ROMA 6:2 - ALLAH NIHYET MEM TUNGWATU NYA

² E bi! Sisar tak kep nye bu bi. Gima rino nggon rino ibon kep sisar kikau bu i?

ROMA 6:2 ပူးပေါင်းရင်းမြစ်များ

NITRITI 39:9

Dinyeng tak kep hagom noyam kin nonti ninyeng di tak kep hagom cem. Ningon tak kep mun nyeng gom leu da bi noro nitnem rinani lene ningon tak kep na leu da. Bit bon dibon mun di tunggwei sut noni nok gini ba, dibon sisar tut Allah cem kan bi.”

MAZMUR 119:104

Ade niggai serti nya bindei bidingon ki. Gima rino dingon mpo tut nibon mun hacicanti.

LUKAS 20:16

Ningat ne noni mikwei kimukep yo dima yahagom leu api ndo midyai ba anggur nghousi dima bak yo di hiter bu.” Yo di imiap mun di Yesus pai dima ibuhup “Suar noni yai nok gima bi sren!”

ROMA 5:11

Lene gima he bi lewo ingon llei sut Allah nisingat tut nyeti di tug hon ide Tuhan Yesus Kristus lewo Noni bindei ba, Allah jem nisut bit nye.

ROMA 6:15

Nogindini irop ninda ndigsi notou i? Isindui sut nyenti bipai “Nnaba ibon kep sisar lewo Puig Yahudi niggai serti tak kep nye bu bi noro Allah nisingat tut nyeti tak kep nye” e? Nok bi!

ROMA 7:4

Disut bat jen, nok gima tut jeni cem. Jindo jimai eisi bak Puig Yahudi niggai serti lewo jinggre kin Kristus ninguda. Nogindini jijem jiceu bit Kristus di Allah kon leu nimai eisi. Allah kon Noni hanyen leu nimai eisi leu binhyepo nyeni iba niyaijo nijep biyai midyai mem Allah.

ROMA 7:6

Noro tini bu ne Allah kwek nye leu Puig Yahudi niggai serti nide nisindemti. Indo imai eisi bak Puig Yahudi niggai serti di tak kep nye tu. Nogindini nyeni iba nisinati nijep biyai midyai mem Allah tug hon Allah Ninnei nibie tut nyeti noro tug hon Puig Yahudi niggai serti nipas kepti bi.

GALATIA 2:19

Puig Yahudi niggai serti pai sut da bipia dimai su. Pui Yahudi niggai serti dima hwen da bidimai su. Nok leu binhyepo diyaijo mem Allah. Dimai ei biei salibti bit Kristus tu ba,

GALATIA 6:14

Noro tut dani ne dibrim dihyet ei ide Tuhan Yesus Kristus nimai ei biei salibti he. Lewo Yesus nimai ei biei salibti bindei ba, dihyeisi dini bon ninyeng mem da bu bi. Ba, dindo dimai eisi bak mun di ntun dihyeisi dini him.

KOLOSE 2:20

Tirigi jimai bit Kristus lene Noni kwek je leu ninnei nya di inyeng tak kep mpia-bbed him kin dihyeisi dini. Nggon rino nogindini jiyai bram tungwatu di intun dihyeisi dini him nya igyai kepti nya di om kep je i? Nggon rino jikuk je bak ide nidimig sutti nya di cuon ser je bipia,

KOLOSE 3:3

Lewo jimai su lo, jide niyaijoti nimungkun jo nibreisi bigyo lene gima bitut Kristus niyaijoti. Ningginausi dini igbit rin drek dip gi jinok gom kin Allah.

PETRUS GI NIGOM 1:14

Ma jibit Allah ningon kanti mem je. Ma jingkwei kep jingon kanti kin jingut kanti timiei nya di jiyai tirigi jingon tindur yo pima au.

PETRUS GI NIGOM 2:24

Kristus biang ide sisar ei Nonti dip tirigi mai ei biei salibti leu binhyepo bikwek nye leu sisar de nisindemti leu api igyaijo bit leu Allah ningon kanti mem nye. Kristus nibok nya ribindei dino jikei hanyen.

YOHANES GI NIGOM 3:9

No di ntun Allah him binok nimunggwom bon sisar ninyen bi. Lewo Allah sindem tut no dima ningonti leu api bit bon noni bon sisar ninyen kan bi lewo Nicig ne Allah ri.