ROMA 4:1 - ALLAH NIHYET MEM TUNGWATU NYA

¹ Gi nok lene dipai notou sut ide pung Abraham di mben Yahudi intun him pima i? Mindei rino pek kep mem noni i?

ROMA 4:1 ပူးပေါင်းရင်းမြစ်များ

YESAYA 51:2

Ma jiyok ngon kep jidigup bat-jidigai bat di Abraham kin Sara di isrek tut je. Mpe di po didimig Abraham lene noni bon nimunggwom hi bi. Noro dinjei mun di kei bak noni tug hon nide nintun him yamti di bram yam nya di diyai binoni.

MATIUS 3:9

Ma jikan bipia mijingwes ngun drek dip gi jintun Abraham him au. Dipai bije bipia Allah sindem mem gima bindei tig dini yok binok yo di intun Abraham him.

LUKAS 3:8

Ma jindo bindo tug hon jiyai munti bipia jittin ser jide sisar bijikiek ndam Allah tu! Ma jikan bipia jingwes ngun drek dip gi jintun Abraham him au. Ma jiyok ngon kep bipia Allah sindem mem gima bindei ba, tig di jo sinsiou dini yok hagom nok yo di intun Abraham him.

YOHANES 8:33

Yo dima ibuhup “Nintun Abraham him bininok awak mem tungwatu nya hi bi sren. Gima rino ma ambot kep tut angon kanti dino apai bipia ‘nyeni miniyai gi kwek leu awak biniyati kwes dima ug e’.”

YOHANES 8:53

Akan bipia anyeng jei dor njiriek icig Abraham e? Noni mai leu su ba, nabi nya cem imai leu su. Nani ne tou i? Bit bon anyeng jei dor njiriek icig Abraham kan bi!”

YOHANES 8:56

Jicig Abraham yai nillei lewo noni kan tut bipia noni mingat Dani bou niyai him. Tirigi noni ngat Da tu lene ningon llei bibor!”

KISAH 13:26

Disut bat je di jintun Abraham him kin je di nindigsi di jikuk je bak Allah e, Allah sok nihyet tut niteu leu sisarti kin niyaijo nijep kwei bak nyeni yahagom.

ROMA 1:3

Nihyet Di Kei dima pui sut Allah Nipmot bipia Noni ne ide Tuhan Yesus Kristus ri. Tut Yesus ningut ne Nide pung kim Daud,

ROMA 3:5

Noro gino ide niyai mun tunggweisi bindei ba, Allah niyai munti di sren-srau nya jo nibreisi lene ipai mindei i? Notou nyeni ibuhup yo dima ighyet i? Allah yai mun tunggwei tirigi kes hukum ei nyeni dip e? (Dibuhup tereu nok tungwatu dihyeisi dini igyai kepti.)

ROMA 4:16

Gima rino Allah nipreusi dima tug hon ide niba ningon com Noniti. Allah ba ningon di singat tut yok bibindei nipreu ei mem yo di intun Abraham himti dima ngkiem-kiau mem ngkiai nya he bi noro mem yo di iba ingon com Allah bit leu nok Abraham ba ningon com Noniti. Lewo Abraham nok ide pung di bitut innei mem yo di iba ingon com Allah intun him yahagom.

ROMA 6:1

Gi nok lene mipai mindei i? He ma ibon sisar kikau leu binhyepo ibindei Allah nisingat tut nyeti mikum eisi bu e?

ROMA 7:7

Gi nok ne ipai mindei i? Ipai Puig Yahudi niggai serti kinei e? E bi! Noro Puig Yahudi niggai serti dima ribindei dino dikan tut sisar. Gino Puig Yahudi niggai serti dima cuon ser sisar ningon pri kep mun di hiter mbunti bi ne dingon hukti tut sisar dima bi.

ROMA 8:31

Gima hagom nok lene notou ibuhup hanyen bu i? Gino Allah tti kin nye ne tou ribindei cut nye i?

KORINTUS GI NICAN 11:22

Apo yoni ne timiei Ibrani rin e? Dani cem timiei Ibrani. Apo yoni ne timiei mben Israel rin e? Dani cem timiei mben Israel. Apo yoni intun Abraham him e? Dani cem dintun Abraham him.

IBRANI 12:9

Ibon icig bat nya di ittem nye leu api ikuk nye bak yoni drek dip. Suar ikuk nye bak Icig ei gwamti nindig bibor dor njiriek bu leu binhyepo igyai niyaijo nijep di jo kikau.