ROMA 5:8 - ALLAH NIHYET MEM TUNGWATU NYA

⁸ Noro Allah ndo ningon ngakei nyeti brei binye tirigi Kristus kes niyaisi ei bimai luei nye di tungwatu di ibon kep sisar!

ROMA 5:8 ပူးပေါင်းရင်းမြစ်များ

YESAYA 53:6

Nyeni yahagom inok domba di israwir nya ba, hi mbut nide hi mbut nide tu. Noro tuhan kes nyeni yahagom ide hukum ei noni dip.

YOHANES 15:13

No di ningon ngakei nisut bat nya ningat-ngat rino no di kes niyaisi ei bimai luei yok.

YOHANES 3:16

Lewo Allah ningon ngakei tungwatu dihyeisi dini hagom nindig bibor apino kes Nipmot di nimig gom ngat hak ei mem yok leu binhyepo bikwop no di ba ningon com Nipmot misar bi noro yai niyaijo nijep di jo kikau.

ROMA 3:5

Noro gino ide niyai mun tunggweisi bindei ba, Allah niyai munti di sren-srau nya jo nibreisi lene ipai mindei i? Notou nyeni ibuhup yo dima ighyet i? Allah yai mun tunggwei tirigi kes hukum ei nyeni dip e? (Dibuhup tereu nok tungwatu dihyeisi dini igyai kepti.)

ROMA 4:25

Allah sindui sut Kristus yai nimai drek dip ide sisar. Lene Allah kon Kristus hanyen leu nimai eisi bibon nituti mem nyeni ingon kwes kin Allah hanyen.

ROMA 5:20

Allah Nonti yai Puig Yahudi niggai serti bak mben Yahudi. Mbro nok gino tungwatu nya ibingon mem gima ibit Puig Yahudi niggai serti lo, ikum ei nipigau Puig Yahudi niggai serti ba, ibon sisar ei Allah niyai him. Mbro nok gino ikum ei ide nibon sisarti nindig bibor lo, Allah kum ei nisingat tut yokti nindig bibor bu.

ROMA 5:6

Mbro nok gino ingat rin ei minu ting leu Allah bisindem bi cem lo, Kristus mai mem nyeni dem igbit tto bou di Allah preu ei su.

ROMA 5:7

Nggruk bibor mem tungwagom kes niyaisi ei bimai luei no di ningon sren. Mpaba tungwagom mikes niyaisi ei bimai luei no di ningon singat kei.

ROMA 8:32

Allah jem Nipmot bou Nonti bingondut Noni bi noro kes Noni ei mem nyeni yahagom. Gima rino Noni miyai mun nyeng nindigsi hagom binye mikuisi bi e?

ROMA 8:39

kin mun di jo ei mpia-bbed him kin mun di jo ei dihyei jou kin mun nindigsi bidem Allah nipai testi cem ba, hagom mimbres nye leu Allah ningon ngakei nyeti di tug hon ide Tuhan Kristus Yesus kan bi sren.

GALATIA 2:20

diyaijo bu bi. Noro Kristus niyaijo ei dingonti. Nogindini diyaijo tug hon ditde niba ningon com Allah Nipmot di ningon ngakei da bikes niyaisi ei biya luei da.

EFESUS 2:7

Allah yai mun dini leu binhyepo hon kep ammani kui kikau ug bipek nijam di nidipti bu lene Noni ndo tut ningon ngakei nyeti di mindur bibor ba, tungwatu nya ingat bou igyai him. Ba, Noni ndo ningon ngakei nyeti dima tug hon Nide nisingat tut nyeti drek dip Kristus Yesus di ya hacan mem nye.

EFESUS 5:2

Ma jiyai jinnei di mpung tut ningon ngakei yamti noyam kin Kristus di ningon ngakei nyeni. Noni kes niyaisi ei biya luei nye tereu nok mun di ngge kei di ibui bibam ei nimbar hum dokti di bipwoi Allah ningon.

TIMOTIUS GI NIGOM 1:16

Noro Allah singat tut da drek dip leu binhyepo Kristus Yesus moom ningon tut da di dinok no di bon sisar nindig bibor dor njiriek nindigsi nya yahagom. Lene gini ndo bindo bak yo di ingon jo kep Noni bigyai niyaijo nijep di jo kikau ei nidipti bu.

IBRANI 8:3

Bikwop imam nibou ndig nya yahagom ittei mun di tungwatu nya ikwas tut Allah ba, ibibon midut nibui mindhe ei Noho bei. Gima rino suar ide Imam Nibou Ndig cem pwoi nide munkwas hi mem gima Noni kwas tut Allah.

PETRUS GI NIGOM 3:18

Lewo Kristus Nonti mai mbigom ngat he bijo kikau mem ide sisar. Noni ne No di ningon sren-srau di ya luei yo di ibon sisar nya yohoti rin leu binhyepo buwak je kwei bijitti kin Allah. Kristus mai bit leu gi mbun ningut tungwatu. Noro tirigi Allah win Noni ba, niyaijo hanyen lene noni mbun ninnei di bit bon mai hanyen kan bi.

YOHANES GI NIGOM 3:16

Ingon dorti tut mun di bindei mbut ningon ngakei yamti tug hon Kristus di kes niyaisi ei mem nye. Ma nyeni cem ikes igyaisi ei mem isut bat nya!