ROMA 8:1 - ALLAH NIHYET MEM TUNGWATU NYA

¹ Nogindini Allah mikes hukum ei yo di inok gom kin Kristus Yesus dip bi.

ROMA 8:1 ပူးပေါင်းရင်းမြစ်များ

YESAYA 54:17

Noro bit bon minggwen di tukan nya ibon dima sindem mem gima tot na kan bi. Tirigi hi pai kep na ei nikei noho bei lene nihyet minok bu tan lewo ando bindo di bindo pia yai mun tunggwei bak. Midimbrap gau Ditde awak nya bidibindei ba, ihwen ide siceu nya bitimek.” tuhan simbot dat tu.

YEHEZKIEL 18:9

No dima bit dicuk noti nya biyok ngon kep diggai serti nya ba, nongkom he rino ningon sren binyohou nonti niyaisi cem. Da di tuhan Di Dinyeng Jei Bibor disimbot dat tu.

YOHANES 14:20

Tirigi njap dima dem lene mijikan tut bipia dinok gom kin Dicig lene jinok gom kin Da bit leu gi dinok gom kin je.

YOHANES 15:4

Ma jicom jigau ninghig-niker ei Dati lene Dani cem dicom digau ninghig-niker ei jeti. Bit bon ningat ntun ninda him tug hon nonti kan bi. Gino ninda tug ninjem lene ngat ningat ri. Nok gima mem jeni cem. Gino jicom jigau ninghig-niker ei Dati bi lene bit bon jingat ningat kan bi.

YOHANES 5:24

Dipai nijit bije bipia no di miap dihyet bibit leu api ba ningon com No di cuk Da kwei yai niyaijo nijep di jo kikau ei ningonti tu. No dima mitug ndei hukum bi noro hei leu nimai bicoi ei niyaijo nijepti bu.

ROMA 16:3

Dipigo Priska kin Akwila. Yoni ne dingon kieti nya rin ba, igyai midyai mem Kristus Yesus noyam kin da,

ROMA 16:7

Dipigo Andronikus kin Yunias di intun mben Yahudi him noyam kin da di isima ei ig bui nsi bit da. Yo cin dini iba ingon com Kristus bibie leu da. Ba, yo di mbusyamei ijoi sut yok drek dip ide nibrim ingkek bitri tut Nihyet Di Keisi.

ROMA 5:1

Nogindini nyeni ingon kwes kin Allah hanyen tug hon ide niba ningon com Noti. Gima bindei ba, igyai ingon di jo nyahan ei Allah Noho bei tug hon ide Tuhan Yesus Kristus.

ROMA 5:16

Ba, Allah nisingat tut nyeti kin Adam nipigau hanjopti ter leu yam. Tungwagom nipigau hanjopti nimbie him bindei ba, Allah pai kep tungwatu nya pia “Ingon mui.” Noro niabiati sisar mang bibor srou kikep tungwatu nya lene Allah nisingat tut nyeti ttau kwei sut nisimbot datti “Ingon ngun!”

ROMA 7:17

Ningat ne dani rino no di bon mun dima bi noro sisar di yai nibou tut dingonti riyai mun dima.

ROMA 7:20

Gino diyai kep mun di dingon mpo tut ne gini ndo bipia dani rino no di bon mun dima bi noro sisar di yai nibou tut dingonti ribon mun dima.

ROMA 8:11

Gino Allah Ninnei di kon Yesus hanyen leu nimai eisi ningat rin ei jingonti ne Allah gom ngat dima mikon jingut di mipror yon hanyen tug hon Allah Ninnei di ningat rin ei jingonti.

ROMA 8:14

Yo di ibit Allah Ninnei nibie tut yokti inok Allah nimunggwom bat nya ri.

ROMA 8:2

Lewo Allah Ninnei niggai serti di bindei ba, igyaijo nok gom kin Kristus Yesus kwek da leu niggai ser dati dibindei sisar kin nimai kat da dima tu.

ROMA 8:34

Gima rino tou rima pai sut nyeni bipia ingon mui i? Hi bi! Lewo Kristus mbrap gau nyeni ei Allah Noho bei! Noni ripo mai ei biei salibti he bi noro kiju hanyen leu nimai eisi biya kui Allah ninda com.

ROMA 8:39

kin mun di jo ei mpia-bbed him kin mun di jo ei dihyei jou kin mun nindigsi bidem Allah nipai testi cem ba, hagom mimbres nye leu Allah ningon ngakei nyeti di tug hon ide Tuhan Kristus Yesus kan bi sren.

ROMA 8:4

Allah yai mun dini leu binhyepo ibrim ingkek mem Allah ningon kanti di jo nibreisi ei Puig Yahudi niggai serti dima leu binhyepo bindei mbut ningon kanti ei nyenti njemti bit leu Allah Ninnei ningon kanti noro bit leu ingut kanti di ntun dihyeisi dini him bu bi.

ROMA 8:9

Noro jiyai mun bit leu jingut kanti di ntun dihyeisi dini him nicuk jeti bi. Noro jiyai mun bit leu Ninnei Gi kwes nicuk jeti gino ningat ne Allah Ninnei ningat rin ei jingonti. Gino Kristus Ninnei ningat rin ei tungwagom ningonti bi ne Kristus nyeng tut no dima bi.

KORINTUS GI NIGOM 1:30

Allah Nonti bindei ba, jinok gom kin Kristus Yesus. Igyai ningon kiti tug hon Kristus cem tu. Allah bindei ba, igyai ingon di kwes kin Noni tug hon Kristus ba, inok Nide limwa di ingon kwes-kwau nya ba, Noni kwek nye leu ide sisar cem tu.

KORINTUS GI NIGOM 15:22

Bit leu nok tungwatu yahagom itug ndei nimai drek dip gi intun Adam him lene yahagom mikiju hanyen leu imai eisi drek dip gi inok gom kin Kristus.

KORINTUS GI NICAN 12:2

Dikan tut no di Kresten gom di Allah teu ba, buwak ug ei gumihyep di jo anai bibor ei gwamti ari bingwam simnaibrimigtai gi pini jug. (Dingon kiowi tut gino Allah teu no dima ningat buug sut ug ei gwamti e, he no dima ngat ningat-hi-ngat he e? Allah Nongkom kan tut.)

KORINTUS GI NICAN 5:17

Tungwa tou rino nok gom kin Kristus tu lene no dima nok tungwatu di nijep-jau bu. Ba, niyaijoti nitimiei pror leu su leu api niyaijoti di nijep-jau luei bu.

GALATIA 3:13

Noro Kristus kwek nye leu Puig Yahudi niggai serti nisigion nyeti tug hon mpe di po Nonti sindui sut ba, biang nisigion Nonti luei nye. Bit leu nok gi ipas ei Allah nihyetti “Tungwa tou rino yai hukum nimai ei biei salibti tug ndei Allah de nisigion noti.”

GALATIA 3:26

Ba, jahagom jinok gom kin Kristus Yesus drek dip jide niba ningon com Noti. Gima rino jinok Allah nimunggwom bat nya.

GALATIA 3:28

Gima rino mben Yahudi kin ngkiai nya cem awak nya kin yo di igyati kwes cem pinai nya kin sop nya cem jahagom titer leu yam bu bi noro jahagom jinok gom kin Kristus Yesus.

GALATIA 5:16

Dingon kanti rinok gini. Ma jisindui sut ba, Allah Ninnei bie tut je lene ma jiyai munti nya bit leu jingut kanti di ntun dihyeisi dini him au.

GALATIA 5:25

Allah Ninnei yai niyaijo nijep binye. Gima rino suar isindui sut Noni ba, ibit nibie tut nyeti.

EFESUS 1:1

Srat dini leu da di Paulus ba, dani ne no di ya kui Yesus tug hon Allah ningon kanti mem da ri. Srat dini mem Allah de limwa nya di ingon gom tut Kristus Yesus.

FILIPI 3:9

bidinok gom kin Noni. Dinggok tut ningon kwes kin Allahti tug hon gi dibindei mbut Puig Yahudi niggai serti nya bu bi. Nogindini dingon kwes kin Allah hanyen tug hon ditde niba ningon com Kristusti. Lewo Allah yai ningon di kwes kin Noni hanyen bak tungwatu nya tug hon ide niba ningon com Yesus Kristus Nongkom he.