ROMA 3:9 - ALLAH NIHYET MEM TUNGWATU NYA

⁹ Gi nok lene nye di mben Yahudi igyaijoti kei dor njiriek ngkiai nya igyaijoti e? E bi! Dipai brei bije tu bipia sisar om kep mben Yahudi kin ngkiai nya yahagom ingonti noyam.

ROMA 3:9 ပူးပေါင်းရင်းမြစ်များ

NIPINGOK NINGONTI 20:9

Tou ridem mem gima pai sut nonti “Dingon kwes kei bidimbres danti leu sisar cem tu,” i?

YESAYA 65:5

Imbrua ser tungwatu nya bipai ‘Jiya bileu nye bijingget nye au! Nimbres nye leu je lewo nikwes-kwau!’ Noro diyai ngkek ttin yok bidingon mpo tut yok! Dingon sibui sut yokti dem kep nok hum di sror di imu hanyen kan bi.

LUKAS 7:39

Tirigi Farisi di ngei njita mem Yesus ngat igbit sop dima niyaisi dima lene kan-kan nyen ei ningonti “Gino No dini ne nabi di nijit rin lene Noni kan tut bipia sop di ngget Noni dima ne sop di bon kep sisar ri.”

ROMA 1:18

Allah di ningon mpo tut sisar mbot kep tut notou Noni mikes hukum kwei leu gwamti ei yo di ibon sisar kin mun di mbuk nya yahagom dip lewo ide mun di mbuk nya tte tut tungwatu leu binhyepo ingon dorti tut Allah ningginau tungwatu nyati di nijit-jau dima bi.

ROMA 11:32

Lewo Allah nggam tungwatu yahagom ba, isima noyam drek dip gi ibit nihyet bi. Ninggam yokti dima bon nikwesti mem Noni ngondut yahagom.

ROMA 11:7

Notou mem yo i? Mun di mben Israel inggok ser wer ninno dima ne ingat bi sren. Noro nimpung mien di Noni dimig yok habiei su nya he imbun nisingat tut yokti. Nindigsi nya imiap Allah nihig yokti bi lewo ingon ndok.

ROMA 2:1

Gima rino disut bat jen, jitug ndei jinyeng di bindei di jidem mem gima jiba jihyet biyai yo di hiter dima leu hantou i? Bit bon jipai mun mem jibisu tindei kan bi. Leu gino jiba jihyet biyai yo di hiter noro jiyai bram yo dima igyai kepti nya lene gima nok jibindei cut hukum ei jenti dip.

ROMA 3:1

Gi nok ne nintun mben Yahudi himti dima bindei tungwatu nya itug ndei mun di kei mindei i? Midut sunat dima bindei dino yoni itug ndei mun di mimpu yok e?

ROMA 3:19

Nyeni ikan tut bipia Puig Yahudi nicukti titut yam tak kep yo di icoi bit Nihyet dima ninyeng di tak kep yokti leu binhyepo bit bon hi pai mun bisu tindei kan bi ba, ndo brei bipia Allah gwam nok nikei di mbus tungwatu dihyeisi hagom ingonti.

ROMA 3:5

Noro gino ide niyai mun tunggweisi bindei ba, Allah niyai munti di sren-srau nya jo nibreisi lene ipai mindei i? Notou nyeni ibuhup yo dima ighyet i? Allah yai mun tunggwei tirigi kes hukum ei nyeni dip e? (Dibuhup tereu nok tungwatu dihyeisi dini igyai kepti.)

ROMA 6:15

Nogindini irop ninda ndigsi notou i? Isindui sut nyenti bipai “Nnaba ibon kep sisar lewo Puig Yahudi niggai serti tak kep nye bu bi noro Allah nisingat tut nyeti tak kep nye” e? Nok bi!

ROMA 7:14

Ikan tut bipia Puig Yahudi niggai serti ntun Allah Ninnei him noro dani ne tungwatu dihyeisi dini rin ba, sisar ubon da bidinok awak.

KORINTUS GI NIGOM 10:19

Dibiyai hamem dingon nok mindei i? Kwar kin mun di ibikuk yok bak kwar bon ninyeng bi e?

KORINTUS GI NIGOM 14:15

Gima rino dibon mindei i? Dibon nok gini. Diba dinnei he bingat nadi bi noro diba dibou ngwakti cem bingat nadi. Diba dinnei he bipai doia bi noro diba dibou ngwakti cem bipai doia.

KORINTUS GI NIGOM 4:7

Tou ribindei ba, jinyeng jei dor njiriek leu nindigsi nya i? Mun di jima nya hagom kwei leu Allah! Leu gima ne nggon rino jingon jei sut jenti tereu nok gino jimati nya hagom kwei leu Allah bi i?

GALATIA 3:10

Allah sigion yo di iba ingon com bipia igyai ingon di kwes kin Noni tug hon gino ibit Puig Yahudi niggai serti nya yahagom. Bit leu nok gi ipas ei Allah nihyetti “Tungwa tou rino ba ningon di gom bibit Puig Yahudi niggai serti kikau bi ne Allah sigion no dima.”

GALATIA 3:22

Noro bit leu nok gi ipas ei Allah nihyetti bipia tungwatu dihyeisi dini hagom ide sisar om kep yok. Gima rino yo di ingon jo kep Allah iba yo kep mun di Noni preu ei mem yok tug hon ide niba ningon com Yesus Kristusti.

FILIPI 1:18

Nok ug e! Dingon llei bibor drek dip iba nisinati hagom bitri tut Kristus tug hon ingon kanti di kei kin ingon kanti di kinei cem. Ba, midingon llei bibor kikau.