ROMA 2:2 - ALLAH NIHYET MEM TUNGWATU NYA

² Nyeni ikan tut bipia mpe dino Allah kes hukum ei yo di ibon kep ibon kepti di nok gima yok ne nikos tutti dima igbit ri.

ROMA 2:2 ပူးပေါင်းရင်းမြစ်များ

NITRITI 18:25

Dem mem gima acok tut yo di ingon ngun kin yo di ingon mui yahagom srig yamti bi. Gima igbit bi! Bit bon ayai nok gima bi! Gino ayai nok lene yo di ingon ngun nya mitug ndei hukum noyam kin yo di ingon mui nya lene gini dem tut bi. Suar no di nok nikei mem mpia-bbed him kin dihyeisi dini ba ningon sren biyai nibou tut.”

AYUB 34:23

Dem mem gima Allah ndo ngon bou mem njap dima tungwatu yuug bigya ei Noho bei leu binhyepo mbus ingonti bi.

MAZMUR 145:17

tuhan ba ningon di sren kin ningon di nggriu biyai kep Nide midyai nya hagom.

MAZMUR 9:4

Ade siceu nya ikiek kep inghim dip binang ba, indrat mpia bicut leu api imai hak ei Aho bei.

MAZMUR 96:13

ei mpe dino tuhan juk kwei leu binhyepo gwam nok Nibou Ndig ei dihyeisi dini. Ninyeng mitak kep tungwatu dihyeisi dini nok nibou di ningon sren-srau ba, ningon gom cem.

MAZMUR 98:9

Lewo tuhan kwei bigwam nok nikei di ba ningon sren-srausi kin nisingatti bimbus ngkiai nya ingonti.

YESAYA 45:19

Dimbrap ku bidiku mimun tut bi. Dicuk Ditde limwa di mben Israel ba, inggok ser Da mikui-kausi bi. Da di tuhan dihyet buhun biditri tut mun di nijit.”

YESAYA 45:21

Ma jikwei ya ei nikei noho bei bijisimbot dat jide munhyet ba, yo di ibicom yam nya isimbot kep biyam tut. Tou ripai nisinati ei nimbie him tut mun di cut igkep je i? Dangkom di Allah rino dipai sut bi e? Lewo kwar di ikuk yok bak ne allah nijit rin bi. Dani ne Allah di kwes-kwau rin ba, diteu Ditde limwa nya bingwes ngun. Dangkom ngat he rino Allah!

YEREMIA 12:1

tuhan e, gino dikon ditde munhyet bidikes ei Aho bei ne akos tutti nya rino igbit a. Noro suar dihig ser Na tut munhyet di bitut ningon gomti. Nggon rino yo di isibut nya inyeng tut mun di isuar nya hagom i? Nggon rino yo di ingon sren bi nya igyai bipek kep mun di ita ibou eisi i?

YEHEZKIEL 18:25

Mpaba hi pai ‘tuhan niyai munti dima igbit bi.’ Je di mben Israel e, ma jimiap kep dihyet. Jikan bipia diyai munti nya igbit bi e? Noro jiyai munti nya rino igbit bi a.

YEHEZKIEL 18:29

Noro je di mben Israel jipai bipia tuhan niyai munti dima igbit bi. Jikan bipia diyai munti nya igbit bi e? Noro jiyai munti nya rino igbit bi a.”

DANIEL 4:37

Gima rino nogindini da di Nebukadnezar dinggei sut Allah Di Ninyeng Tak Kep Gwamti. Dikuk da bak bidikon ninyeng bijo nai bibor. Niyai munti nya hagom kei-kau-kei bikwes-kwau cem ba, Noni sindem mem gima om yo di ingon jei nya ei nimig him.

ZEFANYA 3:5

Noro tuhan ningat rin ei minu ndig dima yo. Noni bon kep mun di kei kikau lene bon mun di tunggwei bi sren. Noni ne nikei di ba nisren-srausi bikos tut mun di kei bak Nide limwa nya bikwop njap tekti ri. Mbro nok gima lo, yo di ingon sren bi nya ei minu ndig dima ibon kep mun di kinei bijo kikau leu api immai sut yonti drek dip bi.

KISAH 17:31

Lewo Noni kos tut bitto bou dima Noni ba ningon di sren-srau bibirop hanyen bak tungwatu dihyeisi dini yahagom tug hon tungwagom di Noni dimig ei dima. Noni ndo bindo bak tungwatu yahagom tirigi Noni win no dima leu nimai eisi.”

ROMA 2:1

Gima rino disut bat jen, jitug ndei jinyeng di bindei di jidem mem gima jiba jihyet biyai yo di hiter dima leu hantou i? Bit bon jipai mun mem jibisu tindei kan bi. Leu gino jiba jihyet biyai yo di hiter noro jiyai bram yo dima igyai kepti nya lene gima nok jibindei cut hukum ei jenti dip.

ROMA 2:3

Noro disut bat jen, jeni cem jiyai bram mun di jiba jihyet biyai yo di hiter tut! Jikan bipia mijingwes ngun leu hukum di Allah mikes ei tungwatu nya dip e?

ROMA 2:5

Noro jingkek ndok bijingon tindak cem. Gima rino jikum ei jide hukumti mem Njap Ningwig Honti ei mpe dino Allah mindo ningon di sibui sut sisarti brei bak tungwatu nya bikes hukum di sren-srau ei yok dip.

ROMA 9:14

Nirop ninda ndigsi pai mindei binye i? Allah ningon srep e? E bi!

NINGAT-HI-NGAT NYA 16:5

Leu api dimiap malaikati di ninyeng tak kep minyei nya hagom pai “Allah di kwes-kwau e, angat rin annani cem ammani cem ba, hukum dino akes ei tungwatu nya dip dini hagom igbit ri!

NINGAT-HI-NGAT NYA 19:2

Hukum dino Noni kes ei tungwatu nya dip hagom ne igbit rin ba, sren-srau cem ri. Allah kes hukum ei sundal di bindei di tungwatu dihyeisi dini icut tut yam dip. Sundal dima tug ndei hukum drek dip gi noni hwen Allah de awak nya pima.”