ROMA 5:20 - ALLAH NIHYET MEM TUNGWATU NYA

²⁰ Allah Nonti yai Puig Yahudi niggai serti bak mben Yahudi. Mbro nok gino tungwatu nya ibingon mem gima ibit Puig Yahudi niggai serti lo, ikum ei nipigau Puig Yahudi niggai serti ba, ibon sisar ei Allah niyai him. Mbro nok gino ikum ei ide nibon sisarti nindig bibor lo, Allah kum ei nisingat tut yokti nindig bibor bu.

ROMA 5:20 ပူးပေါင်းရင်းမြစ်များ

MAZMUR 25:11

tuhan e, akos ser ditde sisar bit leu Ade nipreu ei mem dati. Lewo diyai mun tunggweisi nindig bibor.

YESAYA 1:18

tuhan pai “Jikwei ba, ikwam minggwen bit yam ser munhyet dini. Mbro nok gino jide sisar bindei ba, jingwoi kei noyam kin ban ngwoi lo, mididip tut jingonti bidibindei ba, tiei kei noyam kin bungguma. Mbro nok gino jide sisar mang bibor buhun tak je lo, midikos ser hagom bingwig leu je.

YEHEZKIEL 16:52

Gino ibinai ade adig-ajoi nya kin nani lene dem kep nok yoni igyai mun tunggwei hi bi. Suar ammai sut nanti ba, abisrip huk nanti nok nikinei-kinau.”

MBEN ISRAEL IMBUT-MBUT NYEN 21:9

Gima rino Musa ba ngkimom-tembaga bibon wou gom bikes ei biei dip lene tas biei tut leu binhyepo tungwa tou rino wou dima ham mikei hanyen gino noni tou kep wou ngkimom-tembaga nggilun.

MATIUS 20:9

Lene yo di ikinyon ei midyaiti mem mmunti itug ndei imuhup mitiei nitig di buhun gom bibikwop yahagom.

MATIUS 9:13

Je juug ba, jihig yam ser ningginausi tut Allah nihyet di pai binye ‘Dijoi sut ningondut yamti nindig bibor dor njiriek nikos mindhe tut ninggromti’. Lewo dikwei mem gima dinduk yo di ikan bipia ikei-kau nya bi noro mem gima dinduk yo dino hiter irok yok ei itta.”

LUKAS 7:47

Gima rino dipai bina bipia nide ningon ngakei Dati di nindig bibor dima ndo bipia Allah kos ser nide sisar di mang bibor tu. No di yai nikos ser nide sisarti gom-gom he miba ningon ngakeisi poi mien bibirop no di kos ser nide sisar.”

YOHANES 10:10

Ninggimang kep mun cig gau sar bimbrai domba nya leu api bui nok mikwau bidigou binggek tut domba nya. Noro dikwei leu binhyepo tungwatu nya igyai niyaijo nijep di mpung kin pias-hagau ei ingonti.

YOHANES 15:22

Gino dikwei tri nihyet biyok bi lene ingon mui ba, sisar ntun him bi. Noro tini bu ne bit bon ipai mun mem isu tindei ide sisar kan bi.

ROMA 4:15

Puig Yahudi nicukti nya bindei ba, Allah kes hukum ei tungwatu nya dip. Noro gino nicukti hi jo bi ne nipigau hanjopti cem jo bi.

ROMA 6:1

Gi nok lene mipai mindei i? He ma ibon sisar kikau leu binhyepo ibindei Allah nisingat tut nyeti mikum eisi bu e?

ROMA 6:14

Harin dima sisar de nisindemti om kep je bu a. Lewo jide niyaijo nijep tug hon Puig Yahudi niggai serti bu bi noro tug hon Allah nisingat tut jeti.