ROMA 5:14 - ALLAH NIHYET MEM TUNGWATU NYA

¹⁴ Mbro nok gima lo, ei nijam di Adam ningat rin kikau ug bipek nijam di Musa ningat rin ne nimai tak kep tungwatu yahagom. Mbro nok gino ibon sisar tug hon nisinati di noyam kin Adam de nipigau hanjopti bi lo, nimaisi tak kep tungwatu yahagom. Adam ndo bindo tut No di mikwei ei nidipti bu.

ROMA 5:14 ပူးပေါင်းရင်းမြစ်များ

NITRITI 19:25

Ba, cok tut minu ndig dima hacem bitut mbang briep dima hagom bitut tungwatu nya kin mun di hei ei dihyeisi cem ba, hagom sar bingwig.

NITRITI 4:8

Mpe hi bu lene Kain pai bak nikinjoi Habel “Akwei ba, suug ei ngoi dumti ri.” Tirigi yuug krau ngoi dumti lene Kain bui nikinjoi bimai hak ug.

NITRITI 7:22

Mun di ninnei tau nuhwap nsi ei dihyeisi hagom sar bingwig.

NEHEI LEUSI 1:22

Nok gima kikau bibou Firaun kes nihyet bak nide limwa nya yahagom bipai biyok “Suar jicom mben Ibrani imunggwom bat nya ningwoi-ngwoi nipinai nya tut igyaijo ug ei Minyei Nil bimai ug. Noro ma jisindui sut munggwom ngwoi-ngwoi nisop nya ba, igyaijo.”

NEHEI LEUSI 1:6

Mimbrek-mimbrek bu lene Yusuf kin nikindig bat nya kin nikinjoi kin nide bat nya di ikui sur noni yahagom imai bingwig.

HOSEA 6:7

Noro noyam kin mun di pek kep ei minu mien Adam ba, jinjiriek nipreu di jipreu ei bit Da.

YUNUS 4:11

Dem mem gima dingon nggriu sut timiei minu ndig Niniwe di ningot ndig dima bi e? Lewo minu ndig dima bon munggwom nya imangti ibou sribu sratus gom ba, nyatungwagom di imig mbus mun di kei leu mun di kinei kan bigyo nya bitut mindhe-ndhe nya di bit bon ikwop nimangti kan bi cem.”

ROMA 5:12

Sisar coi kwei ei dihyeisi dini tug hon tungwagom ba, nide sisar buwak nimaisi kwei. Leu api nimaisi kieng kep tungwatu yahagom lewo yahagom ibon sisar tu.

ROMA 5:17

Ningat ne tungwagom nipigau hanjopti bindei ba, nimai tak kep tungwatu yahagom tug hon tungwagom dia. Noro Yesus Kristus Nongkom niyai munti bindei ba, mun di bon ninyeng nindig bibor dor njiriek bu pek kep mem nye. Bikwop tungwa tou rino kau dimbou leu Allah nisingat tut noti biyai ningon kwes kin Allah hanyen ne mimbri mikui niyaijoti tug hon Kristus.

ROMA 5:21

Gi nok lene suar nyeni yahagom itug ndei nimai lewo ibon sisar tu. Noro Allah singat tut nye bitin puig di bie ug ei ingon kwes kin Noni hanyenti. Gino ingon kwes kin Noni hanyen tu ne Noni miyai niyaijo nijep di jo kikau binye tug hon ide Tuhan Yesus Kristus.

ROMA 8:20

Lewo Noni sindui sut nipai testi hagom ba, nna ei. Nipai testi kos tut nok gima bi noro Allah kos tut nok. Mbro nok gima lo, Allah yok Ningon mem,

ROMA 8:22

Ikan tut bipia nipai testi hagom ilua kwop tut ninghuisi wei leu nimbie him kwei bipek ammani kep tereu nok sop di ninghim dut tut munggwom.

KORINTUS GI NIGOM 15:22

Bit leu nok tungwatu yahagom itug ndei nimai drek dip gi intun Adam him lene yahagom mikiju hanyen leu imai eisi drek dip gi inok gom kin Kristus.

KORINTUS GI NIGOM 15:45

Bit leu nok gi ipas ei Allah nihyetti “Allah pai tes Adam nok no di nigom di niyaijo ba, ninnei joti.” Noro Adam di ya nohon keti ne Ninnei di yai niyaijo nijep bak tungwatu nya ri.

IBRANI 9:27

Allah pai ei su bipia tungwatu nya yahagom imai mbigom ngat he leu api Noni mimbus ingonti.