ROMA 8:11 - ALLAH NIHYET MEM TUNGWATU NYA

¹¹ Gino Allah Ninnei di kon Yesus hanyen leu nimai eisi ningat rin ei jingonti ne Allah gom ngat dima mikon jingut di mipror yon hanyen tug hon Allah Ninnei di ningat rin ei jingonti.

ROMA 8:11 ပူးပေါင်းရင်းမြစ်များ

YESAYA 26:19

Ade limwa di imai su nya migyai niyaijo hanyen ba, ingut di mai su nya mikiju hanyen. Yo di nitig yok tu nya mikiju hanyen bimbos-hi-mbos. Awin Ade limwa di imai mimbrek ngan tu nya ba, ayai niyaijo hanyen biyok noyam kin nggou di kwek dihyei ninghuisi.

YEHEZKIEL 37:14

Midihi dinnei ug ei insi leu binhyepo ikiju bigyaijo hanyen leu api disindui sut ba, ibong ser itimieisi hanyen. Mpe dima lene yoni mikan mungkun tut bipia Dani ne tuhan ri. Da di tuhan disimbot dat tu. Midiyai hagom bit leu nok gi dipreu ei mem yok.”

YOHANES 14:17

No dima ne Ninnei Gi Kwes di mbot kep tut Allah de nijit-jausi bije ri. Bit bon tungwatu dihyeisi dini igyai Noni ei ingonti kan bi lewo bit bon ingat Noni bikan tut Noni cem kan bi. Noro jikan tut Noni lewo Noni gwam bit je ba, Noni nok gom kin je cem.

YOHANES 5:21

Bit leu nok Nicig win yo di imai nya bibindei ba, igyaijo hanyen lene Nipmot cem bindei ba, tungwatu nya igyai niyaijo hanyen bit leu ningon kanti.

KISAH 2:24

Noro Allah win Noni hanyen leu yo di imai su nya ikieti bikwek Noni leu nimai di ninyeng tak kep Noni lewo bit bon nimai kat Noni kikau kan bi.

ROMA 16:10

Dipigo Apeles cem. Apeles nide ningon gom tut Kristusti jo nibreisi mem nye. Dipigo Aristobulus kin nide ig bei nsi nya cem.

ROMA 16:3

Dipigo Priska kin Akwila. Yoni ne dingon kieti nya rin ba, igyai midyai mem Kristus Yesus noyam kin da,

ROMA 16:7

Dipigo Andronikus kin Yunias di intun mben Yahudi him noyam kin da di isima ei ig bui nsi bit da. Yo cin dini iba ingon com Kristus bibie leu da. Ba, yo di mbusyamei ijoi sut yok drek dip ide nibrim ingkek bitri tut Nihyet Di Keisi.

ROMA 16:9

Dipigo disut Urbanus di yai midyai mem Kristus bit nyeni. Dipigo dingon kieti di ninyeng Stakhis cem.

ROMA 6:12

Ma jisindui sut ba, sisar tak kep jide niyaijoti di mipror yon ug rin au. Leu binhyema sisar dima bindei ba, jibit jingut pri kepti di sibut bibor nya bu au.

ROMA 8:1

Nogindini Allah mikes hukum ei yo di inok gom kin Kristus Yesus dip bi.

ROMA 8:12

Gima rino disut bat jen, ibon ningwam noro ibon ningwam bak ingut kanti leu binhyepo igyai mun bit leu nicuk nyeti bi.

ROMA 8:2

Lewo Allah Ninnei niggai serti di bindei ba, igyaijo nok gom kin Kristus Yesus kwek da leu niggai ser dati dibindei sisar kin nimai kat da dima tu.

ROMA 8:9

Noro jiyai mun bit leu jingut kanti di ntun dihyeisi dini him nicuk jeti bi. Noro jiyai mun bit leu Ninnei Gi kwes nicuk jeti gino ningat ne Allah Ninnei ningat rin ei jingonti. Gino Kristus Ninnei ningat rin ei tungwagom ningonti bi ne Kristus nyeng tut no dima bi.

KORINTUS GI NIGOM 15:16

Leu gino Allah miwin nimai nya hanyen leu imai eisi bi lene jo nibreisi bipia Noni win Kristus cem hanyen leu nimai eisi bi.

KORINTUS GI NIGOM 6:14

Allah win Tuhan Yesus hanyen leu nimai eisi tu. Ba, Noni miwin nyeni cem hanyen leu imai eisi tug hon Nide nisindemti.

KORINTUS GI NICAN 4:11

Niya hon niyaijo ningwig honti bikwop njap ngwa hagom kikau drek dip Yesus leu binhyepo Yesus niyaijoti jo brei bou tungwatu nya igyai him tug hon ningut di mipror yon dini.

KORINTUS GI NICAN 4:14

Ningon ngkiem tut bipia Allah di win Yesus hanyen leu nimai eisi miwin nyeni cem hanyen noyam kin Yesus leu api mibuwak nyeni bitut jeni cem yahagom ug ei Yesus Noho bei.

KORINTUS GI NICAN 5:4

Inso-nso nyen mem nijam di ibong ser ig di ntun dihyeisi dini him lewo mun di buhun bibor buhun tak nye. Ijoi sut gima ikes ingut di ntun dihyeisi dini him ei bi. Noro ijoi sut gima iba ingut di ntun gwamti him bijuk ingut di ntun dihyeisi dini him leu binhyepo mun di jo kikau mipinde mun di mipror yon bingwig hak ug.

GALATIA 6:8

Gino tungwagom ndim ningan bit leu ningut kanti di ntun dihyeisi dini him lene noni mitug ndei nimai drek dip niyai munti dima ri. Ne gino noni ndim ningan bit leu Allah Ninnei nibie tut noti lene noni miyai niyaijo nijep di jo kikau leu Allah Ninnei ri.

EFESUS 2:5

Tirigi mun di bitut innei mai drek dip gi itunggwei sut Allah nihyet lene Noni win nye hanyen leu imai eisi ndam niyaijo nijep noyam kin Kristus. Gima rino jiyai niteu leu sisarti kin niyaijo nijepti tug hon Allah di singat tut je.

FILIPI 3:21

Noni miluei ingut di sindem bi di mipror yon dini binoyam kin Nonti ningut di kei-kau-kei. Bon Noni yai gima drek dip gima Noni mbun nisindemti mem gima bikuk nipai testi nya hagom ei nimig him.

IBRANI 13:20

Allah ne nibousi mem ningon jo nyahanti rin ba, Noni win Yesus hanyen leu nimai eisi bikon Noni nok Gembala Di Kei Bibor mem Nide domba nya tug hon ninggrom di tak buk kep Nide nipreu eisi habiei ei nimbie him bijo kikau buug hon nohonti bi.

PETRUS GI NIGOM 1:21

Noni ribindei dino jiba jingon com Allah di win Noni hanyen leu nimai eisi biyai nikei-kau-keisi biNoni. Gima rino jiba jingon com Allah bijiyok jingon mem mun di Noni preu ei mem je.

PETRUS GI NIGOM 3:18

Lewo Kristus Nonti mai mbigom ngat he bijo kikau mem ide sisar. Noni ne No di ningon sren-srau di ya luei yo di ibon sisar nya yohoti rin leu binhyepo buwak je kwei bijitti kin Allah. Kristus mai bit leu gi mbun ningut tungwatu. Noro tirigi Allah win Noni ba, niyaijo hanyen lene noni mbun ninnei di bit bon mai hanyen kan bi.

NINGAT-HI-NGAT NYA 1:18

kin No di niyaijo ri. Nipou ne dimai su noro angat i! Nogindini diyaijo kikau buug hon nohonti bi. Dinyeng tak kep yo di imai su kin minu nimai nya ide.

NINGAT-HI-NGAT NYA 11:11

Noro njap ningai biniken dima ngwig leu lene Allah hi ninnei di niyaijo hanyen ei ihwap nsi lene ikiju hanyen bigya apino tungwatu nya di itou kep yok yahagom idigit tut nindig bibor.