ROMA 6:13 - ALLAH NIHYET MEM TUNGWATU NYA

¹³ Ma jikes jingut nimbumbati nya ei sisar nindati leu binhyepo sisar ba nimbumbati dima yok bibon mun di kinei au. Noro ma jikes jenti ei Allah nindati tereu nok yo di Noni kon yok hanyen leu imai eisi bigyai niyaijo nijep. Ma jikes jenti njem ei Allah nindati leu binhyepo Noni ba jingut bibon mun bit leu ningon kanti.

ROMA 6:13 ပူးပေါင်းရင်းမြစ်များ

NIBOHON MBEN ISRAEL GI NICAN 30:8

Ma jingkek ndok noyam kin yoni au. Noro ma jibit tuhan nihyet. Ma jinduk yam kwei ei minu ndig Yerusalem ba, jicoi ug ei tuhan De Ig di Noni dimig pijum ei mem Nonti bijo ninno bijo kikau. Ma jikwei ba, jikuk je bak Noni leu binhyepo ningon cut leu Nide nigga jeti.

MAZMUR 37:30

No di singat kei hap niji ne ba ningon ki bimbrap ba, nihyet tibim kin ningon kanti di sren-srau.

NIPINGOK NINGONTI 12:18

No di ba ningon di ko-ko wai bimbrap ne nihyet sibui hiter ningonti dem kep nok iba singau simeda bidat. Noro no di ba ningon di ki bimbrap ne nihyet di tibim ei nuhui him biyai ninghuisi di sindem bak hiter.

YESAYA 55:7

Ma no di sibut kes hon ba, sibut bu bi. Ma noni luei ningonti tut niyai munti nya bikwei kuk no bak tuhan di ningon nggriu. Ma noni ngkwei hanyen ndam tuhan di ngondut noni. Lewo tuhan kos ser nide sisar.

YEHEZKIEL 18:4

Dinyeng tak kep bikwop tungwatu dihyeisi dini hagom igyaijoti bitut andigpoi nya kin imunggwom bat nya cem yahagom. No di bon sisar ne nongkom mitug ndei nimai drek dip.

DANIEL 3:28

Leu api nibou ndig pai “Dinggei sut Sadrakh kin Mesakh kin Abednego ide Allah di ikuk yok bak! Noni pinak Nide malaikati gom kwei biteu yok leu hum di cig-cai lewo iba ingon com Noni. Yoni ibit dihyet bi lene isindui sut bitug ndei nimai leu gima ikuk yok bak kwar nya lewo ikuk yok bak yonti ide Allah Nongkom he.

LUKAS 15:24

Lewo dipmot dini mai su noro niyaijo hanyen bu. Nipou ne noni srawir leu da noro dingat ningat bou diyai him hanyen tu.’ Pai nok leu api yahagom ibon pesta nindig bibor.

LUKAS 15:32

Noro suar nyeni ibon pesta bingon llei bibor drek dip akinjoi di mai su lo, niyaijo hanyen bu. Noni pror leu nye noro dingat ningat bou diyai him hanyen bu tu.’ ”

YOHANES 5:24

Dipai nijit bije bipia no di miap dihyet bibit leu api ba ningon com No di cuk Da kwei yai niyaijo nijep di jo kikau ei ningonti tu. No dima mitug ndei hukum bi noro hei leu nimai bicoi ei niyaijo nijepti bu.

ROMA 1:29

Ingon mpung tut mun di kinei ninyeng hagom. Idrui bou ngwak cem ipigau hanjop cem ingon kinei sut yam cem ihwen yam cem ibui yam cem iris yam cem yeheu yam cem ittei mumpui ei yamti cem,

ROMA 12:1

He disut bat jen, Allah singat tut nye nindig bibor. Gima rino dibidip huk je leu binhyepo jikes jenti njem ei mem Allah noyam kin mun di imam nya ikes ei nimbar hum dokti. Ma jidimig jenti njem ei mem Nide midyai nya leu api Noni mijoi sut je. Suar jiba nisinati dima bikuk je biNoni mungkun kei.

ROMA 6:11

Suar jeni cem ma jiyok ngon kep bipia jindo jimai eisi bak sisar noro jiyaijo tug hon jide ninok gom kin Allahti tug hon Kristus Yesus.

ROMA 6:16

Jikan tut bipia gino jikuk je bak tungwagom bijibit nihyet lene jinok awak mem no dima lewo ninyeng tak kep je. Gino jikuk je bak sisar bijibit sisar nicuk jeti nya ne gini bindei nimai. Gino jikuk je bak Allah bijibit nihyet ne gini biyai jingon di kwes kin Noni.

ROMA 6:19

Jingon dorti haigtu bigyo. Gima rino diba dihyet nitu bimbrap bit je. Nipou ne jikes jenti njem ei nok awak mem mun di jingut pri kep kin mun di kinei ba, jingon kanti nya hagom kinei bibor. Noro tini bu ne ma jikes jenti njem ei nok awak mem Allah ningon kanti leu binhyepo jingon gom tut Allah nikos tutti nya mem jeni.

ROMA 7:23

Noro niggai serti hiter yai nibou tut dingonti ba, srep tut niggai serti di diba dibou ngwakti bice tut. Sisar niggai ser dati di yai nibou tut dingonti kat da ba, disima.

ROMA 7:5

Lewo nipou ne igyai munti nya bit leu tungwatu dihyeisi dini ingut kanti nya. Mpe dima lene Puig Yahudi niggai serti di yai nibou tut nye bindei ba, ingon pri kep sisar ba, inok awak mem igyai munti nya di bie ndam nimai.

KORINTUS GI NIGOM 6:15

Jikan tut bipia jingut dima nggre kin Kristus ninguda. Gima ne bon dikus nimbumbati gom di nggre kin Kristus ningut leu api dibicim tindei sop krar ningut e? Nok gima bi sren!

KORINTUS GI NIGOM 6:20

Noni ba nibok bipek je bijinok Nide bu. Gima rino ma jiba jenti njem binggei sut Noni.

KORINTUS GI NIGOM 6:9

Ma jiyok ngon kep bipia yo di ibit Allah ningon kanti mem yok bi nya minggre kin Allah Ninyeng Tak Kepti bi. Ma jikrau tunggwei jingonti au! Yo di icut tut yam kin yo di ikuk yok bak kwar kin yo di icut tut hi nitnem kin sop di icut tut yam kin pinai di icut tut yam,

KORINTUS GI NICAN 10:4

Niba minggwen di ntun dihyeisi dini him bikon pran bi. Noro niba Allah de minggwen di sindem bikon pran binibindei timek tentara nibousi di igya coi nya. Nibindei timek niba nihyet dahat yamti di nijit-jau bi nya ba,

KORINTUS GI NICAN 5:14

Kristus ningon ngakei nyeti ninyeng tak kep niyai munti nya. Ba, nikan tut bipia tungwagom ngat mai biya luei nindigsi nya yahagom. Gini ndo bipia yahagom imai ei ide sisarti tu.

KORINTUS GI NICAN 5:15

Kristus mai biya luei tungwatu yahagom leu binhyepo yo di igyai niyaijo nijep ibrim ingkek mem ingut kanti nya bu bi noro mem Kristus di mai leu api Allah win Noni hanyen leu nimai eisi mem yok.

KORINTUS GI NICAN 8:5

Lene ikwas munkwas bidor tunggwei niba ningon com yok tutti. Nimbie him ne idimig yonti njem ei mem Allah leu api ice tut bibit nipingok yokti bit leu Allah ningon kanti mem yok.

EFESUS 2:5

Tirigi mun di bitut innei mai drek dip gi itunggwei sut Allah nihyet lene Noni win nye hanyen leu imai eisi ndam niyaijo nijep noyam kin Kristus. Gima rino jiyai niteu leu sisarti kin niyaijo nijepti tug hon Allah di singat tut je.

EFESUS 5:14

Lewo mun hagom di tungwatu nya ingat biput kei dima ne nipigati ngat ri. Gima rino tungwatu nya itri tut a He na di abong mai e, ma ada ayai ba, akiju leu nimai eisi! Kristus ninjeng mipiga digai na ri!

NINDAT KEP TUHAN NICUKTI NYA 25:16

Jide tuhan Allah ningon mpo tut yo di iris mun igkei nya.”

FILIPI 1:20

Dimpig bou kep mun nyeng gom. Dillei sut bidiyok dingon mem gima ba, diyai mun tunggwei sut Nihyet Di Kei bi ba, mun nyeng gom bindei cut da bi sren. Noro gi dut pap rino suar dibrim dingkek mungkun mem nijam dini kikau leu binhyepo diba diyaijoti kin diyai munti titut yam bindei mbut Kristus ninyeng jeisi tug hon diyaijoti kin dimaisi.

KOLOSE 2:13

Nipou ne mun di bitut jinnei mai ei sisarti. Jicoi bit midut sunat di ntun Puig Yahudi niggai serti him bi. Noro tini bu ne Allah win je bijiyai niyaijo nijep bit Kristus. Allah kos ser ide sisar hagom tu ba,

KOLOSE 3:5

Gima rino ma jimu kep jingut kanti di om kep je. Bihi nok nicut tut yamti kin nikrar kep yamti kin niyai canti kin ningon pri kep yamti kin ningon pri kep mun di jo bak hiterti (sisar dini noyam kin sisar nikuk nye bak kwarti nya).

TESALONIKA GI NICAN 2:12

Ningwigsi rino yo di iba yoho rok sisar kin yo di iba ingon com nihyet di nijit bi yahagom mitug ndei hukum.

2 TIMOTIUS GI NICAN 2:15

Ma abrim angkek nok mungkun kei leu binhyepo Allah joi sut nani bitut ade midyai nya cem leu api ammai sut bi. Noro aba nisinati di mungkun kei bitri tut Allah nihyet di nijit.

YAKOBUS 4:1

Ningon sibui sut yamti kin niliriem yamti di srig jikieti ntun mindei him i? Ningon di pri kep mun di ingat ingwes eisiti rinok nitriti mem mun dima yok.

PETRUS GI NIGOM 2:24

Kristus biang ide sisar ei Nonti dip tirigi mai ei biei salibti leu binhyepo bikwek nye leu sisar de nisindemti leu api igyaijo bit leu Allah ningon kanti mem nye. Kristus nibok nya ribindei dino jikei hanyen.

PETRUS GI NIGOM 4:2

Hon kep ammani kui ne ma Allah ningon kanti om kep jiyaijoti ei dihyeisi dini lene ma jingut kanti nya om kep je bu au.

YOHANES GI NIGOM 1:9

Gino ipai jit ide sisar bak Allah lene Noni miyai igbit nipreu ei mem nyeti. Noni ba ningon sren biyai nikos ser ide sisarti kin nipiap nye leu igyai munti di suwok nya hagom.