ROMA 6:16 - ALLAH NIHYET MEM TUNGWATU NYA

¹⁶ Jikan tut bipia gino jikuk je bak tungwagom bijibit nihyet lene jinok awak mem no dima lewo ninyeng tak kep je. Gino jikuk je bak sisar bijibit sisar nicuk jeti nya ne gini bindei nimai. Gino jikuk je bak Allah bijibit nihyet ne gini biyai jingon di kwes kin Noni.

ROMA 6:16 ပူးပေါင်းရင်းမြစ်များ

NITRITI 4:7

Gino abon mun di kei lene ma angon nggan noro gino abon mun di kinei lene sisar tin ei mem coi ei angonti. Sisar pi bisrou na noro suar aom kep sisar dima.”

MATIUS 20:4

Gima rino noni cuk yok ‘Jeni cem ma juug yai midyai ei ditde ba anggur nghousi leu api midiyai jimuhup di igbit bije.’

MATIUS 6:24

“Bit bon tungwagom bon nonti nok awak mem niceu bat nya ibou can kan bi. Lewo miningon mpo tut hi lene miningon gom tut hi. Noni miba nijoi biborti biyai midyai mem hi lene ba ninghen biyai midyai mem hi. Bit bon jinok awak mem Allah kin ndigban di mipror yon cem kan bi.

YOHANES 8:34

Yesus pai biyok “Dipai nijit bije bipia bikwop no di bon sisar ne no dima nok awak mem sisar.

ROMA 11:2

Noni com Nide limwa nya di Noni dimig yok habiei kwei su hak bi. Jikan tut Allah Nihyet di pai sut Nabi Elia tirigi noni lua sok bak Allah tut mben Israel bipai,

ROMA 12:1

He disut bat jen, Allah singat tut nye nindig bibor. Gima rino dibidip huk je leu binhyepo jikes jenti njem ei mem Allah noyam kin mun di imam nya ikes ei nimbar hum dokti. Ma jidimig jenti njem ei mem Nide midyai nya leu api Noni mijoi sut je. Suar jiba nisinati dima bikuk je biNoni mungkun kei.

ROMA 6:17

Noro ma jikwei ba, ipai sigyo bak Allah! Leu mbro nok gino sisar ubon je bijinok awak nipou su lo, tini bu ne jiba jingon titut yam bibit ningginausi di nijit-jau di Allah yai bije tu.

KORINTUS GI NIGOM 3:16

Jikan tut bipia jeni ne Allah De Ig rin e? Jikan tut bipia Allah Ninnei bong ser jingonti e?

KORINTUS GI NIGOM 5:6

Dem tut gima jingon jei sut jenti bi. Jikan tut nihyet nibiti ninda “Roti ninjep di bigbibor bindei ba, tepun hagom dwoi bibor binindig.”

KORINTUS GI NIGOM 6:2

Jikan tut bipia yo di mbusyamei nya migwam nok nikei di mbus tungwatu dihyeisi dini ingonti bi e? Gi nok ne nggon rino jidem mem gima jikos tut munhyet di bon ninyeng bi i?

KORINTUS GI NIGOM 6:3

Jikan tut bipia nyeni migwam nok nikei bimbus malaikati nya ingonti bi e? Gi nok ne dem tut gima imbus tungwatu nya ingonti tut munhyet di srou-srou nyen yok bikwop njap.

KORINTUS GI NIGOM 6:9

Ma jiyok ngon kep bipia yo di ibit Allah ningon kanti mem yok bi nya minggre kin Allah Ninyeng Tak Kepti bi. Ma jikrau tunggwei jingonti au! Yo di icut tut yam kin yo di ikuk yok bak kwar kin yo di icut tut hi nitnem kin sop di icut tut yam kin pinai di icut tut yam,

KORINTUS GI NIGOM 9:13

Jikan tut bipia timiei Tuhan De Ig itug ndei njita leu midut di ibon ei Ig dima bi e? Yo di ibui mikwau bibam ei nimbar hum dokti nya cem itug ndei ndrim hi leu mikwau di ibui bibam bi e?

KORINTUS GI NIGOM 9:24

Jikan tut bipia yo di yahagom idor bibeheu yam noro no di dor bipek nipekti bibie nongkom tug ndei mun di kei. Gima rino ma jidor sindem tereu nok yo dima leu binhyepo jipriet kin mun di kei.

YOSUA 24:15

Gino jikou sut gi jikuk je bak Noni lene ma njap di ammani jikos tut no di jikuk je bak. Mijikuk je bak nung nya di jidigup bat-jidigai bat nya ikuk yok bak ei Mesopotamia pima e, he jikuk je bak nung di timiei mben Amori ei minu di jibong eisi dini ikuk yok bak nya e? Noro tut dani kin dide bat nya nahagom minikuk nye bak tuhan Nongkom.”

PETRUS GI NICAN 2:19

Guru nitrowai nya itto ei mem yok bipia ikwek yok leu mun di kat yok noro yonti inok awak mem igyai kepti di kinei di kat yok. Gino mun nyeng hi bindei cut tungwatu ne no dima nok awak mem mun di bindei cut noni dima.