ROMA 6:12 - ALLAH NIHYET MEM TUNGWATU NYA

¹² Ma jisindui sut ba, sisar tak kep jide niyaijoti di mipror yon ug rin au. Leu binhyema sisar dima bindei ba, jibit jingut pri kepti di sibut bibor nya bu au.

ROMA 6:12 ပူးပေါင်းရင်းမြစ်များ

NITRITI 4:7

Gino abon mun di kei lene ma angon nggan noro gino abon mun di kinei lene sisar tin ei mem coi ei angonti. Sisar pi bisrou na noro suar aom kep sisar dima.”

MAZMUR 119:133

Abindei ba, dimbut lo, didilleu bi bit leu nok apreu ei mem dati. Ma asindui sut ba, sisar om kep da au.

MAZMUR 19:13

Bit bon hi ningon ngat nitunggweisi nya kan bi. Noro tuhan e, ma akwek da leu sisar di diba dingon mbum bibon!

IMAM NYA IDE MIDYAI 13:40

Gino no di pinai nibou llet leu nibou nggram him lene gima bindei ba, map kui noti bi.

MBEN ISRAEL IMBUT-MBUT NYEN 33:55

Noro gino jijji timiei minu dima yahagom bingwig leu bi lene timiei di ibong kikau ei mpia dima mporo mibibon bijingon buhun dem kep nok iggum di cut ei jiyai njepti kin ndia nggwen di dahat ei jimigti. Lene yoni minjei bihwen je.

ROMA 13:14

Noro ma ikrau kep Tuhan Yesus Kristus de minggwen nya lene ma jikes hon ba, jiba joho rok jingut kanti nya di ntun sisar him ba, jisindui sut jingut kanti nya bindei cut je bu au.

ROMA 2:8

Noro tut nindigsi di ibon mun bit leu yonti ingon kanti bikou sut Allah nihyet leu binhyepo yuhuk bram mun di kinei ne Allah mikes hukum nindig bibor ei yok dip.

ROMA 5:21

Gi nok lene suar nyeni yahagom itug ndei nimai lewo ibon sisar tu. Noro Allah singat tut nye bitin puig di bie ug ei ingon kwes kin Noni hanyenti. Gino ingon kwes kin Noni hanyen tu ne Noni miyai niyaijo nijep di jo kikau binye tug hon ide Tuhan Yesus Kristus.

ROMA 6:14

Harin dima sisar de nisindemti om kep je bu a. Lewo jide niyaijo nijep tug hon Puig Yahudi niggai serti bu bi noro tug hon Allah nisingat tut jeti.

ROMA 6:16

Jikan tut bipia gino jikuk je bak tungwagom bijibit nihyet lene jinok awak mem no dima lewo ninyeng tak kep je. Gino jikuk je bak sisar bijibit sisar nicuk jeti nya ne gini bindei nimai. Gino jikuk je bak Allah bijibit nihyet ne gini biyai jingon di kwes kin Noni.

ROMA 8:11

Gino Allah Ninnei di kon Yesus hanyen leu nimai eisi ningat rin ei jingonti ne Allah gom ngat dima mikon jingut di mipror yon hanyen tug hon Allah Ninnei di ningat rin ei jingonti.

ROMA 8:13

Leu gino jiyai mun bit leu jingut kanti di ntun dihyeisi dini him ne jimai. Noro gino jiba nisindemti leu Allah Ninnei bimu kep sisar di jibon nya ne jiyaijo.

KORINTUS GI NICAN 4:11

Niya hon niyaijo ningwig honti bikwop njap ngwa hagom kikau drek dip Yesus leu binhyepo Yesus niyaijoti jo brei bou tungwatu nya igyai him tug hon ningut di mipror yon dini.

KORINTUS GI NICAN 5:4

Inso-nso nyen mem nijam di ibong ser ig di ntun dihyeisi dini him lewo mun di buhun bibor buhun tak nye. Ijoi sut gima ikes ingut di ntun dihyeisi dini him ei bi. Noro ijoi sut gima iba ingut di ntun gwamti him bijuk ingut di ntun dihyeisi dini him leu binhyepo mun di jo kikau mipinde mun di mipror yon bingwig hak ug.

GALATIA 5:16

Dingon kanti rinok gini. Ma jisindui sut ba, Allah Ninnei bie tut je lene ma jiyai munti nya bit leu jingut kanti di ntun dihyeisi dini him au.

GALATIA 5:24

Yo di ijem iceu bit Kristus Yesus igyai nimai bak ingut kanti kin ide ningon pri kepti di ntun dihyeisi dini him nya hagom.

EFESUS 2:3

Nipou ne yahagom inok yo dima. Igyai munti nya bit leu ingut kanti di ntun dihyeisi dini him ba, ingut kanti dima kin ingon kanti yuubon nye nok awaga. Mpe dima lene nyeni ne tungwatu di itug ndei hukum leu Allah rin noyam kin yo di hiter yahagom.

EFESUS 4:22

Gima rino ma jipas niyaijo nitimiei bitut niyai kepti nitimiei nya leu je nok sinsun di rik-ta. Lewo jingut kanti di ntun dihyeisi di kinei dini him bindei ba, jiyaijo nitimiei timek bingwig.

NINDAT KEP TUHAN NICUKTI NYA 7:2

Tirigi tuhan di nok jide Allah kes mben dini yok hagom ei jindati lene ma jihwen yahagom ba, imai bingwig hak ug. Ma jingondut yok ba, jipreu mun hi ei biyok au.

TESALONIKA GI NIGOM 4:5

Lene ma ba niyai can noyam kin yo di ingon tindur di ikan tut Allah bi nya di ikrar kep yam bibong bit nitnem au.

2 TIMOTIUS GI NICAN 2:22

Ma ambres nanti leu mun di pilei nya ingat ingwes eisi. Ma ahuk bram angon di sren kin ade niba ningon com Kristusti kin angon ngakei tungwatu nyati kin angon jo nyahanti hagom noyam kin yo di ingon kwes di yahara Allah mem gima mpu yok.

TITUS 2:12

Nisingat tut nyeti dima pingok ingonti leu binhyepo ikes hon ba, isrep tut Allah ningon kanti bibit ingut kanti di igbit bi nya bu au. Nipingok nyeti dima bindei ba, tirigi ingat rin ei dihyeisi dini ne yoom kep ingon cem ingon sren cem ingon gom tut Allah cem,

TITUS 3:3

Lewo nipou ne nyeni cem ingon tindur cem israwir cem ibit nihyet bi cem ba, inok awak mem ingut kanti nya kin mun di ingat ingwes eisi nya. Igyai munti nya sibut bibor cem ingon kinei sut yam cem ingon mpo tut tungwatu nya yahagom ba, yahagom ingon mpo tut nye.

PETRUS GI NIGOM 1:14

Ma jibit Allah ningon kanti mem je. Ma jingkwei kep jingon kanti kin jingut kanti timiei nya di jiyai tirigi jingon tindur yo pima au.

PETRUS GI NIGOM 2:11

Disut bat di dingon kieti jen, jinok ngkiai nya cem yo di ibong bas cem ei dihyeisi dini. Gima rino dicuk je sindem bipia ma jisindui sut jide ningut kanti nya om kep je au. Lewo jingut kanti dima kon pran bit jingonti kikau.

YUDAS 1:16

Yo dini inso-nso nyen cem injei kep hi ter cem igyaijo bit leu ingut kanti di kinei di srou yok cem ingon jei cem iba ninsi dimmau biris tungwatu nya leu binhyepo ibibrim mun di ingat ingwes eisi leu yok.

YUDAS 1:18

Ipai bije bipia tirigi njap ningwig honti son dideu lene tungwatu nya di igyai igbit ingut kanti di kinei di srou yok nya mittau kwei leu api iba ighyet bicig je.

NIJAM NIKEI NYA 2:3

Gima rino ma jingig jitingou mem dihyet dini. Midijji yo dini leu itimieisi sindam leu joho bei tirigi jicoi ei minu dini bi. Timiei minu dini minok jide siceu nya apino mijibiam bon tirigi jikuk je bak ide kwar nya.”