ROMA 5:11 - ALLAH NIHYET MEM TUNGWATU NYA

¹¹ Lene gima he bi lewo ingon llei sut Allah nisingat tut nyeti di tug hon ide Tuhan Yesus Kristus lewo Noni bindei ba, Allah jem nisut bit nye.

ROMA 5:11 ပူးပေါင်းရင်းမြစ်များ

MAZMUR 104:34

Dijoi sut gima Noni joi sut doia di tibim ei duhui him lewo Noni bindei ba, dingon llei bibor.

MAZMUR 149:2

Je di mben Israel e, ma jiyai nillei drek dip jide No di pai tes je. Je di timiei Sion e, ma jinggei-hi-nggei drek dip jide Nibou Ndig!

MAZMUR 32:11

Je di jingon sren e, ma jingon kei bibor bijiyai nillei drek dip tuhan niyai munti nya. Je di jibit tuhan nihyet e, ma jiba jingon di llei bimbos-hi-mbos binggei sut Noni!

MAZMUR 43:4

Allah e, mpe dima lene midingkwei hanyen bidiya kui Ade nimbar hum dok lewo Nani ne nibousi mem dingon nggei-hi-nggeisi ri. Midikek ditde nggong mbrei bidipai doia bidibinggei sut Na lewo Nani ne ditde Allah ri.

YESAYA 61:10

Minu ndig Yerusalem pai “Dillei ngwig sut tuhan niyai munti nya. Noni ba sinsun nda di ninyeng rino niteu leu sisarti kin nibindei sar siceusi nya bijuk da noyam kin no di pinai kin no di sop di imau yonti mem midut niwak yamti.

LUKAS 1:46

Lene Maria pai, “Dingon nggei sut Tuhan.

YOHANES 1:12

Lo, tungwatu nya bihi igya um Noni leu api iba ingon com Noni. Gima rino Noni bindei ba, idem mem gima inok Allah nimunggwom bat nya.

ROMA 11:15

Lewo Allah kou sut Nide limwa nya lene gima bon nikwesti mem ngkiai nya igyai ingon di kwes kin Noni hanyen. Gino Noni joi sut Nide limwa nya hanyen bu ne jo nibreisi bipia gima midem kep nok nimai nya di ikiju hanyen leu imai eisi!

ROMA 2:17

Noro disut bat jen, notou mem jeni nogindini i? Jipai sut jenti bipia jeni ne mben Yahudi ri. Jitti kin Allah nicuk jeti bijinggei-nggwang tut Allah di bindei ba, jinok Nide limwa nya cem.

ROMA 5:1

Nogindini nyeni ingon kwes kin Allah hanyen tug hon ide niba ningon com Noti. Gima bindei ba, igyai ingon di jo nyahan ei Allah Noho bei tug hon ide Tuhan Yesus Kristus.

ROMA 5:10

Gino ei nijam di iba nitok bak Allah lo, Noni bakei nyeti tug hon Nipmot nimaisi lene jo nibreisi bipia nogindini tirigi Allah jem nisut bit nye dini ne Noni teu nye leu sisar biyai niyaijo nijep binye lewo Kristus niyaijo hanyen tu!

ROMA 5:3

Lene gima he bi. Ingon llei bibor drek dip mun di bindei nyeni inghuisi wei lewo ikan tut bipia ninghuisi wei di cut igkep nye dima bindei ba, iba ibou coi mem mun nyeng hagom.

ROMA 8:23

Noro nipai testi he rino lua kwop tut ninghuisi wei bi. Nyeni cem ilua kwop ei ingon mienti. Mbro nok gino igyai Allah Ninnei nok munkwas di Noni njei bak nyeni nimbigom tu lo, igyok ingon mem nituti di Allah mikwek nyenti njem leu api nek nye nok nimunggwom bat nya.

ROMA 9:10

Ba, gima he bi. Ribka srek tut nipmot bat cin di munggwom nggre di yahacem icig gom ngat di Ishak ba, noni ne pung di nyeni intun him ri.

KORINTUS GI NIGOM 10:16

Idut ei gi mokti di biei ngat ningei joti ba, ipai sigyo kep ne igyai munti dima ndo bipia ipriet kin Yesus ninggrom. Igyem roti di iki kukiau lene igyai munti dima ndo bipia inok gom kin Yesus ningut.

KORINTUS GI NICAN 8:19

Gima cem mbusyamei nya icom ighyet tut noni bidimig noni ei leu binhyepo ba no bikum nye kak nimbutti. Lewo jei bi ne nimbut tut munkwas mem nuhui mbum nya ri. Tug hon nisinati dima ne nibinggei sut Tuhan binindo brei bije bipia ninggok biken tiri ningondut yam cem.

GALATIA 4:9

Noro tini bu ne jikan tut Allah lo, gi nijit ne Allah kan tut jeni. Nggon rino jingkwei hanyen kep ninnei nya di tungwatu nya ikuk yok bak di isindem bibon inyeng bi pima i? Nggon rino jisindui sut ba, ninnei dima yok yuubon je tereu nok awak nya hanyen bu i?

GALATIA 5:22

Noro tungwatu nya di ibit leu Allah Ninnei nibie tut yokti lene ingat ningat di kei di ntun yoni him tug hon gi yoni ingon ngakei yam cem ingon llei bibor cem ingon jo nyahan cem ingon nddong cem ingon nggriu sut yam cem ingon singat tut yam cem ingon gom cem,

FILIPI 3:1

Disut bat jen, dipas kep ningwigsi nok gini. Ma jingon llei sut jide ninok gom kin Tuhanti. Gino nipas kepti dini kibin kep nipas kepti di dipas kep nipou su ne buhun mem da bi. Lewo nipas kepti dini minyohou je leu binhyepo jisrawir bi.

FILIPI 3:3

Lewo nyeni icoi ei midut sunat di nijitti tu noro yoni ne bi. Lewo ikuk nye bak Allah tug hon Allah Ninnei di mpu nyeni ba, ingon llei sut ide ninok gom kin Kristus Yesusti ba, iba ingon com nibon midut ningkek dip nya bi.

FILIPI 4:4

Handei kon ba, jingon llei bibor bikwop mmun-njap drek dip jide ninok gom kin Tuhanti. Ditigtai je mbigom kin bu “Ma jingon llei bibor!”

KOLOSE 2:6

Jiya um Yesus Kristus bijita Noni nok Tuhan ei jingonti tu. Gima rino ma jiyai munti nya ntun jide ninok gom kin Noniti him.

PETRUS GI NIGOM 1:8

Mbro nok gino jingat Noni bou jiyai him kwei bipek ammani kep bigyo lo, jingon ngakei Noni. Mbro nok gino jingat Noni bou jiyai him mem nijam dini bi lo, jingon jo kep Noni. Gima rino jingon llei lewo jingon nggei-hi-nngei bibor ba, bit bon jipai sut ei juhui him bi.

SAMUEL GI NIGOM 2:1

Lene Hana ngat nadi bipai, “Allah bindei ba, dingon llei bibor. Nide niyai munti nya bindei ba, dingon nggei-hi-nggei. Diba dingon di nggan-triot pa ndip ditde siceu nya lewo tuhan mpu da nijit tu.