ROMA 6:21 - ALLAH NIHYET MEM TUNGWATU NYA

²¹ Mpe dima lene jitug ndei mindei leu jiyai munti di jimmai sut nogindini nya i? Jiyai munti dima yok hagom bindei nimai!

ROMA 6:21 ပူးပေါင်းရင်းမြစ်များ

NIBOU NDIG NYA GI NIGOM 2:26

Leu api Nibou Ndig Salomo pai bak Imam Abyatar “Angkwei hanyen ug ei atimieisi di Anatot. Dem tut gima dikes hukum nimai ei nani dip hak ug noro midibindei ba, atug ndei hukum nimai njap di ammani bigyo. Nok leu mpe di po angat rin bit dicig pima lene ayai anghuisi di wei bit noni ba, nani rino anyohou tuhan de Brua Gi Preu pima cem.”

EZRA 9:6

Lene dibipai bak Allah “Ditde Allah e, dimmai sut gima dikon dibou kui ei Aho bei a. Nyende sisar jo-jo yam dip bijo anai nyeni nibousi kikau ug bingget mpia-bbed him.

AYUB 33:27

No dima mipai ei yo di yahagom yoho bei ‘Dikan bigya gi kinei ne gi kei rin apino ditde sisar nindig. Mbro nok gima lo, Allah kes hukum ei da dip bi.’

AYUB 42:6

Gima rino dimmai sut mun di tibim ei duhui him hagom bidigwam atriemti nok bindo bipia dittin ser hagom tu.”

MAZMUR 73:17

duug coi ug ei Ade Ig ug e. Mpe dima lene dingon dorti tut mun di micut igkep yo di isibut nya.

NIPINGOK NINGONTI 1:31

Gima rino mijibiang jiyai munti kin jingon kanti nya nibuhunti.

NIPINGOK NINGONTI 14:12

Puig di tungwatu nya ingat ba, ikan bigya puig dima ne pui di sren kei rin lo, puig dima ne pui di ug ei nimai nya ikieti ri.

NIPINGOK NINGONTI 16:25

Tungwatu dihyeisi dini ikak puig di ikan bipia sren kei noro puig dima mbut ug ei minu nimai nya ide.

YESAYA 3:10

tuhan pai “Apai bak yo di ibit dihyet bipia yoni mingon nggei-hi-nggei ba, ibong kei igwam kei lene yahanggwap mbilen mikuisi bi lewo migyem kep ningat di ntun him.

YEREMIA 12:13

Ditde limwa nya indim gandum ngan ei miaisi leu api ipi bikos gandum ningat kwei noro ikos mintu-minta he kwei. Icom yahanggwap noro ingat ningat hi bi. Ditde nigga biborti bindei ba, ide gandum ngat ningat hi bi.”

YEREMIA 17:10

Da di tuhan rino diput ser tungwatu ingonti nya. Dibingon mun di jo ingon bei cem. Dibirop bak tungwatu nya bit leu igyaijoti. Dibibon yoni bit leu igyai munti di igyai kep nya.”

YEREMIA 3:3

Gima rino biget di kwei leu mpia-bbed him ntus. Biget di but mem nijam di but di biwaisi biei di nimeng tu cem gi but kwei bi. Jidem kep sop di nikrar jut. Gi mbun jimmai sut jenti kan bi.

YEREMIA 31:19

Niba ninghim bak Nani noro jei bi ne nittin ser sisar dima. Niabiati akes hukum ei nyeni dip leu su lene nindun bou lewo ningon buhun bibor. Nimmai sut nyenti ba, nisuwok cem drek dip sisar di nibon ei nipilei.’

YEREMIA 8:12

Je di Ditde limwa nya e, suar ma jimmai sut gi jibon mun di kinei dima hagom. Noro jingkek ndok ba, jigikan tut jide nimmai sut jentiti bi. Gima rino mijimai nimbiam noyam kin nindigsi nya di imai su. Tirigi dikes hukum ei yok dip lene igyaijoti mingwig hon.

YEHEZKIEL 43:11

Gino igwam nimmaiti drek dip ide nibon munti nya lene ma apai sut Ditde Ig dini biyok. Apai sut nikilisti dima biyok bitut nindigsi kin dimbou nicoi kak nya kin dimbou nehei kak nya kin niprion tig ma nindig di bijo-jo yam dipti kin nidimigsi nya kin niggai serti nya di jo mem hagom. Ba, apas kep gima hagom mem yok leu binhyepo ibiyok ngon kep nidimigsi nya cem hagom.

DANIEL 12:2

Imang bibor di imai nipou su nya igyai niyaijo hanyen bu ba, bihi itug ndei niyaijo kikau lo, hiter bu itug ndei nimmai sut yonti bijo ninno bijo kikau.

ROMA 1:32

Mbro nok gino yo dima ikan tut bipia Allah nihyet pai ser yok bipia yo di ibon sisar dima yok mitug ndei nimai lo, igyai kikep mun di kinei dima hagom he bi noro ice tut yo di igyai bram igyaisi cem.

ROMA 5:12

Sisar coi kwei ei dihyeisi dini tug hon tungwagom ba, nide sisar buwak nimaisi kwei. Leu api nimaisi kieng kep tungwatu yahagom lewo yahagom ibon sisar tu.

ROMA 6:16

Jikan tut bipia gino jikuk je bak tungwagom bijibit nihyet lene jinok awak mem no dima lewo ninyeng tak kep je. Gino jikuk je bak sisar bijibit sisar nicuk jeti nya ne gini bindei nimai. Gino jikuk je bak Allah bijibit nihyet ne gini biyai jingon di kwes kin Noni.

ROMA 6:23

Lewo sisar birop jimuhup nimai eisi hanyen bije. Noro Allah yai niyaijo nijep di jo kikau bit ide Tuhan Yesus Kristus binye mikuisi.

ROMA 7:5

Lewo nipou ne igyai munti nya bit leu tungwatu dihyeisi dini ingut kanti nya. Mpe dima lene Puig Yahudi niggai serti di yai nibou tut nye bindei ba, ingon pri kep sisar ba, inok awak mem igyai munti nya di bie ndam nimai.

ROMA 8:13

Leu gino jiyai mun bit leu jingut kanti di ntun dihyeisi dini him ne jimai. Noro gino jiba nisindemti leu Allah Ninnei bimu kep sisar di jibon nya ne jiyaijo.

ROMA 8:6

Gino ningut kanti di ntun dihyeisi dini him pingok kep jibou ngwakti ne nimai ntun him. Gino Allah Ninnei ningon kanti pingok kep jibou ngwakti ne niyaijo nijep kin ningon di jo nyahan ntun him.

KORINTUS GI NICAN 4:2

Niba nisinati di ntun nidinditi him di bindei biniba nimmai sut nyenti biyai kep midyai dini bi. Ningon mang ba, nikiek-kiek nyen Allah nihyet bi. Niba ningon di gom biyai kep Allah de midyai nya bit leu ningon kanti mem nye. Gima rino niba ningon com bipia tungwatu yahagom ibibon nye nok gi kei ei ingon mienti.

KORINTUS GI NICAN 7:11

Ma jibisrip tut ningat di kei di ntun jide ningon buhunti him bit leu Allah ningon kanti mem je i! Ningon buhunti bindei bijita jibou eisi ba, jibindo bipia jingon mui bi! Jingon sibui sut mun di cut igkep je bijikrau jingon tut mun di mibitimon je ei nidipti bu cem. Ba, mun dima bindei ba, jicem kep puig ser dihwousi bijibisau sut gi jimbrap gau da lene jikes hukum ei no di yai mun tunggwei dip cem! Ei nimbie him kikau kwei bipek ammani kep jindo brei bipia munhyet pima tug hon je bi.

NINDAT KEP TUHAN NICUKTI NYA 17:6

Noro ma ibou can ibou ningai njiriek bu ipai sut nitunggweisi di ingat bou igyai him ug e leu api tug ndei nimai drek dip. Ma hi tug ndei nimai drek dip tungwagom ngat di ngat nitunggweisi dima bou niyai him nihyet he au.

NINDAT KEP TUHAN NICUKTI NYA 21:22

“Tirigino jikes hukum nimai ei tungwagom dip drek dip niyai munti di kinei hi ba, jipindur ningut ei cou him,

FILIPI 3:19

Yoni mitug ndei hukum ug ei hum njengti lewo ikuk yok bak ide ningut pri kepti nya. Suar immai sut igyai kepti nya di biyai ingon jei lewo ikan-kan nyenti sror ndam mun di ntun dihyeisi dini him he.

IBRANI 10:29

Gi nok ne notou mem no di co kep Munggwom Tungwatu Nipmot i? Notou mem no di bimangkrei ninggrom di tug hon Allah de gi preu nijep di piap noni leu sisar i? Notou mem no di nihyet wer mpiahi tut Allah Ninnei di singat tut nye i? Ayo! No dima mitug ndei hukum nindig bibor dor njiriek bu.

IBRANI 6:8

Noro gino mun mup kin minta di tigot bibor hei eisi ne dihyei dima kinei drek dip ba, Allah misigion leu api hum miyem hagom bingwig.

YAKOBUS 1:15

Gino noni nyohou ningon pri kep mun di ngat ningwes eisi dima lene sisar ntun him. Gino sisar dima mahan tu lene nimai ntun him sindam.

YAKOBUS 5:20

lene ma jiyok ngon kep bipia no di brim no di srawir leu puig di kinei biteu noni leu nimai eisi bindei ba, Allah kos ser nide sisar di mang bibor dima tu. Nipigo leu dani, Yakobus

PETRUS GI NIGOM 4:17

Nijam mem Allah mbus tungwatu nya ingonti dideu su. Noni mimbus Nide limwa nya ingonti bibie. Gino Noni kinyon ei nimbus ingonti bibie ne notou mem yo di ingon jo kep Allah Nihyet Di Kei bi nya i?

YOHANES GI NIGOM 2:28

He dimunggwom bat jen, ma jiyaijo nok gom kin Kristus leu binhyepo tirigi ttou bou dem mem Noni ttau hanyen kwei lo, no sisip ibrim ingkek yo ba, immai sut nyenti ei Noho bei bi.

NINGAT-HI-NGAT NYA 16:6

Lewo yo dima isiber Ade limwa nya bitut Ade nabi nya inggrom. Gima rino abindei ba, idut ninggrom nok minyei. Ibiang igyai munti dima nibuhunti bitug ndei imuhup sur igyai munti.”

NINGAT-HI-NGAT NYA 20:14

Leu api malaikati gom com nimai kin minu nimai nya ide ug ei muk humti. (Muk hum dini ne nimai gi nican ri.)