ROMA 4:5 - ALLAH NIHYET MEM TUNGWATU NYA

⁵ Noro ma nyeni iba ingon srip huk bipia no di ba ningon com Allah noro ba ningon com niyai munti nya bi. Allah kwop kep no dima niba ningon comti lene ba ningon di ngun biluei ningon di mui hanyen. Tug hon nisinati dima ne Allah biyai no dima ningon kwes kin Noni hanyen.

ROMA 4:5 ပူးပေါင်းရင်းမြစ်များ

HABAKUK 2:4

Ma apas kep ‘Yo di imbuk bibor mingwes ngun bi noro yo di ingon sren nya migyai niyaijo drek dip ide ningon gom tut Allahti.’ ”

MARKUS 9:23

Yesus buhup “Nggon rino ahig Da ‘Gino asindem mem gima ampu nye’ i? Lewo bon no di ba ningon com Da yai mun di hagom kan.”

YOHANES 5:24

Dipai nijit bije bipia no di miap dihyet bibit leu api ba ningon com No di cuk Da kwei yai niyaijo nijep di jo kikau ei ningonti tu. No dima mitug ndei hukum bi noro hei leu nimai bicoi ei niyaijo nijepti bu.

YOHANES 6:29

Yesus buhup “Allah ningon kanti mem je rinok gini. Ma jiba jingon com No di Noni cuk kwei su.”

ROMA 10:3

Yoni ikan tut nisinati dino Allah bindei ba, tungwatu nya igyai ningon kwes kin Noni hanyenti bi. Noro ipi bitin puig hi ter bit leu yonti ingon kanti. Ikuk yok bak Allah de nisinati di bindei ba, igyai ningon kwes kin Noni hanyenti bi.

ROMA 3:22

Allah bindei tungwatu nya ingon kwes kin Noni drek dip ide niba ningon com Yesus Kristusti. Allah yai nok gima mem yo di ingon jo kep Kristus yahagom lewo mben Yahudi kin ngkiai nya ter leu yam bi.

ROMA 4:24

noro mem nyeni cem. Lewo Allah joi sut nye di ipwoi Allah ningon lewo iba ingon com No di kon ide Tuhan Yesus hanyen leu nimai eisi tu.

ROMA 4:3

Lewo Allah Nihyet pai “Abraham ba ningon com Allah. Gima rino Allah joi sut noni nok no di pwoi Allah ningona.”

ROMA 4:6

Bit leu nok Daud nihyet tirigi noni tri tut no di yai ningon nggei-hi-nggei drek dip Allah di biyai no dima ningon kwes kin Noni noro drek dip nide niba ningon com niyai munti nyati bi. Daud pai sut no dima,

FILIPI 3:9

bidinok gom kin Noni. Dinggok tut ningon kwes kin Allahti tug hon gi dibindei mbut Puig Yahudi niggai serti nya bu bi. Nogindini dingon kwes kin Allah hanyen tug hon ditde niba ningon com Kristusti. Lewo Allah yai ningon di kwes kin Noni hanyen bak tungwatu nya tug hon ide niba ningon com Yesus Kristus Nongkom he.

YOSUA 24:2

Lene noni pai biyok “tuhan di nok mben Israel ide Allah sok nihyet ei da dip bak jeni bipai bije ‘Habiei ei nimbie him lene jide pung nya ibong kei igwam kei ei itimieisi di jo ei Minyei Efrat nite dima ug ba, ikuk yok bak ide kwar nya ei sirima. Terah di jide pung yai nipmot bat cin di inyeng Abraham kin Nahor.