ROMA 8:15 - ALLAH NIHYET MEM TUNGWATU NYA

¹⁵ Lewo Allah Ninnei di Allah yai bije bibon je tereu nok awak leu dima jiyaijo ei ningon di ttinti bi. Noro Ninnei bindei jeni bijinok Allah nimunggwom bat nya. Apino bikwop nyeni iba Allah Ninnei nisindemti bihig Allah nok Icig bipai “Arig e! Arig e!”

ROMA 8:15 ပူးပေါင်းရင်းမြစ်များ

2 TIMOTIUS GI NICAN 1:7

Ninnei di Allah yai binye bindei ba, ingwes mien bi noro sindem tut nye biyai ningon ngakei yamti kin noom ningon binye.

KORINTUS GI NIGOM 2:12

Nyeni ipriet kin mun di kei di Allah njei bak nyeni hagom lewo Noni yai ninnei di ntun dihyeisi dini him binye bi noro yai Nonti Ninnei binye.

ROMA 8:16

Allah Ninnei bicim tindei nyeni innei bipai sut nyeni bipia nyeni ne Allah nimunggwom bat nya ri.

IBRANI 2:15

Tug hon nisinati dima lene Noni kwek yo di inok awak mem nijam di igyaisi jo drek dip ide nittin tut nimaisi.

EFESUS 1:5

Noni kos tut nipou su bipia nek nye tug hon Yesus Kristus bibindei ba, inok nimunggwom bat nya. Kristus niyai munti ntun Allah ningon llei sutti kin ningon kanti nya him.

YOHANES GI NIGOM 4:18

No di yai ningon ngakei yamti leu Allah ningon digit bi. Lewo ningon ngakei yamti di kwei leu Allah bindei pror ningon digitti hagom bingwig. Gino hi ningon digit tut Njap dino Allah migwam nok Nikei mem tungwatu nya ne no dima yai ningon ngakei yamti ei ningonti bi.

MARKUS 14:36

Ba, ngat nadi bipai “Arig e, asindem mem mun nyeng hagom. Ma ayai ninghuisi wei dini binjiriek leu Da hak ug. Noro dibit dingon kanti bi leu binhyepo dibit angon kanti.”

YEREMIA 3:19

tuhan pai “Je di mben Israel e, dijoi sut gima diya um je dem kep nok diya um dimunggwom bat nya ba, diyai minu di biyai jingon di kei bije. Minu dima kei-kau dor njiriek minu nindigsi ei dihyeisi dini hagom. Dijoi sut bipia jijem Dani Jicig rin apino mijinang leu Da bu bi.

YESAYA 56:5

lene Ditde limwa nya migyok ngon kep jinyeng ei Ditde Ig cem ei ikieti cem ba, gima kei dor njiriek niyai munggwom pinai nya kin munggwom sop nya. Midibindei ba, jinyeng jo kikau. Ditde limwa nya mibbwe ser je bi sren.”

ROMA 8:23

Noro nipai testi he rino lua kwop tut ninghuisi wei bi. Nyeni cem ilua kwop ei ingon mienti. Mbro nok gino igyai Allah Ninnei nok munkwas di Noni njei bak nyeni nimbigom tu lo, igyok ingon mem nituti di Allah mikwek nyenti njem leu api nek nye nok nimunggwom bat nya.

LUKAS 11:2

Gima rino Yesus buhup “Gino jingat nadi lene ma jipai, ‘Arig e, Nani ne Allah Gom ngat. Handei kon ba, ma tungwatu nya yahagom inggei sut Na tut anyeng di kwes-kwau. Handei kon ba, ma akwei bindei ba, anyeng tak kep dihyeisi dini hagom.

YOHANES 20:17

Yesus pai binoni “Ma anggriou Da hon tiri lewo dikui hanyen ug ei Dicig nidim bigyo. Noro ma aug ngat dikinjoi bat nya ba, apai biyok bipia dikui hanyen ndam Dicig dino jeni cem Jicig bidikui hanyen ndam Ditde Allah kin jide Allah.”

LUKAS 22:42

bipai “Arig e, gino ajoi sut lene ma ayai ninghuisi wei di suar cut igkep da dini ug ei minu ting leu Da. Noro dibit dingon kanti bi leu binhyepo dibit angon kanti.” [

YOHANES 16:8

Tirigi Noni kwei lene Noni mimbot kep mijit tut sisar kin ningon srenti kin hukum di mikwei leu Allah cem bak tungwatu dihyeisi dini.

NEHEI LEUSI 20:19

Lene ipai bak Musa “Gino ambrap bit nye lene minintu kep ahyet. Noro ma Allah mbrap pijum bit nye au lewo minimai.”

KISAH 16:29

Lene nibou ig bui cuk tungwagom bitin mini njeng kwei lene noni bipbur bicoi ug ei ig bui nsi leu api ba ninghuisi di mpig sut bikuk no ei Paulus kin Silas imig him.

KISAH 2:37

Tirigi tungwatu dima yok imiap nihyet lene ingon huk niti ba, ihig pus Petrus nya “Nisut bat jen, nibon mindei i?”

LUKAS 8:37

Lene yo di ibong bidem Gerasa kin minu mien di gahai nya cem irok Yesus ba, icuk ngkiemti leu binhyepo kes yok bingkwei hanyen leu yok hak ug, Lewo inghuisi mpig sut nindig bibor. Gima rino Yesus bri ut ba, joi sut ngkwei hanyen leu yok.

LUKAS 8:28

Tirigi noni ngat Yesus lene cot bikuk no ei nimig him leu api ba nihyet nindig bahara “Nani ne Yesus di Allah Di Ninyeng Jei Nipmot rin e? Akwei nggon ndei da i? Dahara ser Na bipia ahwen bit da au!”

MBEN ISRAEL IMBUT-MBUT NYEN 17:12

Lene mben Israel ipai bak Musa, “Gi nok gima lene buhun bibor mem nyeni ba, minisar ug ri!

YAKOBUS 2:19

Angon jo kep bipia Allah Nongkom ngat he e? Kei bibor! Ninnei rom nya cem ingon jo kep nok lo, gima bindei ba, inghuisi mpig sut ba, ittin tut.

ROMA 8:26

Nok gima cem Allah Ninnei kwei mpu nye lewo isindem bi ba, ikan tut nisinati mem gima ingat nadi tindei mun nyeng hi bi. Mpe dima lene Allah Ninnei Nonti kwei ya hacan mem nye ei Allah Noho bei lene ba nahamuisi di imiap bi bingat nadi mem nye.

ROMA 9:4

Yoni ripo intun mben Israel him tug hon Allah nidimig yok eisi ba, inok Nide limwa nya cem. Noni nek yok nok nipmot bat nya bindo nisindemti biyok cem. Allah kin yoni ipreu ei mem yam tug hon Puig Yahudi niggai serti ba, ikan tut nisinati mem gima ikuk yok biNoni mungkun kei cem. Igyai Nide nipreu ei mem yokti leu Noni ba,

KORINTUS GI NICAN 11:4

Ningat ne jiba jingon di llei biya um yo di itri tut Yesus nitrowai bije. Ba, Yesus dima ne Yesus nijit di nitri tut bije rin bi. Ba, jiya um ninnei nitrowai kin nihyet di kei nitrowai di noyam kin Allah Ninnei kin Nihyet Di Kei di nitri tut bije nipou su cem.

GALATIA 2:4

Mbro nok gima lo, bihi ibidip huk noni tut. Yo dima iluei itta tereu nok yo di Kresten ba, ibipis yo di mbusyameisi leu binhyepo iba itta sien kep yo di mbusyamei binggok tut nyende niyati kwes di tug hon ide ninok gom kin Kristus Yesusti. Yoni ipi biyuubon nyeni bininok awak mem puig timiei hanyen.

GALATIA 5:1

Nyeni igyati kwes lewo Kristus kwek nye tu. Gima rino ma jikrau kep jide niyati kwes dima. Ma jibiam bon di bindei bijinok awak hanyen bu au.

MATIUS 25:25

Dinghuisi mpig sut Andigpoi. Gima rino duug tig ade mitiei ei dihyeiti. Ditug ade mitiei dini hanyen bina.’