ROMA 3:4 - ALLAH NIHYET MEM TUNGWATU NYA

⁴ E bi! Mbro nok gino tungwatu yahagom ibicum kikep lo, ma jiyok ngon kep bipia Allah Nihyet tibim tut mun di nijit-jau hak. Lewo Allah Nihyet pai, “Ahyet ndo bindo brei bak tungwatu yahagom bipia angon sren-srau yo. Gino aya ei nikei noho bei ne abindei cut yo di ipai kep Nani yo.”

ROMA 3:4 ပူးပေါင်းရင်းမြစ်များ

AYUB 36:3

Diba ditde nikan tutti di nindig bibor bindo brei bipia No di pai tes da ningon sren-srau.

AYUB 40:8

Abingon mem gima acuon ser Ditde ningon sren-srausi e? Ambrap gau nanti angon di sren lo, anjei mun di kinei kep Dani e?

MAZMUR 100:5

Lewo Allah singat kei ba, Nide ningon ngakeisi ug hon nohonti bi sren. Nide ningon gomti jo ninno bijo kikau.

MAZMUR 116:11

Tirigi dingon tai-tai bou ne dikan “Tungwatu nya yahagom ingon mang. Bit bon siba singon com yok bi sren.”

MAZMUR 119:160

Nihyet Ade nya hagom igbit hak. Ade nikos tutti nya hagom dem kei bijo ninno bijo kikau.

MAZMUR 138:2

Diba dibiau bicom mpia ba, diba dingwak bikik dihyei birok kik Ade Ig Di Kwes-Kwau. Dikon anyeng lewo angon gom ba, angon ngakeisi mbut kikau. Akon Ade nipreu eisi di bon ninyeng bijo nai njiriek tungwatu nya ide nisimbot kep biyam tut Nati.

MAZMUR 51:4

Apiap da leu mun di kinei di rap da lene abindei ba, ditde sisar di noyam kin map cug leu da.

MAZMUR 62:9

Ditde limwa jen e, ma jiba jingon com Allah bikwop mmun-njap hagom. Ma jipai jit mun di jo jingon bei hagom brei biNoni. Lewo Noni ne mpia di igya coi dima ingwes ngun ri.

MIKHA 7:20

Mporo ma ando Ade ningon gomti kin Ade ningon ngakeisi di ug hon nohonti bi bak Ade limwa nya di intun Abraham kin Yakub him bit leu nok apreu ei mem nyeni nidigup bat-nidigai bat nya nipou su.

MATIUS 11:19

Tirigi Munggwom Tungwatu Nipmot tau kwei lene Noni yem njita bidut ba anggur ngei cem noro tungwatu nya isrep bipai bu ‘Jingat i! Ninghop bou ba, dut ba anggur ngei nindig bibor lene hig nisut bit yo di igya tindei belasten bigyem jimuhup kin yo di ibon sisar nindigsi nya isut cem.’ Mbro nok gima lo, Allah ndo bindo tut ningon kiti tug hon Nide midyai.”

LUKAS 20:16

Ningat ne noni mikwei kimukep yo dima yahagom leu api ndo midyai ba anggur nghousi dima bak yo di hiter bu.” Yo di imiap mun di Yesus pai dima ibuhup “Suar noni yai nok gima bi sren!”

YOHANES 3:33

Tungwa tou rino ba ningon com nihyet di pai dima lene mipai ei nibreisi bipia Allah nihyet ne nihyet di nijit-jau ri.

ROMA 11:1

Dihig ser je tut mun nyeng gom kin bu. Allah com Nide limwa nya bihigom tu e? E bi! Dani ne timiei minu Israel gom rin bidintun Abraham him ba, dimbier kim keret Benyamin.

ROMA 11:11

Dihig ser je tut mun nyeng gom kin bu. Tirigi mben Yahudi indrat mpia ne icut bihigom tu e? E bi! Allah bon nituti tug hon mben Yahudi ide nicutti dima mem ngkiai nya igyai niteu leu sisarti kin niyaijo nijep lene mben Yahudi ingon kinei sut yok drek dip.

ROMA 3:31

Gini ndo bipia ide niba ningon com Kristusti com Puig Yahudi nicukti nya bihigom e? Nok bi! Noro iba ide niba ningon com Kristusti bahati tut nicukti dima.

ROMA 6:15

Nogindini irop ninda ndigsi notou i? Isindui sut nyenti bipai “Nnaba ibon kep sisar lewo Puig Yahudi niggai serti tak kep nye bu bi noro Allah nisingat tut nyeti tak kep nye” e? Nok bi!

ROMA 6:2

E bi! Sisar tak kep nye bu bi. Gima rino nggon rino ibon kep sisar kikau bu i?

ROMA 7:13

Gima ndo bipia mun di kei bibor dima bindei ba, dimai e? E bi! Noro sisar bindei ba, dimai tug hon mun di kei bibor dima leu binhyepo piga digai sisar niyai munti nya. Gima rino Allah nicuk nyeti nya ndo bindo bipia sisar ne mun di kinei nindig bibor ri.

ROMA 7:7

Gi nok ne ipai mindei i? Ipai Puig Yahudi niggai serti kinei e? E bi! Noro Puig Yahudi niggai serti dima ribindei dino dikan tut sisar. Gino Puig Yahudi niggai serti dima cuon ser sisar ningon pri kep mun di hiter mbunti bi ne dingon hukti tut sisar dima bi.

ROMA 9:14

Nirop ninda ndigsi pai mindei binye i? Allah ningon srep e? E bi!

KORINTUS GI NIGOM 6:15

Jikan tut bipia jingut dima nggre kin Kristus ninguda. Gima ne bon dikus nimbumbati gom di nggre kin Kristus ningut leu api dibicim tindei sop krar ningut e? Nok gima bi sren!

KORINTUS GI NICAN 1:18

Deheng bitug hon Allah di ningon gom bipia tirigi dipreu mun ei mem je lene diba dipaisi “I” kin dipaisi “Bi” biluei-luei nyen dingonti bi.

GALATIA 2:17

Ibimbeu sut gi igyai ingon di kwes kin Allah tug hon ide ninok gom kin Kristusti. Gino igyai ingon di kwes tu lo, hiter ibibon nye tereu nok yo ibon kep sisar tereu nok ngkiai di ibon kep sisar ne gini bindo bipia Kristus ribindei dino ibon kep sisar e? E bi!

GALATIA 2:21

Dingwes om kep Allah nisingat tut tungwatuti bi. Noro gino tungwatu nya igyai ingon di kwes kin Allah hanyen tug hon gi ibit Puig Yahudi niggai serti ne gima bindo bipia Kristus mai mikuisi!

GALATIA 6:14

Noro tut dani ne dibrim dihyet ei ide Tuhan Yesus Kristus nimai ei biei salibti he. Lewo Yesus nimai ei biei salibti bindei ba, dihyeisi dini bon ninyeng mem da bu bi. Ba, dindo dimai eisi bak mun di ntun dihyeisi dini him.

NINDAT KEP TUHAN NICUKTI NYA 32:4

tuhan rinok No di sindem di ya srak ko hagau je. Noni kei-kau-kei ba, ningon sren-srau cem. No di ninyeng tak kep je ningon gom ba, bit bon Noni ris mun kan bi. Niyai munti nya hagom kei bibor kei lewo ningon mang bi.

TIMOTIUS GI NIGOM 3:16

Bit bon tungwa hi tte tut ide niba ningon com Kristusti di nok mimun di mindur kan bi. Kristus luei nitta bindo Nonti nok tungwatu leu api Allah Ninnei ndo brei bipia Allah joi sut Kristus niyai munti nya leu api malaikati nya ingat Noni bou igyai him. Nide limwa nya itri tut Noni bak mben dihyeisi dini hagom leu api tungwatu nya bidem dihyei nisurti-nipekti hagom iba ingon com Noni leu api Allah kon Noni hanyen ug ei gwamti.

TITUS 1:2

Ide niba ningon com Kristusti kin ide ningon dorti tut nihyetti ntun gi igyok ingon mem niyaijo nijep di jo kikausi di Allah preu ei mem nye habiei ei nimbie him. Ba, bit bon Noni ris binye kan bi.

IBRANI 6:18

Bit bon mun nyeng can pima nggek ba, Allah ris mun tut gima kan bi. Gima rino ingwes ngun ug ei Nonti nindati. Mun dini yok biwin kep ingonti leu binhyepo ikrau kep mun di igyok ingon mem di jo bei nyeni yoho bei.

YOHANES GI NIGOM 5:10

Gima rino no di ningon jo kep Allah Nipmot pwoi mun di Allah ngat bou niyai him bitri tut dima ei ningonti. Noro no di ningon jo kep Allah bi pai kep Noni bipia Noni ris. Noni pai nok lewo ningon jo kep mun di Allah ngat bou niyai him bitri tut Nipmot bi.

YOHANES GI NIGOM 5:20

Ba, ingon dorti tut bipia Allah Nipmot kwei bibindei ingon ki leu binhyepo ikan tut Allah di nijit. Igyaijo nok gom kin Allah di nijit ba, igyaijo nok gom kin Nipmot Yesus Kristus cem. Noni ne Allah di nijit di bindei ba, igyai niyaijo nijep di jo kikau ri.

NINGAT-HI-NGAT NYA 3:7

“Apas srat dini bak malaikati di buhup tut mbusyamei ei minu ndig Filadelfia. Nipas kepti dini kwei leu No di kwes-kwau di ningon gom. Noni krau kusin di Daud krau. Gino Noni kau dimbou ne bit bon hi nggam mbou hanyen kan bi. Gino Noni nggam mbou ne bit bon hi kau dimbou dima hanyen kan bi.