ROMA 5:2 - ALLAH NIHYET MEM TUNGWATU NYA

² Yesus bindei Allah nisingat tut nyeti dima pek kep mem nye tug hon ide niba ningon com Noti. Nogindini igyaijo tug hon Allah nisingat tut nyeti. Gima rino ingon llei bibor lewo iba ingon com bipia ipriet kin Allah nikei-kau-keisi ei nidipti bu!

ROMA 5:2 ပူးပေါင်းရင်းမြစ်များ

MAZMUR 17:15

Noro midingat Na bou diyai him lewo diyai mun tunggwei hi bi. Mpe di dikiju leu dibong eisi lene dingon nggei-hi-nggei lewo Angat rin bit da.

MAZMUR 73:24

Aba apingok dati nya bibie tut da leu api mporo aba anggei sut dati buum da ei ningwigsi.

NIPINGOK NINGONTI 14:32

Yo di isibut igyai munti di kinei nya bindei ba, isar noro yo di ingon kwes kei nya igwam coi ide ningon srenti.

HABAKUK 3:18

midingon llei bibor kikau lewo Na di tuhan Allah ateu da bidingwes ngun.

MATIUS 25:21

Niceu buhup ‘Ayai mun di igbit. Nani ne awak di kei di angon gom ri. Ajoi bibor tut mitiei mien. Gima rino midiba dingon com nani tut mun di nindig bibor bu. Akwei gwam bit da ba, sillei ngwig sut yam.’

YOHANES 10:7

Gima rino Yesus pai biyok hanyen bu “Dipai nijit bije bipia Dani ne dimbou mem domba nya icoi kak ri.

YOHANES 10:9

Dani ne dimbou hui ri. Bikwop no di coi kak Da miyai niteu leu sisar kin niyaijo nijepti. Noni hei-hei nyen biyem njita nok gi dem.

YOHANES 14:6

Yesus buhup “Dani ne puig mem nibikan tut Allah nijit-jausi kin nibiyai niyaijo nijepti ri. Bit bon no di tug hon Da bi ug ei Dicig nidim cem kan bi.

YOHANES 5:24

Dipai nijit bije bipia no di miap dihyet bibit leu api ba ningon com No di cuk Da kwei yai niyaijo nijep di jo kikau ei ningonti tu. No dima mitug ndei hukum bi noro hei leu nimai bicoi ei niyaijo nijepti bu.

KISAH 14:27

Tirigi ikwei krau minu ndig Antiokhia ei hanjop Siria hanyen tu lene induk yo di inggre kin mbusyamei kwei bipui kep midyai di Allah bibon tug hon yoni kin notou Allah tin puig mem gima ngkiai nya cem ingon jo kep Yesus.

ROMA 11:20

Igbit ri. Noro Noni sriot ninda dima leu drek dip gi ingon jo kep Noni bi. Lo, jiluei niceti lewo jingon jo kep Noni. Noro ma jingon jei sut au. Ma jidigit tut.

ROMA 12:12

Ma jiba jingon di llei bibor biyok jingon mem Tuhan lene ma jingon nddong tut mun di cut igkep je bijita jibou ei naditi cem.

ROMA 14:4

Nggon rino aba ahyet biyai hiter nide awak i? Awak dima niceu nongkom kos tut bak awak dima drek dip nicutti e, he nikiju hanyenti e. Ba, awak dima mikiju biya nddong kei lewo Allah sindem mem gima bindei no dima kiju biya nddong kei.

ROMA 15:13

Allah bindei ba, igyok ingon mem Noni. Handei kon ba, Noni yai jingon llei bibor kin jingon jo nyahan cem tug hon jide niba ningon com Noti leu binhyepo jiyok jingon mem Noni bibor bikum eisi bu tug hon nisindemti di kwei leu Allah Ninnei.

ROMA 2:7

Allah miyai niyaijo di ningat di jo kikau bikwop bak yo di ita ibou ei midyai di kei bibor nyati bibindei ba, Noni nggei sut yahagom bikon inyeng biyai niyaijo di singat kei biyok.

ROMA 3:23

Tungwatu nya yahagom ibon sisar tu ba, yahagom ingat rin ei minu ting leu Allah di joi sut gima teu yok leu sisar biyai niyaijo nijep biyok.

ROMA 5:5

ide niyok ningon mem dima biyai ingon pus tut mun nyeng hi bi lewo Allah pwoi Nide ningon ngakei nyeti ei ingonti tug hon Nide Ninnei di yai binye tu.

ROMA 8:1

Nogindini Allah mikes hukum ei yo di inok gom kin Kristus Yesus dip bi.

ROMA 8:24

Noni ba ide niyok ningon mem biteu nye leu sisar biyai niyaijo nijep binye. Gino ingat mun di igyok ingon mem bou igyai him ne jo nibreisi bipia gima ne niyok ningon memti di nijit rin bi. Tou riyok ningon mem mun di ngat ningat bou niyai him i?

KORINTUS GI NIGOM 15:1

Disut bat jen, nogindini dipus kiek jingonti tut Nihyet Di Kei di ditri bije nipou su. Jiyai nihyet dima bijipwoi ei jingonti lene jiba jingom com Kristus tug hon Nihyet Di Kei dima.

KORINTUS GI NICAN 3:18

Tini bu ne sinsun nghas nggai kep ser nyeni iimaisi bu bi. Leu api Tuhan Yesus nikei-kau-keisi com ninjeng hanyen tug hon iimaisi di tereu nok kisina. Tuhan Ninnei luei kep nyeni itta sindam lene bindei ba, inoyam kin ide Tuhan di kei-kau-kei.

KORINTUS GI NICAN 4:17

Mun di buhun tak nye di jo kikau di bon ninyeng bi dini bie tut nye ug ei ningon llei sutti di mindur di jo kikau. Gino ibinai hacem kin yam ne ningon llei sutti dima nindig bibor dor njiriek mun di buhun tak nye.

EFESUS 2:18

Nye di mben Yahudi kin ngkiai nya yahagom iba Allah Ninnei gom ndia biya ei Noho bei tug hon Kristus di ya hacan mem nye.

EFESUS 3:12

Nogindini iba ingon di nddong bibrim ingkek kep Allah ug ei Nonti Noho bei drek dip gi inok gom kin Kristus lene iba ingon com Noni.

EFESUS 6:13

Gima rino nogindini ma jijuk sinsun pran di Allah yai bije! Leu binhyepo jidem mem gima jitindei ser siceu nya di icut igkep je mem nijam di biang mun di kinei. Ba, tirigi jikon pran buug ei ningwigsi lene je hei nok nikon pran cig.

TESALONIKA GI NICAN 2:16

Handei kon ba, ide Tuhan Yesus Kristus Nonti kin Icig Allah di ningon ngakei nye ibindei ba, ibrim ingkek kikau bigyok ingon mem mun di kei bibor tug hon Ide nisingat tut nyeti.

IBRANI 3:6

Noro Kristus ningon gom ba, Noni ne Nipmot di nyohou Allah de ig ri. Ba, nye dini ne Allah de ig rin gino ibrim ingkek ba, ingon ngkiem tut mun di igyok ingon mem.

IBRANI 6:18

Bit bon mun nyeng can pima nggek ba, Allah ris mun tut gima kan bi. Gima rino ingwes ngun ug ei Nonti nindati. Mun dini yok biwin kep ingonti leu binhyepo ikrau kep mun di igyok ingon mem di jo bei nyeni yoho bei.

PETRUS GI NIGOM 3:18

Lewo Kristus Nonti mai mbigom ngat he bijo kikau mem ide sisar. Noni ne No di ningon sren-srau di ya luei yo di ibon sisar nya yohoti rin leu binhyepo buwak je kwei bijitti kin Allah. Kristus mai bit leu gi mbun ningut tungwatu. Noro tirigi Allah win Noni ba, niyaijo hanyen lene noni mbun ninnei di bit bon mai hanyen kan bi.

NINGAT-HI-NGAT NYA 21:11

bikwei sut nisieng siausi kin Allah nikei-kau-keisi kin nijimjitti di nok tig permata di nibok kak kin tig baiduri pandan di pimbai kei nok kristal bida.

NINGAT-HI-NGAT NYA 21:23

Minu ndig dima suar mpia njap kin bed mmun com digai bi lewo Allah nikei-kau-keisi piga digai hagom ba, Domba Pmot Nonti nok mini ninjeng mem.

NINGAT-HI-NGAT NYA 21:3

Leu api nihyet nindig bibor tibim kwei leu banggo mbrei bipai “Nogindini Allah ningat rin bit tungwatu nya! Noni kwei bong bit yok ba, yoni ne Nide limwa nya ri. Allah Nonti di nok ide Allah ningat rin bit yok.

NINGAT-HI-NGAT NYA 3:21

Midisindui sut yo di ibindei cut sisar nisindemti bigwam kui Da ei Ditde banggo mbrei bit leu nok Dani cem dibindei cut sisar nisindemti ba, nogindini digwam kui Dicig ei Nide banggo mbrei.