ROMA 4:18 - ALLAH NIHYET MEM TUNGWATU NYA

¹⁸ Mbro nok gino bit bon Allah nipreu ei mem Abrahamti pek kep mem noni kan bi lo, noni ba ningon com Allah. Gima rino Allah bindei ba, noni nok pung di mben mang bibor intun him. Lewo Allah Nihyet pai “Yo di imang bibor mintun nani him.”

ROMA 4:18 ပူးပေါင်းရင်းမြစ်များ

NIPINGOK NINGONTI 13:12

Gino mun di ayok angon mem pek kep bi ne angon kiek tut. Gino mun dima pek kep tu ne angon nggei-hi-nggei.

YEHEZKIEL 37:11

Allah pai bida “Na di tungwatu di ayaijo kikau bi e, mben Israel noyam kin nimai njum dini. Yoni ilua sok tut yonti bipai bipia inok nimai ngak-cai cem ingon cut leu su cem njap nituti hi mem yok bu bi cem.

LUKAS 1:18

Zakharia hig ser malaikati dima “Notou midikan tut mun di mipek kep mem da dini i? Lewo dinok andig-ndau su ba, ditnem cem nok sindig-ndau leu su.”

KISAH 27:25

Gima rino Andigpoi jen, nna ba jibiwin kep yam ngonti lewo diba dingon com Allah nipai bidati hagom ba, mipek kep mem nye bit leu nok nipreu ei mem dati.

ROMA 4:17

Lewo Allah pai bak Abraham “Dibindei ba, anok pung di mben mang bibor intun him.” Gima ne Allah nipreu ei mem noti. Apino Abraham ba ningon com Noni. Noni ne Allah di kon tungwatu hanyen leu imai eisi rin lene ba nihyet bipai tes mun di jo bi sren bibindei ba, jo nijoti.

ROMA 4:19

Mbro nok gino Abraham kan tut bipia niyati nddong ba, nide njap ug ei dideu ari bingwam sratus gom tu ba, bit bon nitnem Sara srek tut nimunggwom hi bu kan bi lo, noni ba ningon gom bicom Allah.

ROMA 5:5

ide niyok ningon mem dima biyai ingon pus tut mun nyeng hi bi lewo Allah pwoi Nide ningon ngakei nyeti ei ingonti tug hon Nide Ninnei di yai binye tu.

ROMA 8:24

Noni ba ide niyok ningon mem biteu nye leu sisar biyai niyaijo nijep binye. Gino ingat mun di igyok ingon mem bou igyai him ne jo nibreisi bipia gima ne niyok ningon memti di nijit rin bi. Tou riyok ningon mem mun di ngat ningat bou niyai him i?

IBRANI 6:19

Mun di igyok ingon mem dima tereu nok kimuntu di tot minyei jou bingkiem bibor di bisindem tut nye ba, ingon nddong kei. Mun di igyok ingon mem tibim ban mbrawinti buug jo ei Ninsi Di Kwes-Kwau ei Tuhan De Ig di jo ei gwamti.