ROMA 6:6 - ALLAH NIHYET MEM TUNGWATU NYA

⁶ Ikan tut bipia tirigi ipek Kristus kin biei salib ne ipek Noni bitut ide niyaijo nitimieisi cem ei biei salibti leu binhyepo Noni bindei cut ingut kanti di bon sisar leu nye. Tug hon nisinati dima ne sisar ubon nye bitak kep nye bu bi.

ROMA 6:6 ပူးပေါင်းရင်းမြစ်များ

NIBOU NDIG NYA GI NICAN 5:17

Gima rino Naaman pai binoni “Mbro nok gino ace tut gima ama mun di kei hi bi lo, ma asindui sut da ba, ditig dihyei ei mpia dini biditan ei kron nyati nok gi dem mem mindhe bagal ningut can imbut tut ug ei ditimieisi. Lewo hon kep ammani kui lene midibui mindhe ba, midibon midut bak kwar di tungwatu nya ikuk yok bak bu bi noro bak tuhan di nijit Nongkom he.

YESAYA 26:13

Nibou ndig ngkiai nya inyeng tak kep nye nipou pini jug. Noro nipai brei bipia Nangkom rino nyende tuhan Allah ba, nikon anyeng a!

ROMA 6:12

Ma jisindui sut ba, sisar tak kep jide niyaijoti di mipror yon ug rin au. Leu binhyema sisar dima bindei ba, jibit jingut pri kepti di sibut bibor nya bu au.

ROMA 6:22

Noro tini bu ne Allah kwek je leu sisar de nisindemti ba, jinok awak mem Noni. Jiba jekep jingon di gom tut Noni apino niyaijo nijep di jo kikau ntun him.

ROMA 7:14

Ikan tut bipia Puig Yahudi niggai serti ntun Allah Ninnei him noro dani ne tungwatu dihyeisi dini rin ba, sisar ubon da bidinok awak.

ROMA 8:13

Leu gino jiyai mun bit leu jingut kanti di ntun dihyeisi dini him ne jimai. Noro gino jiba nisindemti leu Allah Ninnei bimu kep sisar di jibon nya ne jiyaijo.

KORINTUS GI NICAN 5:14

Kristus ningon ngakei nyeti ninyeng tak kep niyai munti nya. Ba, nikan tut bipia tungwagom ngat mai biya luei nindigsi nya yahagom. Gini ndo bipia yahagom imai ei ide sisarti tu.

GALATIA 2:20

diyaijo bu bi. Noro Kristus niyaijo ei dingonti. Nogindini diyaijo tug hon ditde niba ningon com Allah Nipmot di ningon ngakei da bikes niyaisi ei biya luei da.

GALATIA 5:24

Yo di ijem iceu bit Kristus Yesus igyai nimai bak ingut kanti kin ide ningon pri kepti di ntun dihyeisi dini him nya hagom.

GALATIA 6:14

Noro tut dani ne dibrim dihyet ei ide Tuhan Yesus Kristus nimai ei biei salibti he. Lewo Yesus nimai ei biei salibti bindei ba, dihyeisi dini bon ninyeng mem da bu bi. Ba, dindo dimai eisi bak mun di ntun dihyeisi dini him.

EFESUS 4:22

Gima rino ma jipas niyaijo nitimiei bitut niyai kepti nitimiei nya leu je nok sinsun di rik-ta. Lewo jingut kanti di ntun dihyeisi di kinei dini him bindei ba, jiyaijo nitimiei timek bingwig.

KOLOSE 3:5

Gima rino ma jimu kep jingut kanti di om kep je. Bihi nok nicut tut yamti kin nikrar kep yamti kin niyai canti kin ningon pri kep yamti kin ningon pri kep mun di jo bak hiterti (sisar dini noyam kin sisar nikuk nye bak kwarti nya).

TITUS 3:3

Lewo nipou ne nyeni cem ingon tindur cem israwir cem ibit nihyet bi cem ba, inok awak mem ingut kanti nya kin mun di ingat ingwes eisi nya. Igyai munti nya sibut bibor cem ingon kinei sut yam cem ingon mpo tut tungwatu nya yahagom ba, yahagom ingon mpo tut nye.