ROMA 8:18 - ALLAH NIHYET MEM TUNGWATU NYA

¹⁸ Diba dingon srip huk bipia bit bon ibinai sut inghuisi wei gom-gom di cut igkep nye ei dihyeisi dini kin nikei-kau-keisi di Allah bet ei mem nye dima iba nye kep kan bi.

ROMA 8:18 ပူးပေါင်းရင်းမြစ်များ

KISAH 20:24

Noro dinyohou diyaisi bi lewo diyaisi bon ninyeng mem da bi. Noro diyai kep midyai di Tuhan Yesus ba ningon com da tut nya biput lene gima bon ninyeng mem da gino diba dingon gom bitri tut Nihyet Di Kei tut Allah di singat tut nye kikau ug bipek diyaijo ningwig honti.

ROMA 8:19

Allah nipai testi hagom ingon wis him nituti tirigi Noni ndo nimunggwom bat nya ei nibreisi.

KOLOSE 3:4

Jide niyaijoti di mungkun nibousi rino Kristus. Tirigi Noni ttau hanyen kwei ne mijiya bibie bit Noni ei Nide nikei-kau-keisi.

TESALONIKA GI NICAN 2:14

Allah hig je ei nok gima tug hon Nihyet Di Kei di nitri tut bije tu. Noni hig je ei leu binhyepo jiyai ide Tuhan Yesus Kristus nikei-kau-keisi ndrim hi mem jeni.

TITUS 2:13

lewo igyok ingon mem Njap ninggei-hi-nggei nitausi. Nogindini imem kep ser Njap dima di igyok ingon mem. Mpe dima yo di dihyeisi dini hagom mingat Yesus Kristus nikei-kau-keisi bou igyai him mem Njap dima lewo Noni ne nyeni ide Allah di Ninyeng Jei kin Nibou Ndig di teu tungwatu nya leu sisar biyai niyaijo nijep biyok cem ri.

IBRANI 11:35

Niba ningon comti bindei ba, sop nya igyai ide bat di imai su di ikiju leu imai eisi nya hanyen. Noro bihi ikou sut gima ingwes ngun leu yo di igyai ninghuisi wei biyok kikau ba, ibimai drek dip nya. Isindui sut yonti bimai leu binhyepo igyai nikiju hanyen leu imai eisi hanyen bitug ndei niyaijo di kei bibor di dor njiriek bu.

PETRUS GI NIGOM 1:13

Gima rino ma jitin ei jibou ngwakti mem mun di mipek kep mem je nya hagom. Ma jiyai ngkiem cem leu api jiyok jingon mem mun di kei di Allah miyai bije ei mpe dino Yesus Kristus ttau hanyen kwei.

PETRUS GI NIGOM 4:13

Tirigi jiyai ninghuisi wei bit Kristus lene ma jingon llei sut. Mpe dino Kristus de nikei-kau-keisi ttau bijo brei ei jiyai him ne jingon llei bibor.

PETRUS GI NIGOM 5:1

Je di nibou mbusyamei nya e, dani cem nibou mbusyamei. Dingat Kristus bou diyai him tirigi Noni yai ninghuisi wei. Midipriet kin Kristus nikei-kau-keisi tirigi Noni ndo Nonti brei ei tungwatu nya igyai him. Gima rino dipingok jingonti leu binhyepo jiyok ngon kep ditde nipingok jeti nya.

YOHANES GI NIGOM 3:2

Disut bat di dingon kieti jen, nyeni ne Allah nimunggwom bat nya ri. Noro tut gima iluei itta ei nidipti bu lene jo nibreisi mem nye bigyo. Noro ingon dorti tut bipia tirigi Kristus ttau hanyen kwei ne iluei itta dem kep nok Noni nitta tirigi ingat ningat brei bou igyai him.