ROMA 7:18 - ALLAH NIHYET MEM TUNGWATU NYA

¹⁸ Dikan tut bipia mun di kei nyeng hi ningat rin ei dingonti kin dingut kanti di ntun dihyeisi dini himti bi. Mbro nok gino dingon kanti di kei bibor ntun dingon him lo, bit bon diyai dibou tut kan bi.

ROMA 7:18 ပူးပေါင်းရင်းမြစ်များ

NITRITI 6:5

Tirigi tuhan ngat lo, tungwatu dihyeisi dini yahagom imbuk bibor ba, ingon kanti titut yam kinei bibor kikau lene,

NITRITI 8:21

Lene mikwau di noni ndig dima ngge kei bipwoi tuhan ningon leu api tuhan kan “Midimbriom dihyei drek dip tungwatu nya igyai munti nya bu bi sren. Dikan tut bipia tungwatu nya ikan-kan nyenti kinei bibor habiei ipilei kwei su. Midicok tut mun di ninnei tau nuhwap nsi nya bit leu nok gi po dicok tut yok pima bu bi sren.

AYUB 14:4

Bon no di bon sisar bindei ba, mun di kwes kei ntun him e?

AYUB 25:4

Tungwa hi kei-kau ei Allah niyai him e? Hi ningon kwes-kwau ei Noho bei e?

MAZMUR 119:173

Ma atin ei ba, ampu da bikwop mmun-njap lewo dikos tut bipia midibit Ade nikos tutti nya.

MAZMUR 119:176

Disrawir dem kep nok domba di pror. Gima rino akwei ba, anggok Ade awak di dani. Lewo diba diyai ngat Ade nicukti nya bi.

MAZMUR 119:32

Dingon nggan mem gima dibit Ade nicukti nya lewo abindei ba, dingon huk niti bibor.

MAZMUR 119:40

Ayai niyaijo nijep bida lewo angon sren-srau. Dibimbeu sut nibit Ade nikos tutti nya bibor.

MAZMUR 119:5

Dibingwam ndam gima diba dingon di nddong bibit Ade nikos tutti nya.

MAZMUR 51:5

Dipai jit ditunggweisi nya hagom ba, ditde sisar nya jo nibreisi mem da bikwop mmun-njap.

YESAYA 64:6

Nahagom nirom ndok ba, nyende niyai munti di kei nya noyam kin minyahas di map kui ba, mpiei bibor. Nyende sisar mibindei ba, nisar biningwig noyam kin mahai-meng di mui bibit hou.

MATIUS 15:19

Lewo nihwen mun kin nicut tut hi nitnem kin nicut tut yam kin ninggimang mun kin niris yam kin nikucang yam hagom ntun ningon him.

LUKAS 11:13

Mbro nok gino jisibut lo, jingondut jimunggwom bat nya lene jo nibreisi bipia Jicig ei gwamti miyai Ninnei Gi Kwes bak yo di yahara Noni tut!”

YOHANES 3:6

Tungwatu nya igyai niyaijo tug hon icig bat-ipmem bat nya noro igyai niyaijo nijep tug hon Allah Ninnei.

ROMA 13:14

Noro ma ikrau kep Tuhan Yesus Kristus de minggwen nya lene ma jikes hon ba, jiba joho rok jingut kanti nya di ntun sisar him ba, jisindui sut jingut kanti nya bindei cut je bu au.

ROMA 7:15

Dingon kiowi tut diyai kepti nya. Dipi bidiyai kep mun di igbit noro bit bon diyai gima yok kan bi leu api diyai kep mun di dingon mpo tut nya.

ROMA 7:19

Dipi bidiyai mun di igbit noro bit bon diyai kan bi leu api diyai kep mun di kinei gi dingon mpo tut nya.

ROMA 7:25

Dipai sigyo bak Allah! Noni miteu da bidingwes ngun tug hon ide Tuhan Yesus Kristus.

ROMA 7:5

Lewo nipou ne igyai munti nya bit leu tungwatu dihyeisi dini ingut kanti nya. Mpe dima lene Puig Yahudi niggai serti di yai nibou tut nye bindei ba, ingon pri kep sisar ba, inok awak mem igyai munti nya di bie ndam nimai.

GALATIA 5:17

Lewo ningut kanti di ntun dihyeisi dini him tte tut ningon kanti di ntun Allah Ninnei him. Ningon kanti di ntun Allah Ninnei him tte tut ningut kanti di ntun dihyeisi dini him ba, hacem tte tut yam. Gino jibit Allah Ninnei nibie tut jeti lene bit bon jiyai munti nya bit leu jingut kanti di ntun dihyeisi dini him kan bi.

GALATIA 5:24

Yo di ijem iceu bit Kristus Yesus igyai nimai bak ingut kanti kin ide ningon pri kepti di ntun dihyeisi dini him nya hagom.

FILIPI 2:13

lewo Allah Nonti ripingok ei jingonti leu binhyepo jingon llei bijiyai nisindemti mem jibindei ba, Noni joi sut je.

FILIPI 3:12

Tut danti ne duug pek nipekti bidikei-kau cem bigyo. Noro dita dibou ei nibinang ndam nipekti leu binhyepo dibitug ndei mun di kei di Noni bet ei mem da. Ba, mun dini yok hagom bicim tindei Kristus Yesus ningon kanti mem da tirigi Noni bindei ba, dijem diceu bit Noni.

TITUS 3:3

Lewo nipou ne nyeni cem ingon tindur cem israwir cem ibit nihyet bi cem ba, inok awak mem ingut kanti nya kin mun di ingat ingwes eisi nya. Igyai munti nya sibut bibor cem ingon kinei sut yam cem ingon mpo tut tungwatu nya yahagom ba, yahagom ingon mpo tut nye.

PETRUS GI NIGOM 4:2

Hon kep ammani kui ne ma Allah ningon kanti om kep jiyaijoti ei dihyeisi dini lene ma jingut kanti nya om kep je bu au.