ROMA 3:21 - ALLAH NIHYET MEM TUNGWATU NYA

²¹ Noro tini bu ne Allah ndo puig di bie tut tungwatu nya ndam ingon di kwes kin Noni brei binye tu lo, puig dima kriau Puig Yahudi ningginausi nya. Srat nya di Musa kin nabi nya ipas kep mbot kep tut munhyet dima.

ROMA 3:21 ပူးပေါင်းရင်းမြစ်များ

NITRITI 15:6

Lene Abram ba ningon com tuhan. Gima rino tuhan joi sut noni nok no di pwoi tuhan ningona.

YESAYA 46:13

Midibindei njap niteu bingwes ngun nicunti dideu kwei ba, mimbrek bu bi. Mun nyeng hi minggek tut nituti mem gima diteu je bi. Miditeu timiei Yerusalem nya bingwes ngun leu api midikon mben Israel inyenga.”

YESAYA 51:8

Yoni misar bipror yon bidem sinsun di cipo kkin lene bidem minghas di iba domba nta bibon di awam kkin. Noro niteu ningwes ngunti di kwei leu Dani jo ninno bijo kikau. Ditde nibindei timek siceusi nya muug hon nohonti bi sren.”

YESAYA 54:17

Noro bit bon minggwen di tukan nya ibon dima sindem mem gima tot na kan bi. Tirigi hi pai kep na ei nikei noho bei lene nihyet minok bu tan lewo ando bindo di bindo pia yai mun tunggwei bak. Midimbrap gau Ditde awak nya bidibindei ba, ihwen ide siceu nya bitimek.” tuhan simbot dat tu.

YESAYA 61:10

Minu ndig Yerusalem pai “Dillei ngwig sut tuhan niyai munti nya. Noni ba sinsun nda di ninyeng rino niteu leu sisarti kin nibindei sar siceusi nya bijuk da noyam kin no di pinai kin no di sop di imau yonti mem midut niwak yamti.

YEREMIA 33:16

Miditeu timiei Yehuda kin timiei minu ndig Yerusalem nya bingwes ngun. Dibindei mbut nibong kei nigwam keisi mem yok. Dijem minu ndig Yerusalem ninyeng ‘Ide tuhan Ne Niteu Kep Nye Cig Ri.’

DANIEL 9:24

Allah kos tut bipia ug ei nijam ari bingwam nitindur sratus bitai ningot muhwindatai ne Noni kwek asut bat mben Israel nya kin jide minu ndig di kwes-kwau dima leu sisar kin mun di mbuk nya ri. Noni kos ser sisar leu api ta ninyeng tak kepti di sren-srau di jo ninno bijo kikau leu binhyepo ningat-hi-ngat bitut nimbot kepti dima dem igbit ba, Nide limwa nya ipiga tuhan De Ig di kwes-kwau hanyen ei mem Noni.

LUKAS 24:44

Yem njita tu lene Noni pai biyok “Mun po dipai bije nipou tirigi dingat rin bit je pima suar dem igbit. Gima ne mun di ipas ei Puig Yahudi nicukti nya kin nabi nya ide srat nyati kin srat Mazmurti tut Da hagom suar dem igbit.”

YOHANES 1:45

Filipus ug nggok ser Natanael bipai binoni “Nyeni nuum tungwagom di Musa pas tut Noni ei Puig Yahudi nicukti ba, nabi nya cem ipas tut Noni. Ninyeng Yesus leu minu ndig Nazaret ba, nicig ninyeng Yusuf.”

KISAH 10:43

Nabi nya yahagom ipui sut Noni nipou su. Ba, itri tut ‘Bikwop tungwatu tou rino ningon jo kep Yesus lene Allah mikos ser nide sisar tug hon Yesus de nisindemti.’ ”

KISAH 15:11

Ningat ne nyeni ingon jo kep bigyai niteu leu sisarti kin niyaijo nijep cem tug hon Tuhan Yesus di singat tut nye. Lene nok gima tut yoni cem.”

KISAH 26:22

Noro Allah nyohou da habiei kikau kwei bipek ammani kep. Gima rino diya diyati dini biditri tut mun di dingat bou diyai him bak tungwatu yahagom bitut yo di inyeng jei kin yo di ibon inyeng bi. Nihyet di tibim ei duhui him dem igbit mun di nabi nya kin Musa ipai sut mipek kep mem nye.

KISAH 28:23

Gima rino Paulus kin yoni ipreu ei mem yam tut njap gom dima imbus yam ei. Tirigi tto bou dima dem lene imang bibor induk yam kwei ei nide ig bei. Ba, noni nyohou tri tut nihyet biyok bimbot kep tut Allah Ninyeng Tak Kepti biyok mem mpia nipriti kikau ug bipek mpia nicutti kep. Noni ba ayat di kus leu Puig Yahudi nicukti nya kin Nabi nya ide srat nya cem bipingok yok lene biyai ba, yoni ingon jo kep Yesus.

ROMA 1:17

Lewo Nihyet Di Kei mbot kep tut nisinati tut Allah niyai tungwatu nya ingon kwes kin Noniti. Nisinati dima tug hon ide niba ningon com Noniti ei nimbie him kikau ug bipek ningwigsi kep. Bit leu nok Allah Nihyet pai “Tungwa tou rino yai ningon kwes kin Allah tug hon niba ningon com Noniti miyai niyaijo nijep!”

ROMA 1:2

Ba, Allah preu ei mem nye tut Nihyet Di Kei mimbrek ngan tu tug hon Nide nabi nya. Noni bindei ba, ipas tut nipreu ei mem nyeti dima ei Allah Nihyetti.

ROMA 16:26

Noro tini bu ne Allah di niyaijo kikau mbot kep tut mimun dima brei bak mben dihyeisi dini hagom tug hon srat di nabi nya ipas ei su nya leu binhyepo tungwatu yahagom iba ingon com Noni bibit nihyet.

ROMA 3:28

Gima rino nirop ninda ndigsi pai bipia tungwatu nya igyai ingon kwes kin Allahti drek dip ide niba ningon com Yesus Kristusti lene drek dip gi ibit leu nok Puig Yahudi nicuk yokti nya bi.

ROMA 5:19

Tungwatu nya imang bibor iba yo kep ingon di rom tug hon tungwagom di bit Allah nihyet bi. Nok gima cem tungwatu nya imang bibor migyai ingon di kwes kin Allah hanyen tug hon Tungwagom nibit Allah nihyetti.

ROMA 5:21

Gi nok lene suar nyeni yahagom itug ndei nimai lewo ibon sisar tu. Noro Allah singat tut nye bitin puig di bie ug ei ingon kwes kin Noni hanyenti. Gino ingon kwes kin Noni hanyen tu ne Noni miyai niyaijo nijep di jo kikau binye tug hon ide Tuhan Yesus Kristus.

ROMA 9:30

Nirop ninda ndigsi pai mindei binye i? Ngkiai nya inggok puig mem gima igyai ingon di kwes kin Allah hanyen bi. Noro Allah yai ingon di kwes kin Noni hanyen tug hon ide niba ningon com Noti.

KORINTUS GI NIGOM 1:30

Allah Nonti bindei ba, jinok gom kin Kristus Yesus. Igyai ningon kiti tug hon Kristus cem tu. Allah bindei ba, igyai ingon di kwes kin Noni tug hon Kristus ba, inok Nide limwa di ingon kwes-kwau nya ba, Noni kwek nye leu ide sisar cem tu.

KORINTUS GI NICAN 3:9

Gino gi preu timiei di bindei hukum nimai bon nikei-kau-keisi lene jo nibreisi bipia gi preu nijep di biyai ningon di kwes kin Allahti bon nikei-kau-keisi di nindig bibor bidor njiriek bu.

KORINTUS GI NICAN 5:21

Kristus bon sisar nyeng gom bi sren. Noro Allah bindei ba, Kristus biang ide sisar bitut ide ningon muisi nibuhunti hagom leu api yai ingon di kwes kin Noni hanyen drek dip ide ninok gom kin Kristusti.

GALATIA 3:8

Allah nihyet tri tut mun di mipek kep ei niabiati bu bipia Allah miyai ngkiai nya ingon kwes kin Noni tug hon ide niba ningon com Noti. Gima rino Allah nihyet mbot kep tut Nihyet Di Kei bak Abraham “Tungwatu dihyeisi dini hagom migyai gi kei tug hon nani.”

GALATIA 5:5

Noro tut nye dini ne niyok ningon mem nyende ningon kwes kin Allahti di niyai tug hon nisindemti leu Allah Ninnei kin niba ningon com Kristusti cem.

FILIPI 3:9

bidinok gom kin Noni. Dinggok tut ningon kwes kin Allahti tug hon gi dibindei mbut Puig Yahudi niggai serti nya bu bi. Nogindini dingon kwes kin Allah hanyen tug hon ditde niba ningon com Kristusti. Lewo Allah yai ningon di kwes kin Noni hanyen bak tungwatu nya tug hon ide niba ningon com Yesus Kristus Nongkom he.

PETRUS GI NIGOM 1:10

Nabi nitimiei nya inyohou pigot bram bigyok igyai kep niteu leu sisarti kin niyaijo nijepti leu api itri tut munkwas di kei dini di Allah tin ei mem je.

PETRUS GI NICAN 1:1

Srat dini leu da di Petrus ba, dinok awak mem Yesus Kristus bidiya kui Noni cem. Srat dini mem je dino jiyai jide niba ningon comti noyam kin nyeni tug hon ide Yesus Kristus di ningon sren-srau. Noni ne Allah kin No di teu nye leu sisar biyai niyaijo nijep binye cem ri.