ROMA 2:29 - ALLAH NIHYET MEM TUNGWATU NYA

²⁹ Noro no di ntun mben Yahudi him di nijit rino no di ntun mben Yahudi him ei ningonti biyai midut sunat ei ningonti tug hon Allah Ninnei de midyai noro tug hon srat bokti he bi. Allah nggei sut no dima noro tungwatu nya inggei sut noni bi.

ROMA 2:29 ပူးပေါင်းရင်းမြစ်များ

NIBOHON MBEN ISRAEL GI NIGOM 29:17

Dikan tut bipia abingon tungwagom-gom ningonti lene angon kei sut yo di ingon sren nya. Diba dingon di sren kin dingon di gom bikwas mun dima yok hagom tut Na. Lene dingat bou diyai him bipia Ade limwa nya di idem yam ei mpia dini iba ingon di kei bittei mun di ikwas tut Nani tu.

MAZMUR 45:13

Timiei minu ndig Tirus mittei ndigban kwei binjei bak nani. Yo di inyeng nya mibingon mem gima igyai angon kei.

YEREMIA 4:14

Je di timiei minu ndig Yerusalem e, ma jicom jide mun di kinei bibor leu jingonti leu binhyepo jingwes ngun. Jiku jide nikan-kan nyenti di kinei bibor dima ei jingonti ug bipek apig bu i?

YEREMIA 4:4

Je di timiei minu Yehuda kin minu ndig Yerusalem e, ma jikrau kep jide mun di jipreu ei mem jide tuhan di Dani ba, jidimig jenti pijum ei mem Da. Gi bi ne Ditde nigga biborti micig-cai nok hum di bit bon tungwa hi mu kep kan bi. Gima yok hagom micut igkep jenti njem drek dip jide nibon munti di kinei bibor.”

YEREMIA 9:25

tuhan pai “Nijam dem ne midikes hukum ei mben Mesir kin Yehuda kin Edom kin Amon kin Moab kin timiei iggum ndigsi di ikos ibou nta bicun dip. Yo dini kin mben Israel yahagom igyai nibon midut sunat tu noro yahagom igyai munti nya noyam kin yo di igyai nibon midut sunat nya igyai munti nya bi. Lewo igibit gi preu di nibon midut sunat tak buk kep bi.”

LUKAS 11:39

Gima rino Tuhan pai binoni “Je di Farisi nya jipiap jide mok kin den nisai he bipwoi kei noro tut jingonti ne mpung tut mun di jiba nimbuk bibon kin nisibutti bibon mun cem.

LUKAS 17:21

di bindei ba, ipai sut ‘Jikwei ngat i! No rini’ e, he ‘no rima’ e? Nok bi! Lewo Allah ninyeng tak kep limwa nyati sindi srig jikieti tu.”

YOHANES 12:43

Yo dima ijoi sut tungwatu nya inggei sut yok leu gima Allah joi sut yok a.

YOHANES 4:23

Tungwatu nya iba Allah Ninnei de nisindemti bibikuk yo bak Icig di nok Allah di nijit-jau mem nijam di nidipti bu kin nijam dini cem lewo Noni joi sut yo di iba ingon gom bibikuk yok biNoni.

YOHANES 5:44

Jingon llei sut ninggei sut yamti noro jibrim jingkek mem gima Allah Gom Ngat nggei sut je bi. Gi nok lene notou mijingon jo kep Da i?

ROMA 14:17

Lewo Allah ninyeng tak kepti ket ei njita di igyem kin ndia ngei di idut bi. Noro coi ei nibit Allah ningon kanti kin ningon jo nyahanti kin ningon llei biborti ba, mun dini yok hagom ntun Allah Ninnei him.

ROMA 2:27

Gima rino yo di igyai midut sunat bi dima mipai kep je di mben Yahudi. Leu mbro nok gino jimbun Allah nicuk jeti bijiyai midut sunat cem tu lo, jipigau nicukti dima. Ba, mbro nok gino yoni igyai midut sunat bi lo, ibit nicukti di jimbun dima.

ROMA 3:1

Gi nok ne nintun mben Yahudi himti dima bindei tungwatu nya itug ndei mun di kei mindei i? Midut sunat dima bindei dino yoni itug ndei mun di mimpu yok e?

ROMA 7:6

Noro tini bu ne Allah kwek nye leu Puig Yahudi niggai serti nide nisindemti. Indo imai eisi bak Puig Yahudi niggai serti di tak kep nye tu. Nogindini nyeni iba nisinati nijep biyai midyai mem Allah tug hon Allah Ninnei nibie tut nyeti noro tug hon Puig Yahudi niggai serti nipas kepti bi.

KORINTUS GI NIGOM 4:5

Gima rino ma jikos tut tungwatu nya ide niyai mun tunggwei si haninyai au. Lewo tto bou dem bigyo. Ma jibet jingon ei mem Tuhan nikwei hanyenti. Noni mimbot kep tut mimun di jo ei nidinditi bipiga digai ingon kanti di jo nding ei ingon bei hagom yo. Mpe dima lene Allah mikos tut mun di kei bak bikwop tungwagom-gom di dem mem gima.

KORINTUS GI NIGOM 7:19

Nicoi bit midut sunat kin nicoi bit bi hacem bon ninyeng bi. Noro mun di bon ninyeng rino ibit Allah nicukti nya.

KORINTUS GI NICAN 10:18

Lewo Tuhan ningon kwes kin no di nggei-nggwang tut nonti bi. Noro ningon kwes kin no di Nonti nggei sut a.

KORINTUS GI NICAN 3:6

Noni sindem tut nye leu binhyepo ninok awak mem gi preu nijep. Gi preu nijep dima nitriti ne nicukti di tug hon srat bokti rin bi noro Allah Ninnei de midyai nya ri. Nicukti di tug hon srat bokti bie ug ei hukum nimai. Noro Allah Ninnei bie ug ei niyaijo nijepti.

NINDAT KEP TUHAN NICUKTI NYA 10:16

Gima rino hon kep ammani kui ma jibit tuhan nihyet. Lene ma jingkek ndok bu au.

NINDAT KEP TUHAN NICUKTI NYA 30:6

tuhan di nok jide Allah mibindei ba, jeni kin jide nintun him yamti di bram yam nya jingon sren leu binhyepo jiba jingon titut bingon ngakei Noni apino mijibong ser minu dima kikau.

FILIPI 3:3

Lewo nyeni icoi ei midut sunat di nijitti tu noro yoni ne bi. Lewo ikuk nye bak Allah tug hon Allah Ninnei di mpu nyeni ba, ingon llei sut ide ninok gom kin Kristus Yesusti ba, iba ingon com nibon midut ningkek dip nya bi.

TESALONIKA GI NIGOM 2:4

Noro nitri tut Nihyet Di Kei bikwop njap-njap bit leu Allah ningon kanti mem nye. Lewo Noni ba ningon com nye tut midyai dima bisok Nihyet Di Kei ei nyeni dip mem gima nibibrim tungwatu nya ingonti leu binhyepo inggei sut nye bi noro leu binhyepo Allah joi sut nye lewo Noni binai ningon kanti hagom.

PETRUS GI NIGOM 3:4

Noro ma jiba mun di ntun jingon him bimau jenti. Gima ne jingon di jo nyahan kin jiyai mun mmuti nya di bon ninyeng ei Allah niyai him ri.

SAMUEL GI NIGOM 16:7

Noro tuhan srep bipai “Ma angig ayai kep no dima ningkek dip kin nintig bou di jei au. Dikou sut noni lewo dikos tut dingon kanti bit leu nok tungwatu nya ide nikos tutti nya bi. Lewo tungwatu nya ingig igyai kep tungwatu nya ingkek dip noro Dani dingig diyai kep ingonti.”