ROMA 3:22 - ALLAH NIHYET MEM TUNGWATU NYA

²² Allah bindei tungwatu nya ingon kwes kin Noni drek dip ide niba ningon com Yesus Kristusti. Allah yai nok gima mem yo di ingon jo kep Kristus yahagom lewo mben Yahudi kin ngkiai nya ter leu yam bi.

ROMA 3:22 ပူးပေါင်းရင်းမြစ်များ

YESAYA 61:10

Minu ndig Yerusalem pai “Dillei ngwig sut tuhan niyai munti nya. Noni ba sinsun nda di ninyeng rino niteu leu sisarti kin nibindei sar siceusi nya bijuk da noyam kin no di pinai kin no di sop di imau yonti mem midut niwak yamti.

YEREMIA 23:6

Mpe dino ninyeng tak kep ne timiei Yehuda kin mben Israel nya yahagom mibong kei migwam kei. No dima ninyeng rino ‘Ide tuhan Di Teu Nye Leu Sisar Biyai Niyaijo Nijep Binye.’

DANIEL 9:24

Allah kos tut bipia ug ei nijam ari bingwam nitindur sratus bitai ningot muhwindatai ne Noni kwek asut bat mben Israel nya kin jide minu ndig di kwes-kwau dima leu sisar kin mun di mbuk nya ri. Noni kos ser sisar leu api ta ninyeng tak kepti di sren-srau di jo ninno bijo kikau leu binhyepo ningat-hi-ngat bitut nimbot kepti dima dem igbit ba, Nide limwa nya ipiga tuhan De Ig di kwes-kwau hanyen ei mem Noni.

LUKAS 15:22

Noro nicig hig nide awak nya kwei bicuk yok ‘Jibipbur ba, juug yai sinsun di nibok kak kwei ba, jijuk ei noniti. Jikes srak mas ei ninda pijumti ba, jikes srop ei nimig jouti.

KISAH 11:12

Lene Allah Ninnei cuk da bipia ma dihig dingon eisi tut gino dibit yok au. Gima rino disut bat yo di ingon jo kep nya ibou muhwindagom leu minu ndig Yope cem ibit da ba, nuug ei minu ndig Kaisaria. Ba, nahagom nicoi ug ei Kornelius de ig bei ei minu ndig dima.

KISAH 15:9

Allah mig mbus nyeni kin yoni ter leu yam bi. Noni yai ingon kwes kei tug hon ide niba ningon com Noniti.

KISAH 3:16

Disut bat jen, jingat mun di pek kep mem no di nimig lit dini bou jiyai him. Noni yai nisindemti bikei hanyen tirigi ba ningon com Yesus kin Nide nisindemti. Noni kei hanyen ei jahagom joho bei lewo ba ningon com Yesus.

ROMA 1:17

Lewo Nihyet Di Kei mbot kep tut nisinati tut Allah niyai tungwatu nya ingon kwes kin Noniti. Nisinati dima tug hon ide niba ningon com Noniti ei nimbie him kikau ug bipek ningwigsi kep. Bit leu nok Allah Nihyet pai “Tungwa tou rino yai ningon kwes kin Allah tug hon niba ningon com Noniti miyai niyaijo nijep!”

ROMA 10:12

Nipaisi dima dem mem tungwatu yahagom lewo mben Yahudi kin ngkiai nya ter leu yam bi. Allah gom ngat dima ne Tuhan mem yahagom rin binjei mun di kei ninyeng mang bibor bak yo di yahara Noni.

ROMA 10:4

Kristus yai mun bipek kep Puig Yahudi niggai serti nisindemti tu. Gima rino Allah bindei ba, no di ba ningon com Kristus miyai ningon kwes kin Allah hanyen.

ROMA 2:1

Gima rino disut bat jen, jitug ndei jinyeng di bindei di jidem mem gima jiba jihyet biyai yo di hiter dima leu hantou i? Bit bon jipai mun mem jibisu tindei kan bi. Leu gino jiba jihyet biyai yo di hiter noro jiyai bram yo dima igyai kepti nya lene gima nok jibindei cut hukum ei jenti dip.

ROMA 3:30

Lewo Allah ne Allah gom ngat. Noni bon nituti mem mben Yahudi igyai ingon kwes kin Noni hanyen drek dip ide niba ningon com Noti. Ba, Noni bon nituti mem ngkiai nya cem ingon kwes kin Noni hanyen drek dip ide niba ningon com Noti.

ROMA 4:16

Gima rino Allah nipreusi dima tug hon ide niba ningon com Noniti. Allah ba ningon di singat tut yok bibindei nipreu ei mem yo di intun Abraham himti dima ngkiem-kiau mem ngkiai nya he bi noro mem yo di iba ingon com Allah bit leu nok Abraham ba ningon com Noniti. Lewo Abraham nok ide pung di bitut innei mem yo di iba ingon com Allah intun him yahagom.

ROMA 8:1

Nogindini Allah mikes hukum ei yo di inok gom kin Kristus Yesus dip bi.

ROMA 9:30

Nirop ninda ndigsi pai mindei binye i? Ngkiai nya inggok puig mem gima igyai ingon di kwes kin Allah hanyen bi. Noro Allah yai ingon di kwes kin Noni hanyen tug hon ide niba ningon com Noti.

KORINTUS GI NIGOM 12:13

Nok gima tut nyeni yahagom cem. Mben Yahudi kin ngkiai nya ba, awak nya kin yo di igyai inyeng nya cem yahagom igyai nitur nye ei minyeiti di bindei ba, ibicim tindei Kristus tug hon Allah Ninnei gom dima. Allah bindei ba, Allah Ninnei gom dima coi kwei ei nyeni yahagom ingonti tu.

KORINTUS GI NIGOM 4:7

Tou ribindei ba, jinyeng jei dor njiriek leu nindigsi nya i? Mun di jima nya hagom kwei leu Allah! Leu gima ne nggon rino jingon jei sut jenti tereu nok gino jimati nya hagom kwei leu Allah bi i?

GALATIA 2:16

ikan tut bipia tungwatu nya igyai ingon di kwes kin Allah tug hon gi ibit Puig Yahudi niggai serti bi noro tug hon ide niba ningon com Kristusti he. Gima rino nyeni cem ingon jo kep Yesus Kristus leu binhyepo ibiyai ingon di kwes kin Allah tug hon ide niba ningon com Noniti lene tug hon nibit Puig Yahudi niggai serti nya bi. Lewo bit bon hi yai ningon kwes kin Allah tug hon gi bit Puig Yahudi niggai serti kan bi.

GALATIA 2:20

diyaijo bu bi. Noro Kristus niyaijo ei dingonti. Nogindini diyaijo tug hon ditde niba ningon com Allah Nipmot di ningon ngakei da bikes niyaisi ei biya luei da.

GALATIA 3:22

Noro bit leu nok gi ipas ei Allah nihyetti bipia tungwatu dihyeisi dini hagom ide sisar om kep yok. Gima rino yo di ingon jo kep Allah iba yo kep mun di Noni preu ei mem yok tug hon ide niba ningon com Yesus Kristusti.

GALATIA 3:28

Gima rino mben Yahudi kin ngkiai nya cem awak nya kin yo di igyati kwes cem pinai nya kin sop nya cem jahagom titer leu yam bu bi noro jahagom jinok gom kin Kristus Yesus.

EFESUS 3:12

Nogindini iba ingon di nddong bibrim ingkek kep Allah ug ei Nonti Noho bei drek dip gi inok gom kin Kristus lene iba ingon com Noni.

FILIPI 3:9

bidinok gom kin Noni. Dinggok tut ningon kwes kin Allahti tug hon gi dibindei mbut Puig Yahudi niggai serti nya bu bi. Nogindini dingon kwes kin Allah hanyen tug hon ditde niba ningon com Kristusti. Lewo Allah yai ningon di kwes kin Noni hanyen bak tungwatu nya tug hon ide niba ningon com Yesus Kristus Nongkom he.

KOLOSE 3:11

Gi ntun mun dima him ne tungwatu nya ter leu yam bu bi ri. Mben Yahudi kin ngkiai nya titer leu yam bu bi. Yo di icoi bit midut sunat kin yo di icoi bit midut sunat bi kin ngkiai nya kin yo di isingat bi nya kin awak nya kin yo di igyati kwes cem yahagom titer leu yam bu bi. Kristus Nongkom bon ninyeng dor njiriek mun nyeng hagom ba, Noni nok gom kin nyeni yahagom!

YAKOBUS 2:23

Gima dem igbit Allah nihyet di ipas ei su “Allah pai sut Abraham bipia ningon kwes kin noni lewo ba ningon com Allah.” Gima rino Allah pai bak Abraham “Nani ne disut di dingon kieti ri.”