ROMA 8:10 - ALLAH NIHYET MEM TUNGWATU NYA

¹⁰ Gino Kristus ningat rin ei jingonti ne mbro nok gino jingut mipror yon drek dip sisar lo, Allah Ninnei yai niyaijo nijep bije lewo Allah yai jingon di kwes kin Noni bije tu.

ROMA 8:10 ပူးပေါင်းရင်းမြစ်များ

IMAM NYA IDE MIDYAI 13:40

Gino no di pinai nibou llet leu nibou nggram him lene gima bindei ba, map kui noti bi.

YOHANES 14:23

Yesus buhup “No di ningon ngakei Da bit Ditde ningginausi. Dicig cem ningon ngakei noni leu api Dicig kin Dani nikwei coi ei ningonti.

YOHANES 15:5

Dani ne ba anggur ninjem ba, jeni ne ninda ri. No di com nigau ninghig-niker ei Daniti lene Dani dicom digau ninghig-niker ei noniti ba, noni mingat ningat mang di ntun noni him ri. Gino jisriot jenti leu Dani lene bit bon jingat ningat kan bi.

YOHANES 17:23

Dinok gom kin yok ba, Nani anok gom kin Da ba, yahagom inok gom kin yam leu binhyepo tungwatu dihyeisi dini ikan tut bipia Nani rino acuk Da kwei ba, angon ngakei yok bit leu nok angon ngakei Da.

YOHANES 4:14

Noro no di dut minyei gi Da duhug binoni nggobiau hanyen bi sren. Lewo minyei gi duhug binoni rinok minyei bousi gom di biam tut minyei niyaijo nijep ei ningonti bijo kikau.”

YOHANES 6:54

Bikwop no di yem dinghui ba, dut dinggrom cem lene no dima rino yai niyaijo nijep di jo kikau ei ningonti. Midiwin noni hanyen leu nimai eisi mem Njap Ningwig Honti.

YOHANES 6:56

Bikwop no di yem dinghui bidut dinggrom cem lene no dima ningon jo gom kin Da ba, dingon jo gom kin noni.

ROMA 5:12

Sisar coi kwei ei dihyeisi dini tug hon tungwagom ba, nide sisar buwak nimaisi kwei. Leu api nimaisi kieng kep tungwatu yahagom lewo yahagom ibon sisar tu.

ROMA 5:21

Gi nok lene suar nyeni yahagom itug ndei nimai lewo ibon sisar tu. Noro Allah singat tut nye bitin puig di bie ug ei ingon kwes kin Noni hanyenti. Gino ingon kwes kin Noni hanyen tu ne Noni miyai niyaijo nijep di jo kikau binye tug hon ide Tuhan Yesus Kristus.

ROMA 8:11

Gino Allah Ninnei di kon Yesus hanyen leu nimai eisi ningat rin ei jingonti ne Allah gom ngat dima mikon jingut di mipror yon hanyen tug hon Allah Ninnei di ningat rin ei jingonti.

KORINTUS GI NIGOM 15:45

Bit leu nok gi ipas ei Allah nihyetti “Allah pai tes Adam nok no di nigom di niyaijo ba, ninnei joti.” Noro Adam di ya nohon keti ne Ninnei di yai niyaijo nijep bak tungwatu nya ri.

KORINTUS GI NICAN 13:5

Ma jibinai yam ngonti leu binhyepo jinggok tut gino jiyai munti nya ntun jide niba ningon com Kristusti him! Jikan tut mungkun bipia Kristus Yesus ningat rin ei jingonti e? Gi bi ne jingon jo kep Noni mungkun bi.

KORINTUS GI NICAN 4:11

Niya hon niyaijo ningwig honti bikwop njap ngwa hagom kikau drek dip Yesus leu binhyepo Yesus niyaijoti jo brei bou tungwatu nya igyai him tug hon ningut di mipror yon dini.

KORINTUS GI NICAN 5:21

Kristus bon sisar nyeng gom bi sren. Noro Allah bindei ba, Kristus biang ide sisar bitut ide ningon muisi nibuhunti hagom leu api yai ingon di kwes kin Noni hanyen drek dip ide ninok gom kin Kristusti.

GALATIA 2:20

diyaijo bu bi. Noro Kristus niyaijo ei dingonti. Nogindini diyaijo tug hon ditde niba ningon com Allah Nipmot di ningon ngakei da bikes niyaisi ei biya luei da.

EFESUS 3:17

Handei kon ba, Kristus gwam nyahan ei jingonti tug hon jide niba ningon com Noniti. Ma jicom jigau ei ningon ngakei yamti ba, ningon di ngakei yam mpung ei jingonti,

FILIPI 1:23

Lewo dingon kanti can brim da. Dimpig bou sut gima dikes diyaisi ei ba, duug gwam bit Yesus lewo gini kei bibor mem da.

FILIPI 3:9

bidinok gom kin Noni. Dinggok tut ningon kwes kin Allahti tug hon gi dibindei mbut Puig Yahudi niggai serti nya bu bi. Nogindini dingon kwes kin Allah hanyen tug hon ditde niba ningon com Kristusti. Lewo Allah yai ningon di kwes kin Noni hanyen bak tungwatu nya tug hon ide niba ningon com Yesus Kristus Nongkom he.

KOLOSE 1:27

Allah ningon kanti mem Nide limwa nya rino joi sut mbot kep tut Nide nimimun di kei-kau kin mindur di Noni bet ei mem tungwatu nya biyok. Nimimun dima ne Kristus ningat rin ei jingonti gi bindo tut bipia jinyeng tut mun di mindur hagom di Noni tin ei mem je.

TESALONIKA GI NIGOM 4:16

Mpe dima lene Allah nihyet sra tut nicukti lene malaikati nibou ndig nihyet kin Allah de pun mbrei hacem mitibim leu api Tuhan Yesus Nonti mijuk kwei leu gwamti. Lene yo di imai su di iba ingon com Kristus nya mikiju hanyen leu imai eisi bibie ug e.

IBRANI 12:23

Jikwei ya hon Allah nimunggwom mighumbou nya di iba ingon di llei bibor binduk yam kwei ba, inyeng tibim kin Allah de daptar ei gwamti. Jikwei ya hon Allah ba, Noni ne nikei di mbus tungwatu nya yahagom ingonti ri. Ba, jikwei ya hon tungwatu di ingon sren di imai su di Allah bindei bikei-kau.

IBRANI 9:27

Allah pai ei su bipia tungwatu nya yahagom imai mbigom ngat he leu api Noni mimbus ingonti.

NINGAT-HI-NGAT NYA 14:13

Leu api dimiap nihyet gom di tibim kwei leu gwamti bipai “Apas kep gini. Hon kep nogondini ne yo di inda jo kep midyai di igyai mem Allah di igyai nimai hon kep ammani kui drek dip midyai dima ingon nggei-hi-nggei.” Allah Ninnei buhup “Igbit ri! Yo dima miba ingon di llei bibor bikes inda tut ide midyai di buhun bibor lene ningat di kei di ntun yok him bram yok.”