ROMA 6:23 - ALLAH NIHYET MEM TUNGWATU NYA

²³ Lewo sisar birop jimuhup nimai eisi hanyen bije. Noro Allah yai niyaijo nijep di jo kikau bit ide Tuhan Yesus Kristus binye mikuisi.

ROMA 6:23 ပူးပေါင်းရင်းမြစ်များ

NITRITI 2:17

Noro harin dima apuk biei ngat di bindei tungwatu nya ingon dor niti tut gi kei nya kin gi kinei nya ba, ayem a. Leu gino ayem biei ngat dima lene amai hak mem njap dima.”

NITRITI 3:19

Suar acom amuhup nindig bibor tirigi ayai miai ba, ahanggwap mbilen kikau bibou abingkwei hanyen ug ei dihyeiti lewo dibon nani leu dihyei dima. Dibon nani leu dihyei ba, mporo angkwei hanyen ug ei dihyeiti.”

NIPINGOK NINGONTI 11:19

No di ta nibou ei niyai munti di igbit mitug ndei njap di jei bibor. No di mpig bou kep nibon munti di kinei ningat rima ndam nimai.

YESAYA 3:11

Noro buhun bibor mem yo di isibut nya! Midibibon yok noyam kin gi yoni ibibon nindigsi nya.

YESAYA 3:9

Ikon yontiti dima bindo tut ide nibon munti di kinei ri. Ibon sisar brei hak noyam kin gi mben Sodom ibon di nipou cem. Buhun bibor mem yok! Yonti ibindei ba, mun di buhun cut igkep yonti hanyen.

YEHEZKIEL 18:20

No di bon sisar nongkom he rino mitug ndei nimai drek dip. Nipmot mitug midut drek dip nicig de sisar bi ba, nicig cem mitug midut drek dip nipmot de sisar bi. No di ningon kwes mitug ndei mun di kei drek dip niyai munti di kei bibor nya. No di mbuk mitug midut drek dip niyai munti di kinei bibor nya.

YEHEZKIEL 18:4

Dinyeng tak kep bikwop tungwatu dihyeisi dini hagom igyaijoti bitut andigpoi nya kin imunggwom bat nya cem yahagom. No di bon sisar ne nongkom mitug ndei nimai drek dip.

MATIUS 25:46

Gima rino yo dini itug ndei hukum di jo kikau noro yo di igyai igbit Allah ningon kanti icoi ug ei niyaijo nijep di jo kikauti.”

YOHANES 10:28

Diyai niyaijo nijep di jo kikau biyok leu api isar hanyen bi sren. Bit bon hi pos yok leu dinda nsi kan bi.

YOHANES 17:2

Arig e, ayai nisindemti biNoni leu binhyepo ninyeng tak kep tungwatu dihyeisi hagom ba, yai niyaijo nijep di jo kikau bak yo dino akes yok biNoni yahagom.

YOHANES 3:36

No di ba ningon com Allah Nipmot yai niyaijo nijep di jo kikau ei ningonti tu. No di ba ningon com Allah Nipmot bi yai niyaijo nijep bi. Noro noni tug ndei hukum leu Allah bijo ninno bijo kikau.”

YOHANES 4:14

Noro no di dut minyei gi Da duhug binoni nggobiau hanyen bi sren. Lewo minyei gi duhug binoni rinok minyei bousi gom di biam tut minyei niyaijo nijep ei ningonti bijo kikau.”

YOHANES 4:36

No di biang njita kwei sindi tug ndei nimuhup bibiang njita di bit bon pror yon kan bi kwei ndam niyaijo nijep di jo kikau. Gima rino no di ndim ningan kin no di biang njita kwei leu beisi yahacem igyai nillei noyam.

YOHANES 5:24

Dipai nijit bije bipia no di miap dihyet bibit leu api ba ningon com No di cuk Da kwei yai niyaijo nijep di jo kikau ei ningonti tu. No dima mitug ndei hukum bi noro hei leu nimai bicoi ei niyaijo nijepti bu.

YOHANES 6:27

Ma jicom jahanggwap tut roti di mipror yon au. Noro ma jicom jahanggwap tut roti di bit bon pror yon kan bi di bindei ba, jiyai niyaijo nijep di jo kikau. Munggwom Tungwatu Nipmot yai roti dima bije lewo Nicig Allah ndo brei bipia joi sut Noni tu.”

YOHANES 6:40

Lewo Dicig joi sut gima tungwatu nya yahagom ingat igbit Allah Nipmot leu api iba ingon com Noni apino yo dima igyai niyaijo nijep di jo kikau lene diwin yok hanyen leu imai eisi ei Njap Ningwig Honti.”

YOHANES 6:68

Simon Petrus pai biNoni “Tuhan e, nibit tou bu i? Lewo nihyet Ade yai niyaijo nijep di jo kikau binye.

ROMA 1:32

Mbro nok gino yo dima ikan tut bipia Allah nihyet pai ser yok bipia yo di ibon sisar dima yok mitug ndei nimai lo, igyai kikep mun di kinei dima hagom he bi noro ice tut yo di igyai bram igyaisi cem.

ROMA 2:7

Allah miyai niyaijo di ningat di jo kikau bikwop bak yo di ita ibou ei midyai di kei bibor nyati bibindei ba, Noni nggei sut yahagom bikon inyeng biyai niyaijo di singat kei biyok.

ROMA 5:12

Sisar coi kwei ei dihyeisi dini tug hon tungwagom ba, nide sisar buwak nimaisi kwei. Leu api nimaisi kieng kep tungwatu yahagom lewo yahagom ibon sisar tu.

ROMA 5:17

Ningat ne tungwagom nipigau hanjopti bindei ba, nimai tak kep tungwatu yahagom tug hon tungwagom dia. Noro Yesus Kristus Nongkom niyai munti bindei ba, mun di bon ninyeng nindig bibor dor njiriek bu pek kep mem nye. Bikwop tungwa tou rino kau dimbou leu Allah nisingat tut noti biyai ningon kwes kin Allah hanyen ne mimbri mikui niyaijoti tug hon Kristus.

ROMA 5:21

Gi nok lene suar nyeni yahagom itug ndei nimai lewo ibon sisar tu. Noro Allah singat tut nye bitin puig di bie ug ei ingon kwes kin Noni hanyenti. Gino ingon kwes kin Noni hanyen tu ne Noni miyai niyaijo nijep di jo kikau binye tug hon ide Tuhan Yesus Kristus.

ROMA 6:16

Jikan tut bipia gino jikuk je bak tungwagom bijibit nihyet lene jinok awak mem no dima lewo ninyeng tak kep je. Gino jikuk je bak sisar bijibit sisar nicuk jeti nya ne gini bindei nimai. Gino jikuk je bak Allah bijibit nihyet ne gini biyai jingon di kwes kin Noni.

ROMA 6:21

Mpe dima lene jitug ndei mindei leu jiyai munti di jimmai sut nogindini nya i? Jiyai munti dima yok hagom bindei nimai!

ROMA 8:13

Leu gino jiyai mun bit leu jingut kanti di ntun dihyeisi dini him ne jimai. Noro gino jiba nisindemti leu Allah Ninnei bimu kep sisar di jibon nya ne jiyaijo.

ROMA 8:38

Lewo diba dingon com bibor bipia bit bon nimai kin niyaijo kin malaikati nya kin nibou nya bitut nisindemti nya ei mpia-bbed him kin mun di pek kep mem nye nogindini kin nidipti bu,

ROMA 8:39

kin mun di jo ei mpia-bbed him kin mun di jo ei dihyei jou kin mun nindigsi bidem Allah nipai testi cem ba, hagom mimbres nye leu Allah ningon ngakei nyeti di tug hon ide Tuhan Kristus Yesus kan bi sren.

ROMA 8:6

Gino ningut kanti di ntun dihyeisi dini him pingok kep jibou ngwakti ne nimai ntun him. Gino Allah Ninnei ningon kanti pingok kep jibou ngwakti ne niyaijo nijep kin ningon di jo nyahan ntun him.

GALATIA 3:10

Allah sigion yo di iba ingon com bipia igyai ingon di kwes kin Noni tug hon gino ibit Puig Yahudi niggai serti nya yahagom. Bit leu nok gi ipas ei Allah nihyetti “Tungwa tou rino ba ningon di gom bibit Puig Yahudi niggai serti kikau bi ne Allah sigion no dima.”

TITUS 1:2

Ide niba ningon com Kristusti kin ide ningon dorti tut nihyetti ntun gi igyok ingon mem niyaijo nijep di jo kikausi di Allah preu ei mem nye habiei ei nimbie him. Ba, bit bon Noni ris binye kan bi.

YAKOBUS 1:15

Gino noni nyohou ningon pri kep mun di ngat ningwes eisi dima lene sisar ntun him. Gino sisar dima mahan tu lene nimai ntun him sindam.

YOHANES GI NIGOM 2:25

Kristus nonti preu ei mem nye tut niyaijo nijep di jo kikau.

NINGAT-HI-NGAT NYA 21:8

Noro yo di ingwes ttin kin yo di itri Da kin yo di irom ndok kin yo di ihwen mun kin yo di icut tut yam kin yo di inda dut kin yo di ikuk yok bak kwar nya kin niris kep mun cig nya yahagom mitug ndei hukum ei muk hum belerang di cig-cai ba, gini ne nimai gi nican ri.”