ROMA 2:26 - ALLAH NIHYET MEM TUNGWATU NYA

²⁶ Gino ngkiai di yai midut sunat bi bit Allah nicuk mben Yahuditi ne Noni bibon no dima tereu nok no di yai midut sunat tu.

ROMA 2:26 ပူးပေါင်းရင်းမြစ်များ

MATIUS 15:28

Lene Yesus buhup “He dipmisop ndia ug o, aba angon com Da nindig bibor! Gima rino midibirop bina bit leu ahara Dati!” Tirigi Yesus pai bak nok rino nipmisop kei hanyen.

ROMA 2:25

Gino jibit Allah nicuk mben Yahuditi ne midut sunat bon ninyeng mem je. Noro gino jibit nicuk jeti dima bi ne jiyai midut sunat mikui-kausi he.

ROMA 2:27

Gima rino yo di igyai midut sunat bi dima mipai kep je di mben Yahudi. Leu mbro nok gino jimbun Allah nicuk jeti bijiyai midut sunat cem tu lo, jipigau nicukti dima. Ba, mbro nok gino yoni igyai midut sunat bi lo, ibit nicukti di jimbun dima.

ROMA 3:30

Lewo Allah ne Allah gom ngat. Noni bon nituti mem mben Yahudi igyai ingon kwes kin Noni hanyen drek dip ide niba ningon com Noti. Ba, Noni bon nituti mem ngkiai nya cem ingon kwes kin Noni hanyen drek dip ide niba ningon com Noti.

ROMA 8:4

Allah yai mun dini leu binhyepo ibrim ingkek mem Allah ningon kanti di jo nibreisi ei Puig Yahudi niggai serti dima leu binhyepo bindei mbut ningon kanti ei nyenti njemti bit leu Allah Ninnei ningon kanti noro bit leu ingut kanti di ntun dihyeisi dini him bu bi.

GALATIA 6:15

Niyai midut sunat kin niyai midut sunat bi hacem bon ninyeng bi. Noro gino Allah luei hi nitta binijep-jau bu ne gini bon ninyeng a.

EFESUS 2:11

Disut bat je di ngkiai nya e, ma jiyok ngon kep mun di cut igkep je nipou su nya. Mpe dima lene mben Yahudi di ibidip huk midut sunat di igyai su nya ipai sut je “yo di ibit midut sunat bi” nya ri. (Gini bitut midut neet pinai nya ingkek kulup bit leu Musa nicuk yoti.)

FILIPI 3:3

Lewo nyeni icoi ei midut sunat di nijitti tu noro yoni ne bi. Lewo ikuk nye bak Allah tug hon Allah Ninnei di mpu nyeni ba, ingon llei sut ide ninok gom kin Kristus Yesusti ba, iba ingon com nibon midut ningkek dip nya bi.

KOLOSE 2:11

Jicoi bit midut sunat di nijit tug hon gi jinok gom kin Kristus lene sunat dima noyam kin midut sunat di tungwatu dihyeisi ibon bi. Sunat di ntun Kristus him bindei kwek je leu sisar de nisindemti di pijuk jingonti.

YOSUA 5:5

Mbro nok gino pinai di ingwes ngun leu minu Mesir yahagom igyai nibon midut sunat tu lo, imam nya ibon midut sunat hi mem munggwom pinai ningwoi-ngwoi nya tirigi mben Israel imbut-mbut nyen ei iggum ndigsi niabiati ingwes ngun leu minu Mesir pima bi.