ROMA 5:1 - ALLAH NIHYET MEM TUNGWATU NYA

¹ Nogindini nyeni ingon kwes kin Allah hanyen tug hon ide niba ningon com Noti. Gima bindei ba, igyai ingon di jo nyahan ei Allah Noho bei tug hon ide Tuhan Yesus Kristus.

ROMA 5:1 ပူးပေါင်းရင်းမြစ်များ

AYUB 21:21

Tirigi ide njap ngwig ei dihyeisi dini ne ingon hukti tut ide ig bei nsi nya ide nibong kei nigwam keisi e?

MAZMUR 122:6

Jingat nadi tindei nibong kei nigwam keisi mem minu ndig Yerusalem bijipai “Dijoi sut gima yo di ingon ngakei minu ndig Yerusalem ibong kei igwam kei ba,

YESAYA 27:5

Noro gino Ditde limwa nya ide siceu nya inggok tut gima igwam coi Da lene suar ibakei Dati ser. Igbit ri! Suar ibakei Dati.”

YESAYA 32:17

Tungwatu nya igyai munti di igbit hagom mibindei ba, yahagom ingon kwes kin yam ba, ibong kei igwam kei.

YESAYA 54:13

Ade limwa nya yahagom minok munggwom di icoi pikor leu api dingginau yok. Yoni minyeng tut mun di bindei ba, ibong kei igwam kei.

YESAYA 55:12

Mijiyai nillei tirigi jehei leu minu Babel. Ngkiai nya miba ingon di kwes kin je behei sut je. Mbigdip nya kin nungug tou nya migyai nillei ba, biei susti nya ittem inda.

HABAKUK 2:4

Ma apas kep ‘Yo di imbuk bibor mingwes ngun bi noro yo di ingon sren nya migyai niyaijo drek dip ide ningon gom tut Allahti.’ ”

ZAKHARIA 6:13

Noni rimiwin Ditde Ig ba, tug ndei ninyeng di jei di noyam kin nibou ndig ba, ninyeng mitak kep nide limwa nya. Imam gom miya kui noni ba, yahacem miba ningon kei sut yamti kin ningon kwes kin yamti bigyai midyai.’

LUKAS 19:38

Iba ighyet nindig bipai “Allah e, anjei mun di kei bak Nibou Ndig di kwei ndam nye tug hon Tuhan ninyeng! Timiei gwamti nya ibong kei igwam kei o! Ma tungwatu nya inggei sut Allah ei gwamti o!”

LUKAS 19:42

bipai “Ndina! Gi kei rino njap di ammani jingon hukti tut mun di biyai jingon di kwes kin Allah! Noro nogindini mun dima jo nding leu jiyai him!

LUKAS 2:14

“Ma inggei sut Allah di Ninyeng Jei ei gwamti o! Ma yo di Tuhan joi sut yok nya ibong kei igwam kei ei dihyeisi dini o!”

YOHANES 14:27

Diyai ningon di jo nyahan bije. Ningon di jo nyahan dima ne Ditde rin ba, dikwas ndrim hi tut je. Ningon di jo nyahan di diyai bije noyam kin ningon di jo nyahan di tungwatu dihyeisi dini igyai bije bi. Ma jingon bos-bos nyen ba, jingon digit cem au.

YOHANES 16:33

Ditri tut dihyet bije leu binhyepo jingon jo nyahan tug hon jinok gom kin Da. Tungwatu dihyeisi dini igyai ninghuisi wei bije. Noro ma jibrim jingkek! Lewo dihwen bitimek nisindemti nya ei dihyeisi dini tu!”

YOHANES 20:31

Noro hi pas kep mindur dini yok hagom leu binhyepo jingon jo kep bipia Yesus ne Nibou Ndig di teu tungwatu nya biyai niyaijo nijep biyok cem Allah Nipmot cem ri. Tug hon nisinati dima jiyai niyaijo nijep tug hon jide niba ningon com Noti.

YOHANES 5:24

Dipai nijit bije bipia no di miap dihyet bibit leu api ba ningon com No di cuk Da kwei yai niyaijo nijep di jo kikau ei ningonti tu. No dima mitug ndei hukum bi noro hei leu nimai bicoi ei niyaijo nijepti bu.

KISAH 10:36

Disut bat jen, jikan tut nihyet di Allah sok bak mben Israel. Nihyet Di Kei dima bie ndam ingon di kwes kin Noni tug hon Yesus Kristus di nok Tuhan mem tungwatu yahagom.

ROMA 1:17

Lewo Nihyet Di Kei mbot kep tut nisinati tut Allah niyai tungwatu nya ingon kwes kin Noniti. Nisinati dima tug hon ide niba ningon com Noniti ei nimbie him kikau ug bipek ningwigsi kep. Bit leu nok Allah Nihyet pai “Tungwa tou rino yai ningon kwes kin Allah tug hon niba ningon com Noniti miyai niyaijo nijep!”

ROMA 1:7

Gima rino dipas kep srat dini mem je. Nnaba Icig Allah kin Tuhan Yesus Kristus isingat tut je ba, igyai jingon jo nyahan.

ROMA 10:10

Lewo iba ingon com Allah leu api Noni joi sut nye biyai ingon kwes kin Noni hanyen. Ba, isimbot dat gima ei yuhui him apino Noni teu nye leu sisar biyai niyaijo nijep binye.

ROMA 10:15

Notou hi tri tut nihyet gino Allah cuk noni bi i? Lewo Allah Nihyet pai “Yo di ikwei sut Nihyet Di Kei leu Allah inghapti biyai tungwatu nya ingon kei bibor!”

ROMA 14:17

Lewo Allah ninyeng tak kepti ket ei njita di igyem kin ndia ngei di idut bi. Noro coi ei nibit Allah ningon kanti kin ningon jo nyahanti kin ningon llei biborti ba, mun dini yok hagom ntun Allah Ninnei him.

ROMA 15:13

Allah bindei ba, igyok ingon mem Noni. Handei kon ba, Noni yai jingon llei bibor kin jingon jo nyahan cem tug hon jide niba ningon com Noti leu binhyepo jiyok jingon mem Noni bibor bikum eisi bu tug hon nisindemti di kwei leu Allah Ninnei.

ROMA 15:33

Handei kon ba, Allah di bindei ba, tungwatu nya ibong kei igwam kei ningat rin bit jahagom. Igbit ri.

ROMA 3:22

Allah bindei tungwatu nya ingon kwes kin Noni drek dip ide niba ningon com Yesus Kristusti. Allah yai nok gima mem yo di ingon jo kep Kristus yahagom lewo mben Yahudi kin ngkiai nya ter leu yam bi.

ROMA 3:30

Lewo Allah ne Allah gom ngat. Noni bon nituti mem mben Yahudi igyai ingon kwes kin Noni hanyen drek dip ide niba ningon com Noti. Ba, Noni bon nituti mem ngkiai nya cem ingon kwes kin Noni hanyen drek dip ide niba ningon com Noti.

ROMA 4:5

Noro ma nyeni iba ingon srip huk bipia no di ba ningon com Allah noro ba ningon com niyai munti nya bi. Allah kwop kep no dima niba ningon comti lene ba ningon di ngun biluei ningon di mui hanyen. Tug hon nisinati dima ne Allah biyai no dima ningon kwes kin Noni hanyen.

ROMA 5:11

Lene gima he bi lewo ingon llei sut Allah nisingat tut nyeti di tug hon ide Tuhan Yesus Kristus lewo Noni bindei ba, Allah jem nisut bit nye.

ROMA 5:18

Gima rino nipigau hanjopti gom ngat pima bindei ba, tungwatu nya yahagom itug ndei hukum noro No di bit leu Allah ningon kanti pima kwek yahagom leu ide nitunggweisi nya biyai niyaijo nijep biyok.

ROMA 6:23

Lewo sisar birop jimuhup nimai eisi hanyen bije. Noro Allah yai niyaijo nijep di jo kikau bit ide Tuhan Yesus Kristus binye mikuisi.

ROMA 9:30

Nirop ninda ndigsi pai mindei binye i? Ngkiai nya inggok puig mem gima igyai ingon di kwes kin Allah hanyen bi. Noro Allah yai ingon di kwes kin Noni hanyen tug hon ide niba ningon com Noti.

GALATIA 2:16

ikan tut bipia tungwatu nya igyai ingon di kwes kin Allah tug hon gi ibit Puig Yahudi niggai serti bi noro tug hon ide niba ningon com Kristusti he. Gima rino nyeni cem ingon jo kep Yesus Kristus leu binhyepo ibiyai ingon di kwes kin Allah tug hon ide niba ningon com Noniti lene tug hon nibit Puig Yahudi niggai serti nya bi. Lewo bit bon hi yai ningon kwes kin Allah tug hon gi bit Puig Yahudi niggai serti kan bi.

GALATIA 3:25

Tini bu ne tto bou dem tu ba, bon nituti mem tungwatu nya iba ingon com Yesus. Gima rino Puig Yahudi niggai serti ttei nibou di kos tut mem nye bu bi.

GALATIA 5:22

Noro tungwatu nya di ibit leu Allah Ninnei nibie tut yokti lene ingat ningat di kei di ntun yoni him tug hon gi yoni ingon ngakei yam cem ingon llei bibor cem ingon jo nyahan cem ingon nddong cem ingon nggriu sut yam cem ingon singat tut yam cem ingon gom cem,

EFESUS 2:7

Allah yai mun dini leu binhyepo hon kep ammani kui kikau ug bipek nijam di nidipti bu lene Noni ndo tut ningon ngakei nyeti di mindur bibor ba, tungwatu nya ingat bou igyai him. Ba, Noni ndo ningon ngakei nyeti dima tug hon Nide nisingat tut nyeti drek dip Kristus Yesus di ya hacan mem nye.

FILIPI 3:9

bidinok gom kin Noni. Dinggok tut ningon kwes kin Allahti tug hon gi dibindei mbut Puig Yahudi niggai serti nya bu bi. Nogindini dingon kwes kin Allah hanyen tug hon ditde niba ningon com Kristusti. Lewo Allah yai ningon di kwes kin Noni hanyen bak tungwatu nya tug hon ide niba ningon com Yesus Kristus Nongkom he.

KOLOSE 1:20

Allah kos tut bipia Noni ba Nipmot bibakei nipai testi nya hagom bitut mun di jo ei dihyeisi dini kin mun di jo ei mpia-bbed him cem kin Noni hanyen. Noni bakei mun dima yok hagomti tug hon Nipmot nimai ei biei salibti.

KOLOSE 3:15

Ma ningon di jo nyahanti di ntun Kristus him bie tut jide nikos tutti nya. Lewo Allah mbus je ba, jibicim tindei yam nok ningut gom leu binhyepo ningon di jo nyahanti di ntun Kristus him dima yai jingonti bidut nihim. Lene ma jipai sigyo bak Allah.

TESALONIKA GI NIGOM 5:23

Handei kon ba, Allah di bindei ba, ibong kei igwam kei yai jingon kwes-kwau. Handei kon ba, Noni nyohou jenti njem bitut jinnei kin jingon kin jingut leu binhyepo mun di kinei hi rap je bi ei mpe dino ide Tuhan Yesus Kristus kwei hanyen.

TESALONIKA GI NICAN 3:16

Handei kon ba, Tuhan Nonti di nok nibousi mem ide ningon di jo nyahanti yai jingon jo nyahan bitut mun nyeng hagom bikwop njap-njap. Handei kon ba, Tuhan ningat rin bit jahagom.

IBRANI 13:20

Allah ne nibousi mem ningon jo nyahanti rin ba, Noni win Yesus hanyen leu nimai eisi bikon Noni nok Gembala Di Kei Bibor mem Nide domba nya tug hon ninggrom di tak buk kep Nide nipreu eisi habiei ei nimbie him bijo kikau buug hon nohonti bi.