ROMA 6:4 - ALLAH NIHYET MEM TUNGWATU NYA

⁴ Ibicom yam bit Nide nimai eisi ba, itig nyeni bimai bit Noni tug hon nitur nyeti dima leu binhyepo ikiju hanyen bibrim ingkek mem niyaijo nijep noyam kin Kristus di kiju leu nimai eisi tug hon Nicig De nisindemti di kei-kau-kei.

ROMA 6:4 ပူးပေါင်းရင်းမြစ်များ

YOHANES 11:40

Yesus pai bak Marta “Apo dipai bina tu bipia gino aba angon com Da lene mporo ma angat Allah de nisindemti bou ayai him bi e?”

YOHANES 2:11

Mindur dima ne Yesus sindi bibon tirigi nimbie him ei minu mien Kana ei hanjop Galilea. Noni ba bindo dima bindo tut Nide ninyeng jei biborti. Gima rino yo di igya kui Noni ingon jo kep Noni.

KISAH 2:24

Noro Allah win Noni hanyen leu yo di imai su nya ikieti bikwek Noni leu nimai di ninyeng tak kep Noni lewo bit bon nimai kat Noni kikau kan bi.

KISAH 2:32

Nahagom ningat bou niyai him bipia Allah win Yesus gom ndia hanyen leu nimai nya ikieti,

ROMA 6:19

Jingon dorti haigtu bigyo. Gima rino diba dihyet nitu bimbrap bit je. Nipou ne jikes jenti njem ei nok awak mem mun di jingut pri kep kin mun di kinei ba, jingon kanti nya hagom kinei bibor. Noro tini bu ne ma jikes jenti njem ei nok awak mem Allah ningon kanti leu binhyepo jingon gom tut Allah nikos tutti nya mem jeni.

ROMA 6:3

Jikan tut bipia tirigi itur nye ei minyeiti lene Kristus Yesus bindei ba, inok gom kin Noni bi e? Nitur nye ei minyeiti dima bindo bipia imai bit Noni tug hon nimai eisi.

ROMA 6:8

Gino imai bit Kristus ne ingon jo kep bipia igyai niyaijo nijep cem bit Noni.

ROMA 6:9

Lewo ikan tut bipia Allah kon Kristus hanyen leu nimai eisi tu. Noni mai hanyen bu bi sren. Nimai eisi tak kep Noni bu bi.

ROMA 7:6

Noro tini bu ne Allah kwek nye leu Puig Yahudi niggai serti nide nisindemti. Indo imai eisi bak Puig Yahudi niggai serti di tak kep nye tu. Nogindini nyeni iba nisinati nijep biyai midyai mem Allah tug hon Allah Ninnei nibie tut nyeti noro tug hon Puig Yahudi niggai serti nipas kepti bi.

ROMA 8:11

Gino Allah Ninnei di kon Yesus hanyen leu nimai eisi ningat rin ei jingonti ne Allah gom ngat dima mikon jingut di mipror yon hanyen tug hon Allah Ninnei di ningat rin ei jingonti.

KORINTUS GI NIGOM 6:14

Allah win Tuhan Yesus hanyen leu nimai eisi tu. Ba, Noni miwin nyeni cem hanyen leu imai eisi tug hon Nide nisindemti.

KORINTUS GI NICAN 13:4

Mbro nok gino tungwatu nya ipek Kristus kin biei salib mpe dino ninghuisi wei lo, niyaijo hanyen bu tug hon Allah de nisindemti. Nyeni ninok gom kin Kristus cem ninghuisi wei cem. Noro tirigi nihwou ngat je lene niyai nisindemti drek dip nyende ninok gom kin Kristusti tug hon Allah de nisindemti.

KORINTUS GI NICAN 5:17

Tungwa tou rino nok gom kin Kristus tu lene no dima nok tungwatu di nijep-jau bu. Ba, niyaijoti nitimiei pror leu su leu api niyaijoti di nijep-jau luei bu.

EFESUS 4:17

Gima rino diba Tuhan ninyeng bisok kep je bipia ma jiyai munti nya noyam kin yo di ingon tindur nya igyai munti nya au. Lewo ingon kanti nya bon ninyeng bi ba,

EFESUS 5:8

Nipou ne jingat rin ei nidinditi. Noro tini bu ne jinok Tuhan de limwa nya bijingat rin ei nipigati. Gima rino ma jiyai kepti nya noyam kin munggwom di intun nipigati him igyai kepti nya.

KOLOSE 3:10

Nogondini ba niyaijo nijep bijuk je tu. Jeni ne tungwatu di nijep bu rin ba, Allah di pai tes mun nyeng hagom yai jide niyaijo nijep bije ba, pindi-pindi nyen je bijinok nijep bijidat Nonti nimbaiti bikwop mmun-njap leu binhyepo jingon bit Allah mungkun kei.

KOLOSE 4:1

Niceu bat jen! Ma jiba jingon sren bibon jide awak nya lene ma jibimangkrei yok au. Ma jiyok ngon kep bipia jijem jiceu bit Tuhan ei gwamti.

PETRUS GI NIGOM 3:21

Ba, minyei dima ndo tut nitur tungwatu ei minyeiti di biteu je leu sisar biyai niyaijo nijep bije tug hon Yesus Kristus nikiju hanyen leu nimai eisi ri. Nitur tungwatu ei minyeiti dima ne midut nipiap ningut leu map di kuisi rin bi noro mun di nyeni ibipreu ei mem Allah tug hon ingon mien di kwes.

YOHANES GI NIGOM 2:6

No di pai sut nonti bipia niyaijo nok gom kin Allah lene ma noni yai bram Yesus Kristus niyai kepti.