ROMA 2:8 - ALLAH NIHYET MEM TUNGWATU NYA

⁸ Noro tut nindigsi di ibon mun bit leu yonti ingon kanti bikou sut Allah nihyet leu binhyepo yuhuk bram mun di kinei ne Allah mikes hukum nindig bibor ei yok dip.

ROMA 2:8 ပူးပေါင်းရင်းမြစ်များ

NIBOHON MBEN ISRAEL GI NICAN 6:23

lene tuhan ei gwamti e, handei kon ba, angig atingou mem nyeni nihyet leu api akos tut munhyet dini nok igbit. Ma akes hukum ei gi hi di ningon mui dip dem igbit nide mun di yai tunggwei lene ma asindui sut gi hi di ningon ngun bimbut hak.

AYUB 24:13

Yo di irok nipigati kin gi iba nitok bak nipigati yo rinaha. Ikan tut nipigati bi ba, ikou sut gi ibit puig di nipigati dima piga digai nya.

MAZMUR 90:11

Tou ritug ndei Ade nigga bibor nisindemti i? Tou riningon dorti tut mun di micut igkep nye tug hon Ade ningon sibui sut tungwatu nyati i?

NIPINGOK NINGONTI 11:23

Tirigi no di ningon kwes kei nikos tutti nya pek kep ne ningat di kei ntun him. Tirigi no di sibut nikos tutti nya pek kep ne tungwatu nya igga drek dip.

NIPINGOK NINGONTI 13:10

Yo di illei-lau sut yonti ibindei ba, tungwatu nya isrep huk yam noro yo di ingon ki nya isindui sut ba, hiter ipingok ingonti.

YESAYA 50:10

Je di jibou cut bak tuhan di jimiap kep Nide awak nihyet e, mpaba puig di jimbut kak dima dindi ba, nipigati hi di piga digai puig mem je bi. Noro ma jiba jingon com tuhan bijirok kui jide Allah.

YEREMIA 34:18

Nibou di inyeng tak kep minu Yehuda kin minu ndig Yerusalem bitut yo di igya kui yok kin imam nya kin yo di igyai kep midyai nya nok mindor dihyei nya yahagom ibon nipreu ei mem Dati tut ide awak nya tug hon midut nipreu eisi. Ibui sapi ningut gom leu api israt hacan binok can leu api imbut ei nisra cin dima nikieti tu. Noro je di timiei minu ndig Yerusalem jiluei jingonti tut nipreu eisi dima kin nipreu eisi di mben Israel ipreu ei bit Da. Gima rino midibibon jeni noyam kin gi jibibon sapi dima.

YEHEZKIEL 22:31

Gima rino nogindini dikes Ditde nigga biborti ei yok dip. Dinok hum ba, dibindei sar yoni drek dip ide nibon munti nya. Da di tuhan Di Dinyeng Jei Disimbot dat tu.”

NAHUM 1:6

Gino tuhan gga bibor ne tou rino ya ngkiem i? Hi di ningwes ngun leu nigga biborti bi. Ba, Noni bindei mbut niggati di cig-cai di bindei ba, tig nya timek binok dihyei ndung ei Noho bei.

ROMA 1:18

Allah di ningon mpo tut sisar mbot kep tut notou Noni mikes hukum kwei leu gwamti ei yo di ibon sisar kin mun di mbuk nya yahagom dip lewo ide mun di mbuk nya tte tut tungwatu leu binhyepo ingon dorti tut Allah ningginau tungwatu nyati di nijit-jau dima bi.

ROMA 10:16

Tungwatu nya imiap Nihyet Di Kei dima noro yahagom ijoi sut bi. Lewo Nabi Yesaya pai “Na di Tuhan e, tou riba ningon com nyeni nihyet i?”

ROMA 15:18

Dikon dihyet tut midyai di Kristus yai tug hon dani he. Lewo nihyet di ditri tut kin midyai di diyai nya bindei ngkiai nya ibit Allah nihyet,

ROMA 6:17

Noro ma jikwei ba, ipai sigyo bak Allah! Leu mbro nok gino sisar ubon je bijinok awak nipou su lo, tini bu ne jiba jingon titut yam bibit ningginausi di nijit-jau di Allah yai bije tu.

ROMA 9:22

Nok gima cem tut Allah niyai munti nya. Noni kos tut bipia ndo ningon sibui sut sisarti brei bak tungwatu nya leu binhyepo ingon huk niti tut Nide nisindemti. Noro om ningon tut yo di suar itug ndei hukum drek dip gi ibindei ningon sibui sut yok.

KORINTUS GI NIGOM 11:16

Gino hi tte tut munhyet dini lene dipai hak binoni bipia nyeni kin Allah de mbusyamei nindigsi nya nibit niyai kepti gom ngat dini tirigi nidem yam ei ba, niyai kepti hiter leu gima ne hi bi.

KORINTUS GI NICAN 12:20

Dikrau dingon tut gima jei bi lene dihwou ngat je bidingat lo, jiluei jingonti bijibindei ba, dingon pus tut je drek dip. Lene ma jingat lo, diluei dingonti bidibindei ba, jingon pus tut da drek dip. Dikrau dingon tut gima dihwou ngat je bidingat lo, jiliriem yam cem jingon kinei sut yam cem jingon sibui sut yam cem jiba nitok biyam cem jihyet tigut yam cem jittei mumpui ei yamti cem jingon jei cem jisrep tut yam cem a.

GALATIA 5:20

ikuk yok bak kwar nya cem nung kui yok cem iba nitok biyam apino ibui yam cem iba ingon kan yam cem igga yam cem inggei sut yonti cem itti kin nimpung di isrep tut yam cem,

FILIPI 1:17

Noro bihi iba ingon can bitri tut Kristus bibiyai inyeng jei drek dip ingon di jei. Yo dini ikan bipia igyai munti bindei ba, mun di kinei dino dor njiriek bu micut igkep da tirigi disima ei ig bui nsi.

FILIPI 2:3

Ma jiyai munti nya ntun jingon di jei him ba, jibindei mbut ninyeng mangti di tug hon jenti kin jingon di jei au. Noro ma jiba jibou coi mem yam ba, jibibon hiter ningon sren dor njiriek je.

TESALONIKA GI NICAN 1:8

Ba, Noni mittau kwei sut hum njeng di cig-cai leu binhyepo bikes hukum ei yo di irok Allah kin yo di ingkek ndok tut Nihyet Di Kei tut ide Tuhan Yesus dip.

TITUS 3:9

Noro ma ambres nanti leu yo di iba ighyet dahat yam tut mun di bon ninyeng bi kin yo di itig pung bijo ninno kin yo di iliriem yam kin yo di ihwen yam drek dip Puig Yahudi niggai serti nya cem lewo mun dima yok hagom bon ninyeng bi.

IBRANI 10:27

Gi jo mem nyeni rino hukum di mikwei leu Allah tirigi ningon sibui sut yo di isrep tut Noni apino Nide hum miyem yok bingwig!

IBRANI 11:8

Niba ningon comti bindei ba, Abraham ce tut bibit Allah nihyet tirigi Noni dimig Abraham ba, pinak noni ug ei minu di Allah preu ei mem noni. Abraham kes nitimieisi bimbut ug ei ningkiaisi di noni kan tut bi.

IBRANI 5:9

Yesus yai kep Nide midyai nok No di teu tungwatu nya leu ide sisar dima biput leu api ta Nonti nok nibousi mem niteu leu sisar kin niyaijo nijepti di jo kikau mem yo di ingon gom tut nicuk yokti nya.

YAKOBUS 3:14

Noro gino jingon kinei sut yam cem jiwok yam cem jingon jei sut jenti cem lene ma jitri tut bipia jingon ki au. Lewo jikiek-kiek nyen Allah nihyet di nijit tug hon mun di jitri tut.

YAKOBUS 3:16

Gino yo di mbusyamei ingon kinei sut yam ba, ingon jei sut yonti lene mun dima yok ribindei dino igyai mun tunggwei yam ba, ibon mun di mbuk ninyeng mang bibor cem.

PETRUS GI NIGOM 3:1

Nok gima cem tut je di sop nya. Ma jiba jibou coi mem jijjep bat nya ighyet leu binhyepo gino bihi ingon jo kep Allah nihyet bi ba, jahap jiji cem bi lo, jiyai munti di kei bibor nya mibindei ba, jijjep bat nya ingon jo kep Kristus.

PETRUS GI NIGOM 4:17

Nijam mem Allah mbus tungwatu nya ingonti dideu su. Noni mimbus Nide limwa nya ingonti bibie. Gino Noni kinyon ei nimbus ingonti bibie ne notou mem yo di ingon jo kep Allah Nihyet Di Kei bi nya i?

NINGAT-HI-NGAT NYA 14:10

midut Allah de ba anggur ngei. Gima ne ba anggur ngei nigga biborti rin lewo Noni hug ba anggur ngei dima ei Nide mokti di bindo tut nigga biborti tu ba, minyei srigsi bi. Apino yo dima yahagom mitug ndei inghuisi wei ei humti kin belerang ngeisi ei malaikati di kwes-kwau nya kin Domba Pmot yoho bei.

NINGAT-HI-NGAT NYA 16:19

Minu nindig bibor dima kki ningaisi ba, minu ndig nindigsi nya bidem dihyei nisurti-nipekti hagom lus bingwig. Allah kan kep minu ndig Babel lene bindei ba, dut ba anggur ngei leu Nide mok ba, ningei dima ne Allah nigga biborti ri.