ROMA 7:4 - ALLAH NIHYET MEM TUNGWATU NYA

⁴ Disut bat jen, nok gima tut jeni cem. Jindo jimai eisi bak Puig Yahudi niggai serti lewo jinggre kin Kristus ninguda. Nogindini jijem jiceu bit Kristus di Allah kon leu nimai eisi. Allah kon Noni hanyen leu nimai eisi leu binhyepo nyeni iba niyaijo nijep biyai midyai mem Allah.

ROMA 7:4 ပူးပေါင်းရင်းမြစ်များ

YESAYA 54:5

Jide Nipai Tes Mun Cig mibon Nonti nok ajjep. Mben Israel ide Allah di kwes-kwau miteu na ba, angwes ngun. Ninyeng rino tuhan Di Sindem Bibor ba, ninyeng tak kep dihyeisi dini hagom.

YESAYA 62:5

No di pai tes na mijem na nok nitnem dem kep pinai pilei gom di wak sop gwam nitta pilei di ya kin pinai bigyo. Allah joi sut na dem kep pinai pilei gom di ngat ningwes ei nitnemti.

MATIUS 26:26

Tirigi igyem njita lene Yesus yai roti nindak gom bipai sigyo kep. Leu api ki bitri yo di igya kui Noni bipai biyok “Jiyai roti dini ba, jiyem ug lewo gini ne dinghui ri.”

MARKUS 4:20

Lene njita ngan di cut ei dihyei suti bindo tut yo di intu kep nihyet ba, ingon jo kep leu api ningat ntun him. Ningat ningot ningai ntun bihi him lene ningat ningot muhwindagom ntun bihi him lene ningat sratus gom ntun bihi him lene bikwop nok.”

YOHANES 15:8

Gino ningat mang ntun jeni him lene tungwatu nya ikon Dicig ninyeng. Tug hon nisinati dima lene jinok yo di igya kui Da di nijit nya ri.

YOHANES 3:29

Bit leu nok pinai pilei di wak nitnem. Nongkom ninyeng tak kep sop gwam nitta pilei di noni yok wa kep tu. Noro nisut di ya kui noni ntu kep nihyet apino ningon llei sut. Nok gima tut dani cem. Nogindini diyai nillei titut yam ei dingonti.

YOHANES 6:51

Dani ne roti di yai niyaijo nijep di juk kwei leu gwamti ri. No di yem roti dini miyai niyaijo nijep di jo kikau. Roti di diyai binoni ne dinghui rin ba, diyai roti dini bak tungwatu nya leu binhyepo igyai niyaijo nijep.”

ROMA 6:11

Suar jeni cem ma jiyok ngon kep bipia jindo jimai eisi bak sisar noro jiyaijo tug hon jide ninok gom kin Allahti tug hon Kristus Yesus.

ROMA 6:14

Harin dima sisar de nisindemti om kep je bu a. Lewo jide niyaijo nijep tug hon Puig Yahudi niggai serti bu bi noro tug hon Allah nisingat tut jeti.

ROMA 6:2

E bi! Sisar tak kep nye bu bi. Gima rino nggon rino ibon kep sisar kikau bu i?

ROMA 6:22

Noro tini bu ne Allah kwek je leu sisar de nisindemti ba, jinok awak mem Noni. Jiba jekep jingon di gom tut Noni apino niyaijo nijep di jo kikau ntun him.

ROMA 7:3

Gino nitnem bit bong biyem njita tut hi ter tirigi nijjep niyaijo yo ne tungwatu ipai biyam bipia noni ne sop di pigau nijjep ri. Noro gino nijjep mai leu lene Puig Yahudi niggai serti dima bindei kwek noni. Gino noni ug wak pinai hi ter bu ne sisar nicut tut yamti ntun him bi.

ROMA 7:6

Noro tini bu ne Allah kwek nye leu Puig Yahudi niggai serti nide nisindemti. Indo imai eisi bak Puig Yahudi niggai serti di tak kep nye tu. Nogindini nyeni iba nisinati nijep biyai midyai mem Allah tug hon Allah Ninnei nibie tut nyeti noro tug hon Puig Yahudi niggai serti nipas kepti bi.

ROMA 8:2

Lewo Allah Ninnei niggai serti di bindei ba, igyaijo nok gom kin Kristus Yesus kwek da leu niggai ser dati dibindei sisar kin nimai kat da dima tu.

KORINTUS GI NIGOM 10:16

Idut ei gi mokti di biei ngat ningei joti ba, ipai sigyo kep ne igyai munti dima ndo bipia ipriet kin Yesus ninggrom. Igyem roti di iki kukiau lene igyai munti dima ndo bipia inok gom kin Yesus ningut.

KORINTUS GI NICAN 11:2

Dingon ya mem je nindig bibor noyam kin gi Allah Nonti cem ningon ya mem je. Lewo jinok dikwohop nigwam nitta pilei. Diyok wab kep je mem tungwagom ba, No dima ne Kristus ri.

GALATIA 3:13

Noro Kristus kwek nye leu Puig Yahudi niggai serti nisigion nyeti tug hon mpe di po Nonti sindui sut ba, biang nisigion Nonti luei nye. Bit leu nok gi ipas ei Allah nihyetti “Tungwa tou rino yai hukum nimai ei biei salibti tug ndei Allah de nisigion noti.”

GALATIA 5:18

Gino jibit Allah Ninnei nibie tut jeti lene Puig Yahudi niggai serti ninyeng tak kep je bu bi.

EFESUS 2:15

Noni ciu ser Puig Yahudi niggai serti nya bitut nidimig sutti nya kin nikos tutti nya leu binhyepo ba mben Yahudi kin ngkiai nya bicom yam nok Nide limwa di nijep bu di inok gom kin Noni. Tug hon nisinati dima ne Noni bakei yokti.

FILIPI 1:11

Apino hon kep njap dima ne jiyaijoti singat kei tug hon jide niyai munti di kei bibor kei nya di ntun Yesus Kristus Nongkom him ba, ibikon Allah ninyeng bibinggei sut Noni.

FILIPI 4:17

Ningat ne ditindei kep tungwatu nya indati tut mun di bahati tut da bi. Noro dingon llei sut gi jibikum ei jimuhupti.

KOLOSE 1:10

Tug hon nisinati dima lene jide niyaijoti mibicim tindei Allah ningon kanti mem je ba, jipwoi Nonti ningon kikau. Lene ningat di kei nyeng hagom mintun jide niyaijoti him ba, jibikum ei jide ningon dorti tut Allahti.

KOLOSE 1:22

Noro tini bu ne Noni yai jingon di kwes kin Noni tug hon Nipmot nimai ei biei salibti. Tug hon nisinati dima ne Noni bindei ba, jiba jingon di kwes kin jingon di pimbai kin jingon di ngun biya ei Allah Noho bei.

KOLOSE 1:6

Allah nihyet dima no kieng kep dihyeisi dini apino tungwatu nya igyai mun di kei di ntun nihyet dima him noyam kin mun di kei di jeni jiyai mpe di jimiap tut Allah nisingat tut jeti habiei ei nimbie him. Leu api nisingat tut jeti nyohou pingok ei jingonti kikau kwei bipek ammani kep.

KOLOSE 2:14

ciu ser buk di nyeni itak kep ser Nide mitiei ngwam di ba nidimig sutti di buhun tak nye. Allah pek buk di itak kep ser dima kin biei salibti binggek tut nidimig sutti di pai kep nye.

KOLOSE 2:20

Tirigi jimai bit Kristus lene Noni kwek je leu ninnei nya di inyeng tak kep mpia-bbed him kin dihyeisi dini. Nggon rino nogindini jiyai bram tungwatu di intun dihyeisi dini him nya igyai kepti nya di om kep je i? Nggon rino jikuk je bak ide nidimig sutti nya di cuon ser je bipia,

IBRANI 10:10

Yesus Kristus yai midyai bit leu Allah ningon kanti mem Noni. Gima rino igyai nipiap leu sisarti tug hon Nide midyai nikos ser sisarti mbigom ngat he bijo ninno bijo kikau.

PETRUS GI NIGOM 2:24

Kristus biang ide sisar ei Nonti dip tirigi mai ei biei salibti leu binhyepo bikwek nye leu sisar de nisindemti leu api igyaijo bit leu Allah ningon kanti mem nye. Kristus nibok nya ribindei dino jikei hanyen.

NINGAT-HI-NGAT NYA 19:7

Jikwei ba, ingon llei bibor cem inggei ngwig sut Allah tut ninyeng jei biborti. Lewo tto bou dem mem Domba Pmot wak nitnem ba, no di sop tin ei mem niwak yamti tu.

NINGAT-HI-NGAT NYA 21:9

Lene malaikati gom leu malaikati ibou muhwindacan di ikwei sut bokor di ut tut nsuwer ajar ningat muhwindacan di jo mem njap ningwig honti kwei pai bida “Akwei bidindo no di sop di Domba Pmot wak tu ba, noni ne nitnem rin bina.”