ROMA 5:21 - ALLAH NIHYET MEM TUNGWATU NYA

²¹ Gi nok lene suar nyeni yahagom itug ndei nimai lewo ibon sisar tu. Noro Allah singat tut nye bitin puig di bie ug ei ingon kwes kin Noni hanyenti. Gino ingon kwes kin Noni hanyen tu ne Noni miyai niyaijo nijep di jo kikau binye tug hon ide Tuhan Yesus Kristus.

ROMA 5:21 ပူးပေါင်းရင်းမြစ်များ

MATIUS 25:46

Gima rino yo dini itug ndei hukum di jo kikau noro yo di igyai igbit Allah ningon kanti icoi ug ei niyaijo nijep di jo kikauti.”

YOHANES 1:14

Nihyet dima luei nitta binok tungwatu ba, kwei bong bit nye. Nyeni ingat nikei-kau-keisi di Nicig yai biNoni lewo Noni ne Nipmot nimig gom ngat ri. Nipmot singat tut nye nindig bibor ba, Nongkom ndo Allah ningat titut yam brei binye.

YOHANES 10:28

Diyai niyaijo nijep di jo kikau biyok leu api isar hanyen bi sren. Bit bon hi pos yok leu dinda nsi kan bi.

ROMA 4:13

Allah preu ei mem Abraham kin yo di intun noni him bipia imbun dihyeisi dini. Noni preu ei nok gima lewo Abraham bit Puig Yahudi nicuk noti nya bi noro lewo noni ba ningon com Allah apino Allah joi sut noni nok no di pwoi ningona.

ROMA 5:12

Sisar coi kwei ei dihyeisi dini tug hon tungwagom ba, nide sisar buwak nimaisi kwei. Leu api nimaisi kieng kep tungwatu yahagom lewo yahagom ibon sisar tu.

ROMA 5:14

Mbro nok gima lo, ei nijam di Adam ningat rin kikau ug bipek nijam di Musa ningat rin ne nimai tak kep tungwatu yahagom. Mbro nok gino ibon sisar tug hon nisinati di noyam kin Adam de nipigau hanjopti bi lo, nimaisi tak kep tungwatu yahagom. Adam ndo bindo tut No di mikwei ei nidipti bu.

ROMA 5:17

Ningat ne tungwagom nipigau hanjopti bindei ba, nimai tak kep tungwatu yahagom tug hon tungwagom dia. Noro Yesus Kristus Nongkom niyai munti bindei ba, mun di bon ninyeng nindig bibor dor njiriek bu pek kep mem nye. Bikwop tungwa tou rino kau dimbou leu Allah nisingat tut noti biyai ningon kwes kin Allah hanyen ne mimbri mikui niyaijoti tug hon Kristus.

ROMA 6:12

Ma jisindui sut ba, sisar tak kep jide niyaijoti di mipror yon ug rin au. Leu binhyema sisar dima bindei ba, jibit jingut pri kepti di sibut bibor nya bu au.

ROMA 6:14

Harin dima sisar de nisindemti om kep je bu a. Lewo jide niyaijo nijep tug hon Puig Yahudi niggai serti bu bi noro tug hon Allah nisingat tut jeti.

ROMA 6:16

Jikan tut bipia gino jikuk je bak tungwagom bijibit nihyet lene jinok awak mem no dima lewo ninyeng tak kep je. Gino jikuk je bak sisar bijibit sisar nicuk jeti nya ne gini bindei nimai. Gino jikuk je bak Allah bijibit nihyet ne gini biyai jingon di kwes kin Noni.

ROMA 6:23

Lewo sisar birop jimuhup nimai eisi hanyen bije. Noro Allah yai niyaijo nijep di jo kikau bit ide Tuhan Yesus Kristus binye mikuisi.

ROMA 8:10

Gino Kristus ningat rin ei jingonti ne mbro nok gino jingut mipror yon drek dip sisar lo, Allah Ninnei yai niyaijo nijep bije lewo Allah yai jingon di kwes kin Noni bije tu.

TITUS 2:11

Lewo Allah ndo nisingat tut tungwatu nyati leu binhyepo teu yahagom leu sisar biyai niyaijo nijep biyok.

IBRANI 4:16

Gima rino ma ibrim ingkek kep Allah ei Nide banggo mbrei lewo Noni singat tut nye. Noni ngondut nye bisingat tut nye cem leu binhyepo itug ndei nimpu nye dem igbit nikwesti.

PETRUS GI NIGOM 5:10

Noro niabiati jiyai ninghuisi wei di jo jei bi leu su lene Allah di singat tut je mipindi je hanyen bu. Noni miyai jingon nddong cem misindem tut je cem mibindei bijiba jingon com Noni kikau cem. Lewo Noni dimig je leu binhyepo jipriet kin Nide nikei-kau-keisi drek dip gi jinok gom kin Kristus.

PETRUS GI NICAN 1:1

Srat dini leu da di Petrus ba, dinok awak mem Yesus Kristus bidiya kui Noni cem. Srat dini mem je dino jiyai jide niba ningon comti noyam kin nyeni tug hon ide Yesus Kristus di ningon sren-srau. Noni ne Allah kin No di teu nye leu sisar biyai niyaijo nijep binye cem ri.

YOHANES GI NIGOM 2:25

Kristus nonti preu ei mem nye tut niyaijo nijep di jo kikau.