ROMA 4:14 - ALLAH NIHYET MEM TUNGWATU NYA

¹⁴ Leu gino tungwatu nya itug ndei mun di Allah preu ei mem yok tug hon nibit Puig Yahudi niggai serti ne ide niba ningon com Allahti kin nipreu ei mem yokti nya hacem bon ninyeng bi.

ROMA 4:14 ပူးပေါင်းရင်းမြစ်များ

MAZMUR 119:126

tuhan e, nituti dem mem gima ayai abou tut tungwatu nya tu lewo ibit Ade nikos tutti nya bi.

YESAYA 55:11

Nok gima cem tut Dihyet di disimbot dat nya mingkwei hanyen ndam Da mikui-kausi kan bi noro mingat ningat bit leu dingon kanti biyai midyai hagom bit leu nok dicukti.

YEREMIA 19:7

Miditte tut timiei Yehuda kin timiei minu ndig Yerusalem nya yahagom ingon kanti ei mpia dini. Midisindui sut ba, ide siceu nya mikon pran bit yok leu api ibindei timek yok bingwig. Midisindui sut ba, ha nya mipuk ide nimbiam leu api mindhe di niten-pos nya mibriu yok nok ide mun di igyem.

MBEN ISRAEL IMBUT-MBUT NYEN 30:12

Noro gino nijjep ggai ser noni tut lene sop dima nipreu eisi nya ngot noni bi. tuhan mikos ser nitunggweisi dima lewo nijjep ggai ser noni tut.

MBEN ISRAEL IMBUT-MBUT NYEN 30:15

Ne gino nijjep nggek tut nitnem nipreu eisi nya dima ei nidipti bu lene suar nijjep biang nibuhunti tut ninggek tutti dima.

ROMA 3:31

Gini ndo bipia ide niba ningon com Kristusti com Puig Yahudi nicukti nya bihigom e? Nok bi! Noro iba ide niba ningon com Kristusti bahati tut nicukti dima.

ROMA 4:16

Gima rino Allah nipreusi dima tug hon ide niba ningon com Noniti. Allah ba ningon di singat tut yok bibindei nipreu ei mem yo di intun Abraham himti dima ngkiem-kiau mem ngkiai nya he bi noro mem yo di iba ingon com Allah bit leu nok Abraham ba ningon com Noniti. Lewo Abraham nok ide pung di bitut innei mem yo di iba ingon com Allah intun him yahagom.

KORINTUS GI NIGOM 1:13

Mbenjen! Ma jikwas Kristus tut yam e! Apo Paulus mai luei je ei biei salibti e? Apo itur je ei minyeiti leu binhyepo jiya kui da di Paulus e? Ei bi!

GALATIA 2:21

Dingwes om kep Allah nisingat tut tungwatuti bi. Noro gino tungwatu nya igyai ingon di kwes kin Allah hanyen tug hon gi ibit Puig Yahudi niggai serti ne gima bindo bipia Kristus mai mikuisi!

GALATIA 5:4

Gino jita jibou ei gima jiyai ningon di kwes kin Allah tug hon Puig Yahudi niggai serti ne jibisriot jenti leu Kristus bijimbres jenti leu Allah nisingat tut jeti.

FILIPI 3:9

bidinok gom kin Noni. Dinggok tut ningon kwes kin Allahti tug hon gi dibindei mbut Puig Yahudi niggai serti nya bu bi. Nogindini dingon kwes kin Allah hanyen tug hon ditde niba ningon com Kristusti. Lewo Allah yai ningon di kwes kin Noni hanyen bak tungwatu nya tug hon ide niba ningon com Yesus Kristus Nongkom he.

IBRANI 7:19

Lewo Puig Yahudi niggai serti sindem mem gima bindei mun nyeng hi bikei-kau-kei bi. Noro tini bu ne Allah bindei ba, igyok ingon mem puig di kei bibor di bon nikwesti mem gima ikuk nye ei Noho bei.

IBRANI 7:28

Puig Yahudi niggai serti kon tungwatu nya ba, inok imam nibou ndig. Noro niabiati Allah yai niggai serti bak Musa lene Noni ba neheng bipreu ei lene nipreu eisi dima kon Nipmot nok Imam Nibou Ndig di kei-kau-kei kikau buug hon nohonti bi.