ROMA 4:9 - ALLAH NIHYET MEM TUNGWATU NYA

⁹ Yo di Daud pai sut bipia ingon nggei-hi-nggei pima ne yo di igyai midut sunat he rin e? E bi! Yo di igyai midut sunat bi nya cem ingon nggei-hi-nggei. Dindat kep nipou su bipia Allah joi sut Abraham di pwoi Allah ningon lewo ba ningon com Allah.

ROMA 4:9 ပူးပေါင်းရင်းမြစ်များ

NITRITI 15:6

Lene Abram ba ningon com tuhan. Gima rino tuhan joi sut noni nok no di pwoi tuhan ningona.

YESAYA 49:6

Noni pai bida, “Ditde awak e, midindo midyai nindig bibor bu bina leu binhyepo akinyon eisi. Abindei ba, yo di intun Yakub him nindigsi nya mingkwei hanyen ndam Dani ba, apui ahyet tut keret Israel nya ide ninyeng jeisi he bi. Noro midibindei ba, ade nipigati piga digai ngkiai nya leu binhyepo yahagom igyai gi teu leu sisar kin niyaijo nijep.”

LUKAS 2:32

Noni ne ninjeng di piga digai puig mem ngkiai nya di itti kin Nani ba, ninjeng di bindei di tungwatu nya yahagom ikon Ade limwa mben Israel inyeng ri.”

ROMA 4:10

Apig rino mun dini yok pek kep mem Abraham i? Nipou tirigi noni yai midut sunat bigyo e? He niabiati noni yai midut sunat tu e? Mun dini yok pek kep mem noni nipou su.

ROMA 4:3

Lewo Allah Nihyet pai “Abraham ba ningon com Allah. Gima rino Allah joi sut noni nok no di pwoi Allah ningona.”

GALATIA 3:14

Kristus niyai munti dima bindei ba, mun di kei di Allah preu ei mem Abraham kwei pek kep mem ngkiai nya cem. Tug hon nisinati dima lene nye di iba ingon com Allah igyai Ninnei di Noni preu ei mem nye.

EFESUS 3:8

Allah de limwa nindigsi nya yahagom inyeng jei dor njiriek da lewo dibon dinyeng bi. Mbro nok gima lo, Allah ba ningon com da tut midyai di bon ninyeng. Midyai dima ne midyai nitri tut Nihyet Di Kei tut mun di bitut Kristus di bon nibok di bit bon ug hon nohonti kan bi bak ngkiai nya.

KOLOSE 3:11

Gi ntun mun dima him ne tungwatu nya ter leu yam bu bi ri. Mben Yahudi kin ngkiai nya titer leu yam bu bi. Yo di icoi bit midut sunat kin yo di icoi bit midut sunat bi kin ngkiai nya kin yo di isingat bi nya kin awak nya kin yo di igyati kwes cem yahagom titer leu yam bu bi. Kristus Nongkom bon ninyeng dor njiriek mun nyeng hagom ba, Noni nok gom kin nyeni yahagom!