah singat tut nye bitin puig di bie ug ei ingon kwes kin Noni hanyenti. Gino ingon kwes kin Noni hanyen tu ne Noni miyai niyaijo nijep di jo kikau binye tug hon ide Tuhan Yesus Kristus.

ROMA 6:14

Harin dima sisar de nisindemti om kep je bu a. Lewo jide niyaijo nijep tug hon Puig Yahudi niggai serti bu bi noro tug hon Allah nisingat tut jeti.

ROMA 6:18

Allah kwek je leu sisar de nisindemti bibindei ba, nogindini jinok awak mem Allah ningon kantia.

ROMA 6:22

Noro tini bu ne Allah kwek je leu sisar de nisindemti ba, jinok awak mem Noni. Jiba jekep jingon di gom tut Noni apino niyaijo nijep di jo kikau ntun him.

ROMA 7:21

Gima rino dirop ninda ndigsi bipia niggai serti di yai nibou tut da rinok gini. Mbro nok gino dipi bidiyai mun di igbit lo, mun di kinei nongkom he ttau hak biyai nituti mem da yo.

ROMA 7:23

Noro niggai serti hiter yai nibou tut dingonti ba, srep tut niggai serti di diba dibou ngwakti bice tut. Sisar niggai ser dati di yai nibou tut dingonti kat da ba, disima.

ROMA 7:4

Disut bat jen, nok gima tut jeni cem. Jindo jimai eisi bak Puig Yahudi niggai serti lewo jinggre kin Kristus ninguda. Nogindini jijem jiceu bit Kristus di Allah kon leu nimai eisi. Allah kon Noni hanyen leu nimai eisi leu binhyepo nyeni iba niyaijo nijep biyai midyai mem Allah.

ROMA 8:1

Nogindini Allah mikes hukum ei yo di inok gom kin Kristus Yesus dip bi.

KORINTUS GI NIGOM 15:45

Bit leu nok gi ipas ei Allah nihyetti “Allah pai tes Adam nok no di nigom di niyaijo ba, ninnei joti.” Noro Adam di ya nohon keti ne Ninnei di yai niyaijo nijep bak tungwatu nya ri.

KORINTUS GI NICAN 3:17

Nipas kepti “Tuhan” ndo tut Allah Ninnei. Tungwa tou rino yai Allah Ninnei ei ningonti lene no dima niyati kwes.

KORINTUS GI NICAN 3:6

Noni sindem tut nye leu binhyepo ninok awak mem gi preu nijep. Gi preu nijep dima nitriti ne nicukti di tug hon srat bokti rin bi noro Allah Ninnei de midyai nya ri. Nicukti di tug hon srat bokti bie ug ei hukum nimai. Noro Allah Ninnei bie ug ei niyaijo nijepti.

GALATIA 2:19

Puig Yahudi niggai serti pai sut da bipia dimai su. Pui Yahudi niggai serti dima hwen da bidimai su. Nok leu binhyepo diyaijo mem Allah. Dimai ei biei salibti bit Kristus tu ba,

GALATIA 5:1

Nyeni igyati kwes lewo Kristus kwek nye tu. Gima rino ma jikrau kep jide niyati kwes dima. Ma jibiam bon di bindei bijinok awak hanyen bu au.

GALATIA 6:2

Ma jahati tut yam bijikon hiter de mun di buhun tut. Tug hon nisinati dima ne jibit Kristus nicuk nyeti nya.

YAKOBUS 1:25

Allah niggai serti nya kei-kau-kei bisindem mem bindei kwek tungwatu nya leu sisar. No di ngig niyai kep niggai serti dima cem ba ningon gom biyok ngon kep cem yai midyai di bicim tindei niggai serti dima cem miyai munkwas di kei bibor leu Allah tug hon nide midyai nya hagom.

NINGAT-HI-NGAT NYA 11:11

Noro njap ningai biniken dima ngwig leu lene Allah hi ninnei di niyaijo hanyen ei ihwap nsi lene ikiju hanyen bigya apino tungwatu nya di itou kep yok yahagom idigit tut nindig bibor.

NINGAT-HI-NGAT NYA 22:1

Malaikati dima ndo minyei di biyai niyaijo bida. Minyei dima pimbai kei dem kep kristal di biam kwei leu Allah kin Domba Pmot ide banggo mbrei,