ROMA 8:16 - ALLAH NIHYET MEM TUNGWATU NYA

¹⁶ Allah Ninnei bicim tindei nyeni innei bipai sut nyeni bipia nyeni ne Allah nimunggwom bat nya ri.

ROMA 8:16 ပူးပေါင်းရင်းမြစ်များ

HOSEA 1:10

Mben Israel midigek kep mpia ba, imangti noyam kin iggum ei muk nipimat nimangti apino bit bon tungwatu nya ikwop imangti ba, inai ide minu nijeisi cem kan bi. Nogindini Allah hig yok “Jinok Ditde limwa nya bi.” Noro jei bi ne Noni hig yok “Dani ne Allah Di Niyaijo rin ba, jinok dimunggwom bat nya!”

MATIUS 5:9

Bikwop yo di ibakei tungwatu nyati nya ingon nggei-hi-nggei lewo Allah mipai bipia yoni ne nimunggwom bat nya ri!

LUKAS 20:36

Yo dima noyam kin malaikati nya. Bit bon imai bi sren. Yoni ne Allah nimunggwom bat nya rin lewo ikiju hanyen leu imai eisi tu.

YOHANES 1:12

Lo, tungwatu nya bihi igya um Noni leu api iba ingon com Noni. Gima rino Noni bindei ba, idem mem gima inok Allah nimunggwom bat nya.

KISAH 5:32

Nyeni ningat mun dini yok hagom bou niyai him tu. Allah Ninnei di Allah yai bak yo di ibit nihyet cem ngat mun dini yok hagom bou niyai him tu.”

ROMA 8:14

Yo di ibit Allah Ninnei nibie tut yokti inok Allah nimunggwom bat nya ri.

ROMA 8:19

Allah nipai testi hagom ingon wis him nituti tirigi Noni ndo nimunggwom bat nya ei nibreisi.

ROMA 8:23

Noro nipai testi he rino lua kwop tut ninghuisi wei bi. Nyeni cem ilua kwop ei ingon mienti. Mbro nok gino igyai Allah Ninnei nok munkwas di Noni njei bak nyeni nimbigom tu lo, igyok ingon mem nituti di Allah mikwek nyenti njem leu api nek nye nok nimunggwom bat nya.

ROMA 8:26

Nok gima cem Allah Ninnei kwei mpu nye lewo isindem bi ba, ikan tut nisinati mem gima ingat nadi tindei mun nyeng hi bi. Mpe dima lene Allah Ninnei Nonti kwei ya hacan mem nye ei Allah Noho bei lene ba nahamuisi di imiap bi bingat nadi mem nye.

ROMA 9:26

Ei mpia ttou nsi di hi pai sut yok ‘Jinok Ditde limwa nya bi’ lene Noni mipai sut yok ei mpia dima ‘Yoni ne Allah Di Niyaijo nimunggwom bat nya rin’.”

ROMA 9:8

Ningat ne yo di intun Abraham him tug hon Allah nipreu ei mem noti yongkom he rino Allah nimunggwom bat di nijit nya lene nindigsi leu gima di intun Abraham him nya ne nimunggwom bat nya rin bi.

KORINTUS GI NICAN 1:12

Ningon llei bibor lewo ningon mien ngkiem tut bipia niyai munti nya ei dihyeisi dini cem ei jiyai him hagom tug hon ningon di gom kin ningon di pimbai kei di Allah yai binye. Niyai munti nya hagom tug hon Nide nisingat tut nyeti di sindem tut nye lene tug hon ningon di ki di ntun dihyeisi dini him bi.

KORINTUS GI NICAN 1:22

bitak buk kep nye cem. Noni mbun nye bikes Ninnei ei ingonti cem. Ba, Allah Ninnei dima nok wa di yok ser di bindo bipia Nide nipreu ei mem nyeti hagom mipek kep mem nye.

KORINTUS GI NICAN 5:5

Allah tin ei ingonti mem mun di mipek kep mem nye dima bikes Nonti Ninnei ei nyeni ingonti nok bindo di bitak buk kep mun di hagom di mibitimon nye.

KORINTUS GI NICAN 6:18

Dibibon Danti bidinok Jicigya lene jibibon jenti bijinok dipmot bat kin dipmisop bat nya. Gini ne Allah di Sindem Bibor nipreu kep nyeti ri.”

GALATIA 3:26

Ba, jahagom jinok gom kin Kristus Yesus drek dip jide niba ningon com Noti. Gima rino jinok Allah nimunggwom bat nya.

GALATIA 4:6

Allah kes Nipmot Ninnei ei jeni kin nyeni ingonti lewo yahagom inok nipmot bat nya. Ninnei dima bindei ba, yahara Allah “Arig e, Arig e!”

EFESUS 1:13

Jimiap Allah nicuk jeti tug hon Nihyet Di Kei di bindei ba, jiyai niteu leu sisarti kin niyaijo nijep. Jingon jo kep Kristus leu api Allah ba Nonti Ninnei di Noni preu ei mem nye bitak buk kep je bibindei ba, jinok Nide limwa nya.

EFESUS 4:30

Ma jibindei ba, Allah Ninnei ningon pus tut je au. Lewo Allah ba Ninnei dima bitak buk kep je nok bindo di bindo bipia nyeng tut je binyohou je kikau bibou Njap Nikwek Jeti dem ug e.

NINDAT KEP TUHAN NICUKTI NYA 14:1

“Jeni ne tuhan Allah de limwa nya ri. Gima rino mpe di jingon ngguk tut nimai lene harin dima jidigo jingkek dip ba, jikak jibou nta bei jingwak dip leu cem noyam kin ngkiai nya igyai kepti a.

YOHANES GI NIGOM 3:1

Ma jiba jingon srip bram bipia Icig Allah ningon ngakei nye nindig bibor bijem nye nok nimunggwom bat nya. Gima rino ningat ne nimunggwom bat nya rinyeni! Gima rino tungwatu dihyeisi di kinei dini ingon dorti tut nye bi lewo ingon dorti tut Allah bi.

YOHANES GI NIGOM 3:10

Allah nimunggwom bat nya kin Bilis nimunggwom bat nya ibon munti niter leu yamti di jo nibreisi. No di yai igbit Allah ningon kanti bi ba, ningon ngakei nisut cem bi ne Allah nimunggwom rin bi.

YOHANES GI NIGOM 3:2

Disut bat di dingon kieti jen, nyeni ne Allah nimunggwom bat nya ri. Noro tut gima iluei itta ei nidipti bu lene jo nibreisi mem nye bigyo. Noro ingon dorti tut bipia tirigi Kristus ttau hanyen kwei ne iluei itta dem kep nok Noni nitta tirigi ingat ningat brei bou igyai him.

YOHANES GI NIGOM 4:13

Noni kes Nonti Ninnei ei ingonti tu. Gima rino ingon dorti tut bipia igyaijo nok gom kin Noni ba, Noni niyaijo nok gom kin nye.

YOHANES GI NIGOM 5:10

Gima rino no di ningon jo kep Allah Nipmot pwoi mun di Allah ngat bou niyai him bitri tut dima ei ningonti. Noro no di ningon jo kep Allah bi pai kep Noni bipia Noni ris. Noni pai nok lewo ningon jo kep mun di Allah ngat bou niyai him bitri tut Nipmot bi.

NINGAT-HI-NGAT NYA 21:7

No di bindei cut sisar nisindemti miyai mun dini yok leu Da. Dani ne nide Allah lene Noni ne dipmot ri.