ROMA 6:14 - ALLAH NIHYET MEM TUNGWATU NYA

¹⁴ Harin dima sisar de nisindemti om kep je bu a. Lewo jide niyaijo nijep tug hon Puig Yahudi niggai serti bu bi noro tug hon Allah nisingat tut jeti.

ROMA 6:14 ပူးပေါင်းရင်းမြစ်များ

IMAM NYA IDE MIDYAI 25:41

Mpe dima lene ma jisindui sut ba, noni kin nimunggwom bat nya yehei leu jide ig bingkwei hanyen ndam ide bat nya kin idigup bat-idigai bat nya itimieisi hanyen.

MIKHA 7:19

Mporo ma angon nggriu sut nye hanyen bu ba, akos ser nyende sisar. Mporo ma aco kep nyende sisar binnir-wap ba, acom hagom ug ei muk jou!

MATIUS 1:21

Noni misrek tut munggwom nipinai leu api ma ajem ninyeng Yesus lewo Noni miteu Nide limwa nya leu ide sisar biyai niyaijo nijep biyok.”

YOHANES 1:14

Nihyet dima luei nitta binok tungwatu ba, kwei bong bit nye. Nyeni ingat nikei-kau-keisi di Nicig yai biNoni lewo Noni ne Nipmot nimig gom ngat ri. Nipmot singat tut nye nindig bibor ba, Nongkom ndo Allah ningat titut yam brei binye.

YOHANES 1:17

Ide Tuhan yai nicukti binye tug hon Musa noro ndo nisingat tut nyeti kin Allah de ningon gomti brei binye tug hon Yesus Kristus.

YOHANES 8:36

Gima rino gino Allah Nipmot kwek je leu awak bijiyati kwes lene jinok awak bu bi sren.

ROMA 11:6

Allah dimig yok drek dip ningon di singat tut yok lo, drek dip igyai munti nya bi. Leu gino Noni dimig yok drek dip igyai munti nya lene ningon di singat tut yokti dima ne nijit rin bi.

ROMA 4:16

Gima rino Allah nipreusi dima tug hon ide niba ningon com Noniti. Allah ba ningon di singat tut yok bibindei nipreu ei mem yo di intun Abraham himti dima ngkiem-kiau mem ngkiai nya he bi noro mem yo di iba ingon com Allah bit leu nok Abraham ba ningon com Noniti. Lewo Abraham nok ide pung di bitut innei mem yo di iba ingon com Allah intun him yahagom.

ROMA 5:17

Ningat ne tungwagom nipigau hanjopti bindei ba, nimai tak kep tungwatu yahagom tug hon tungwagom dia. Noro Yesus Kristus Nongkom niyai munti bindei ba, mun di bon ninyeng nindig bibor dor njiriek bu pek kep mem nye. Bikwop tungwa tou rino kau dimbou leu Allah nisingat tut noti biyai ningon kwes kin Allah hanyen ne mimbri mikui niyaijoti tug hon Kristus.

ROMA 5:18

Gima rino nipigau hanjopti gom ngat pima bindei ba, tungwatu nya yahagom itug ndei hukum noro No di bit leu Allah ningon kanti pima kwek yahagom leu ide nitunggweisi nya biyai niyaijo nijep biyok.

ROMA 6:12

Ma jisindui sut ba, sisar tak kep jide niyaijoti di mipror yon ug rin au. Leu binhyema sisar dima bindei ba, jibit jingut pri kepti di sibut bibor nya bu au.

ROMA 6:15

Nogindini irop ninda ndigsi notou i? Isindui sut nyenti bipai “Nnaba ibon kep sisar lewo Puig Yahudi niggai serti tak kep nye bu bi noro Allah nisingat tut nyeti tak kep nye” e? Nok bi!

ROMA 8:12

Gima rino disut bat jen, ibon ningwam noro ibon ningwam bak ingut kanti leu binhyepo igyai mun bit leu nicuk nyeti bi.

ROMA 8:2

Lewo Allah Ninnei niggai serti di bindei ba, igyaijo nok gom kin Kristus Yesus kwek da leu niggai ser dati dibindei sisar kin nimai kat da dima tu.

GALATIA 3:23

Nipou tirigi tto bou dem mem tungwatu nya igyai ingon di kwes kin Allah tug hon ide niba ningon com Yesusti bigyo ne Puig Yahudi niggai serti nggam nye bingkiem nok yo di isima kikau bibou tto bou dem mem Allah mbot kep tut niba ningon com Kristusti binye dima dem ug e.

GALATIA 4:21

Je dino jingon bisau ndam gima Puig Yahudi niggai serti nya ninyeng tak kep je hanyen e, handei kon ba, jiyok ngon kep ditde nipingok jeti! Jingon dorti tut niggai serti nibokti ningat-ngat bi e?

GALATIA 5:18

Gino jibit Allah Ninnei nibie tut jeti lene Puig Yahudi niggai serti ninyeng tak kep je bu bi.

TITUS 2:14

Noni kes niyaisi ei mem nye biteu nye leu sisar ninyeng hagom leu api biyai ingon di kwes kin Noni cem inok Nide limwa di ijem iceu bit Nongkom he cem ba, ibrim ingkek mem igyai munti di kei bibor nya.

IBRANI 8:10

Noro tini bu ne dibon gi preu dini mem mben Israel. Ei nidipti bu ne Tuhan pai ‘Midindim dicuk yokti nya ei ibou ngwakti bidipas hagom ei ingonti. Mpe dima lene Dani midinok ide Allah lene yoni minok Ditde limwa nya.’