ROMA 4:3 - ALLAH NIHYET MEM TUNGWATU NYA

³ Lewo Allah Nihyet pai “Abraham ba ningon com Allah. Gima rino Allah joi sut noni nok no di pwoi Allah ningona.”

ROMA 4:3 ပူးပေါင်းရင်းမြစ်များ

NITRITI 15:6

Lene Abram ba ningon com tuhan. Gima rino tuhan joi sut noni nok no di pwoi tuhan ningona.

MAZMUR 106:31

Ingat Pinehas nibon munti dima nok nibon munti di kei mem nonti ba, tungwatu nya migyok ngon kep kikau buug hon nohonti bi sren.

YESAYA 8:20

Noro ma jibuhup biyok, “Ma jimiap kep tuhan nipingok jeti! Yo di ipai mun tunggwei sut nipingok jeti dima ibon ide mun di igyok ingon mem hi bi.”

MATIUS 20:9

Lene yo di ikinyon ei midyaiti mem mmunti itug ndei imuhup mitiei nitig di buhun gom bibikwop yahagom.

MARKUS 12:10

Jikwop Allah Nihyet di pas kep nok gini e? ‘Tig mma di tukan nya ikou sut bon ninyeng jei dor njiriek tig nindigsi nya.

ROMA 10:11

Allah Nihyet pai “Tungwa tou rino ba ningon com Noni ne ningon ngkwei leu bi sren.”

ROMA 11:2

Noni com Nide limwa nya di Noni dimig yok habiei kwei su hak bi. Jikan tut Allah Nihyet di pai sut Nabi Elia tirigi noni lua sok bak Allah tut mben Israel bipai,

ROMA 4:11

Leu api noni yai midut sunat ei niabiati bu. Midut sunat ne mun di bindo bipia Allah joi sut Abraham nok no di pwoi Allah ningon drek dip niba ningon com Allahti nipou bibie tirigi noni yai midut sunat bigyo ri. Gima rino Abraham ne ide pung di bitut innei mem yo di iba ingon com Allah yahagom intun him ri. Mbro nok gino igyai midut sunat bi lo, iba ingon com Allah lene Noni joi sut yok nok yo di ipwoi ningona.

ROMA 4:5

Noro ma nyeni iba ingon srip huk bipia no di ba ningon com Allah noro ba ningon com niyai munti nya bi. Allah kwop kep no dima niba ningon comti lene ba ningon di ngun biluei ningon di mui hanyen. Tug hon nisinati dima ne Allah biyai no dima ningon kwes kin Noni hanyen.

ROMA 4:9

Yo di Daud pai sut bipia ingon nggei-hi-nggei pima ne yo di igyai midut sunat he rin e? E bi! Yo di igyai midut sunat bi nya cem ingon nggei-hi-nggei. Dindat kep nipou su bipia Allah joi sut Abraham di pwoi Allah ningon lewo ba ningon com Allah.

ROMA 9:17

Lewo Allah Nihyet pai sut Allah di pai bak nibou ndig minu Mesir “Dita nani nok nibou ndig bit leu dingon kanti gom ngat he. Dindo Ditde nisindemti bina leu binhyepo tungwatu nya mitri tut dinyeng jeisi kikau ug bipek minu nohon keti.”

YAKOBUS 2:23

Gima dem igbit Allah nihyet di ipas ei su “Allah pai sut Abraham bipia ningon kwes kin noni lewo ba ningon com Allah.” Gima rino Allah pai bak Abraham “Nani ne disut di dingon kieti ri.”

YAKOBUS 4:5

Jikan tut bipia Allah nihyet di nijit pai “Allah Ninnei di Noni hi bikes ei nyeni ingonti ne joi sut biboudut tut.”