ROMA 2:19 - ALLAH NIHYET MEM TUNGWATU NYA

¹⁹ Jingon ngkiem tut bipia jeni ne nicen yo di igyaitu cig rin bijinok ninjeng di piga digai yo di imbut mem nidinditi cem,

ROMA 2:19 ပူးပေါင်းရင်းမြစ်များ

NIPINGOK NINGONTI 26:12

No di ningon mbum bibor kei njiriek no di pai sut nonti nok no di ningon ki noro ningon ki bi.

YESAYA 49:6

Noni pai bida, “Ditde awak e, midindo midyai nindig bibor bu bina leu binhyepo akinyon eisi. Abindei ba, yo di intun Yakub him nindigsi nya mingkwei hanyen ndam Dani ba, apui ahyet tut keret Israel nya ide ninyeng jeisi he bi. Noro midibindei ba, ade nipigati piga digai ngkiai nya leu binhyepo yahagom igyai gi teu leu sisar kin niyaijo nijep.”

YESAYA 5:21

Buhun bibor mem je di jikan bipia jingon ki ba, jintin kimbo bibor cem a!

YESAYA 56:10

Noni pai “Nibou di ibie tut Ditde limwa nya ne nibou di igyai tu nya ri! Igikan tut mun nyeng hi bi cem. Idem kep nsien di bbwe di tai mun hi bi di bong he bimumpriem. Nibou dima yok ijoi sut gima ibong mai he!

MATIUS 15:14

Nok ug e. Ma jingon pri tut yok au. Lewo iba igyai di tu bibie tut yo di igyai tu nya. Gino no di niyai tu cen hiter di niyai tu lene mporo yahacem icut ei jui nsi ug ri.”

MATIUS 4:16

mben di ibong ei nidinditi ingat ninjeng nindig bibor! Ninjeng di piga kei piga mem yo di ibong ei minu nindibutti di nimai nya ide tu!’

MATIUS 5:14

Jinok ninjeng mem dihyeisi dini hagom. Gino tungwatu nya iwin minu ndig ei mbigdip lene bit bon iku minu ndig dima bijo nding kan bi.

MATIUS 6:23

Noro gino jiyai dindi lene jingut titut yam mpung tut nidinditi. Gino mini njeng di jo ei jeti dima dem kep nok nidinditi ne nidinditi dima dindi-kai!”

MARKUS 10:15

Ma jiyok ngon kep gini! Gino jiya um Allah noyam kin munggwom dini yok bi lene bit bon jinggre kin Allah Ninyeng Tak Kepti bi.”

LUKAS 1:79

Nok gima lene Noni piga digai puig mem yo di ibong ei nidinditi ba, idigit tut igyaijo ningwig honti. Noni minyohou bie tut nye kak puig di bie ug ei nibong kei nigwam keisi.”

YOHANES 9:34

Apino nibou nya ibuhup “Mbenjen! Abon kep sisar habiei leu apmem nisrek tut nati kikau kwei bipek ammani kep leu api abingon mem gima angginau nyeni e?” Hon kep njap dima kui ne icom noni leu yo di inggre kin mben Yahudi ide mbusyamei.

KISAH 26:18

leu binhyepo apiga igyai ba, acen yok leu nidinditi ug ei nipigati. Leu binhyepo Bilis ninyeng tak kep yok bu bi noro Allah ninyeng tak kep yok. Allah mikos ser ide sisar tug hon ide niba ningon com Dati apino inggre kin Allah de limwa di Noni dimig ei su nya.’ ”

ROMA 2:18

Jiyai igbit nicukti dima nipingok jeti nya apino jikan tut Allah ningon kanti mem je bijimig mbus mun di kei cem.

ROMA 2:20

jingginau yo di ingon tindur nya bijinok guru mem yo di ingon mbum nya cem. Jingon ngkiem tut bipia jingon ki bijimbun ningginausi di nijit-jau nya lewo jimbun Allah nicuk jeti.

KORINTUS GI NIGOM 3:18

Ma jikrau tunggwei jingonti au. Gino jigom ba ningon di ki di ntun dihyeisi dini him ba, binai nibou ngwakti bisrip huk bipia ningon ki ne ma noni om nonti tereu nok no di ningon mbum. Tug hon nisinati dima ne noni miyai ningon di ki di nijit-jau.

KORINTUS GI NIGOM 4:10

Nyeni ningon mbum ei tungwatu nya igyai him drek dip Kristus lo, jingon ki ei tungwatu nya igyai him tug hon jide ninok gom kin Kristusti! Niwei bibor noro jisindem bibor! Tungwatu nya ingwes pri gau nye noro inggei-nggwang tut je!

FILIPI 2:15

Tug hon nisinati dima lene jibindo brei bipia jinok Allah nimunggwom bat di ibon sisar bi di ingon sren ba, ingon gom cem mem nijam di ingat rin ei yo di isuwok kin yo di ibon sisar nya ikieti. Ma jinok ninjeng di piga ei yo dima ikieti noyam kin ham di piga digai mpia-bbed him,