ROMA 3:30 - ALLAH NIHYET MEM TUNGWATU NYA

³⁰ Lewo Allah ne Allah gom ngat. Noni bon nituti mem mben Yahudi igyai ingon kwes kin Noni hanyen drek dip ide niba ningon com Noti. Ba, Noni bon nituti mem ngkiai nya cem ingon kwes kin Noni hanyen drek dip ide niba ningon com Noti.

ROMA 3:30 ပူးပေါင်းရင်းမြစ်များ

ROMA 2:26

Gino ngkiai di yai midut sunat bi bit Allah nicuk mben Yahuditi ne Noni bibon no dima tereu nok no di yai midut sunat tu.

ROMA 2:27

Gima rino yo di igyai midut sunat bi dima mipai kep je di mben Yahudi. Leu mbro nok gino jimbun Allah nicuk jeti bijiyai midut sunat cem tu lo, jipigau nicukti dima. Ba, mbro nok gino yoni igyai midut sunat bi lo, ibit nicukti di jimbun dima.

ROMA 3:22

Allah bindei tungwatu nya ingon kwes kin Noni drek dip ide niba ningon com Yesus Kristusti. Allah yai nok gima mem yo di ingon jo kep Kristus yahagom lewo mben Yahudi kin ngkiai nya ter leu yam bi.

ROMA 3:28

Gima rino nirop ninda ndigsi pai bipia tungwatu nya igyai ingon kwes kin Allahti drek dip ide niba ningon com Yesus Kristusti lene drek dip gi ibit leu nok Puig Yahudi nicuk yokti nya bi.

ROMA 4:16

Gima rino Allah nipreusi dima tug hon ide niba ningon com Noniti. Allah ba ningon di singat tut yok bibindei nipreu ei mem yo di intun Abraham himti dima ngkiem-kiau mem ngkiai nya he bi noro mem yo di iba ingon com Allah bit leu nok Abraham ba ningon com Noniti. Lewo Abraham nok ide pung di bitut innei mem yo di iba ingon com Allah intun him yahagom.

ROMA 4:9

Yo di Daud pai sut bipia ingon nggei-hi-nggei pima ne yo di igyai midut sunat he rin e? E bi! Yo di igyai midut sunat bi nya cem ingon nggei-hi-nggei. Dindat kep nipou su bipia Allah joi sut Abraham di pwoi Allah ningon lewo ba ningon com Allah.

GALATIA 3:20

Ba, gino ibou can itte tut yam lene isuar tungwagom di ya hacan bibakei yokti. Noro Allah suar tungwagom di ya hacan mem Noni bi. Nongkom yai nibou tut hak.

GALATIA 3:28

Gima rino mben Yahudi kin ngkiai nya cem awak nya kin yo di igyati kwes cem pinai nya kin sop nya cem jahagom titer leu yam bu bi noro jahagom jinok gom kin Kristus Yesus.

GALATIA 3:8

Allah nihyet tri tut mun di mipek kep ei niabiati bu bipia Allah miyai ngkiai nya ingon kwes kin Noni tug hon ide niba ningon com Noti. Gima rino Allah nihyet mbot kep tut Nihyet Di Kei bak Abraham “Tungwatu dihyeisi dini hagom migyai gi kei tug hon nani.”

GALATIA 5:6

Leu gino inok gom kin Kristus Yesus lene midut sunat di igyai e, he igyai bi e, lene gima bon ninyeng bi. Ide niba ningon com Kristusti he rino bon ninyeng ba, ibindei mbut gima tug hon ide ningon ngakei yamti.

GALATIA 6:15

Niyai midut sunat kin niyai midut sunat bi hacem bon ninyeng bi. Noro gino Allah luei hi nitta binijep-jau bu ne gini bon ninyeng a.

NINDAT KEP TUHAN NICUKTI NYA 6:4

Je di mben Israel e, ma jiyok ngon kep bipia tuhan Nongkom he rino ide Allah!

FILIPI 3:3

Lewo nyeni icoi ei midut sunat di nijitti tu noro yoni ne bi. Lewo ikuk nye bak Allah tug hon Allah Ninnei di mpu nyeni ba, ingon llei sut ide ninok gom kin Kristus Yesusti ba, iba ingon com nibon midut ningkek dip nya bi.

TIMOTIUS GI NIGOM 2:5

Lewo Allah gom ngat he ba, tungwa gom ngat ya hacan mem Noni kin tungwatu nya. No dima ne Kristus Yesus,