ROMA 7:5 - ALLAH NIHYET MEM TUNGWATU NYA

⁵ Lewo nipou ne igyai munti nya bit leu tungwatu dihyeisi dini ingut kanti nya. Mpe dima lene Puig Yahudi niggai serti di yai nibou tut nye bindei ba, ingon pri kep sisar ba, inok awak mem igyai munti nya di bie ndam nimai.

ROMA 7:5 ပူးပေါင်းရင်းမြစ်များ

MATIUS 15:19

Lewo nihwen mun kin nicut tut hi nitnem kin nicut tut yam kin ninggimang mun kin niris yam kin nikucang yam hagom ntun ningon him.

YOHANES 3:6

Tungwatu nya igyai niyaijo tug hon icig bat-ipmem bat nya noro igyai niyaijo nijep tug hon Allah Ninnei.

ROMA 1:26

Gima rino Noni sindui sut yok ei ba, ingon pri kep mun di bibon immai joti nya. Sop nya igyem njita tut pinai nya bit leu nok tungwatu nya igyai kepti bi noro sop yonti icut tut yam.

ROMA 3:20

Lewo bit bon tungwa hi yai ningon kwes kin Allahti drek dip nibon munti di bit leu nok Puig Yahudi nicuk noti kan bi. Noro nicukti dima ndo brei bak tungwatu nya bipia yahagom ibon sisar.

ROMA 4:15

Puig Yahudi nicukti nya bindei ba, Allah kes hukum ei tungwatu nya dip. Noro gino nicukti hi jo bi ne nipigau hanjopti cem jo bi.

ROMA 5:20

Allah Nonti yai Puig Yahudi niggai serti bak mben Yahudi. Mbro nok gino tungwatu nya ibingon mem gima ibit Puig Yahudi niggai serti lo, ikum ei nipigau Puig Yahudi niggai serti ba, ibon sisar ei Allah niyai him. Mbro nok gino ikum ei ide nibon sisarti nindig bibor lo, Allah kum ei nisingat tut yokti nindig bibor bu.

ROMA 6:13

Ma jikes jingut nimbumbati nya ei sisar nindati leu binhyepo sisar ba nimbumbati dima yok bibon mun di kinei au. Noro ma jikes jenti ei Allah nindati tereu nok yo di Noni kon yok hanyen leu imai eisi bigyai niyaijo nijep. Ma jikes jenti njem ei Allah nindati leu binhyepo Noni ba jingut bibon mun bit leu ningon kanti.

ROMA 6:19

Jingon dorti haigtu bigyo. Gima rino diba dihyet nitu bimbrap bit je. Nipou ne jikes jenti njem ei nok awak mem mun di jingut pri kep kin mun di kinei ba, jingon kanti nya hagom kinei bibor. Noro tini bu ne ma jikes jenti njem ei nok awak mem Allah ningon kanti leu binhyepo jingon gom tut Allah nikos tutti nya mem jeni.

ROMA 6:21

Mpe dima lene jitug ndei mindei leu jiyai munti di jimmai sut nogindini nya i? Jiyai munti dima yok hagom bindei nimai!

ROMA 6:23

Lewo sisar birop jimuhup nimai eisi hanyen bije. Noro Allah yai niyaijo nijep di jo kikau bit ide Tuhan Yesus Kristus binye mikuisi.

ROMA 7:23

Noro niggai serti hiter yai nibou tut dingonti ba, srep tut niggai serti di diba dibou ngwakti bice tut. Sisar niggai ser dati di yai nibou tut dingonti kat da ba, disima.

KORINTUS GI NIGOM 15:56

Nimai de nisindemti ntun sisar him ba, sisar de nisindemti ntun Puig Yahudi niggai serti him.

KORINTUS GI NICAN 10:3

Mbro nok gino ingat rin ei dihyeisi dini lo, nikon pran tug hon nisinati di ntun dihyeisi dini him bi.

GALATIA 3:10

Allah sigion yo di iba ingon com bipia igyai ingon di kwes kin Noni tug hon gino ibit Puig Yahudi niggai serti nya yahagom. Bit leu nok gi ipas ei Allah nihyetti “Tungwa tou rino ba ningon di gom bibit Puig Yahudi niggai serti kikau bi ne Allah sigion no dima.”

GALATIA 5:24

Yo di ijem iceu bit Kristus Yesus igyai nimai bak ingut kanti kin ide ningon pri kepti di ntun dihyeisi dini him nya hagom.

EFESUS 2:11

Disut bat je di ngkiai nya e, ma jiyok ngon kep mun di cut igkep je nipou su nya. Mpe dima lene mben Yahudi di ibidip huk midut sunat di igyai su nya ipai sut je “yo di ibit midut sunat bi” nya ri. (Gini bitut midut neet pinai nya ingkek kulup bit leu Musa nicuk yoti.)

EFESUS 2:3

Nipou ne yahagom inok yo dima. Igyai munti nya bit leu ingut kanti di ntun dihyeisi dini him ba, ingut kanti dima kin ingon kanti yuubon nye nok awaga. Mpe dima lene nyeni ne tungwatu di itug ndei hukum leu Allah rin noyam kin yo di hiter yahagom.

KOLOSE 3:5

Gima rino ma jimu kep jingut kanti di om kep je. Bihi nok nicut tut yamti kin nikrar kep yamti kin niyai canti kin ningon pri kep yamti kin ningon pri kep mun di jo bak hiterti (sisar dini noyam kin sisar nikuk nye bak kwarti nya).

TITUS 3:3

Lewo nipou ne nyeni cem ingon tindur cem israwir cem ibit nihyet bi cem ba, inok awak mem ingut kanti nya kin mun di ingat ingwes eisi nya. Igyai munti nya sibut bibor cem ingon kinei sut yam cem ingon mpo tut tungwatu nya yahagom ba, yahagom ingon mpo tut nye.

YAKOBUS 1:15

Gino noni nyohou ningon pri kep mun di ngat ningwes eisi dima lene sisar ntun him. Gino sisar dima mahan tu lene nimai ntun him sindam.

YAKOBUS 4:1

Ningon sibui sut yamti kin niliriem yamti di srig jikieti ntun mindei him i? Ningon di pri kep mun di ingat ingwes eisiti rinok nitriti mem mun dima yok.

YOHANES GI NIGOM 3:4

Bikwop no di bon sisar pigau Allah de hanjop tu. Lewo sisar kin nipigau hanjopti hacem noyam.