ROMA 2:16 - ALLAH NIHYET MEM TUNGWATU NYA

¹⁶ Gima rino mun dini yok mipek kep mem tungwatu nya dem igbit Njap di Allah ndo ei su. Nihyet Di Kei di ditri tut ndo brei binye bipia Allah migwam nok Nikei di mbus tungwatu nya ingonti drek dip ide mimun di jo ei ingonti kin ingon kanti nya cem hagom tug hon Yesus Kristus.

ROMA 2:16 ပူးပေါင်းရင်းမြစ်များ

NITRITI 18:25

Dem mem gima acok tut yo di ingon ngun kin yo di ingon mui yahagom srig yamti bi. Gima igbit bi! Bit bon ayai nok gima bi! Gino ayai nok lene yo di ingon ngun nya mitug ndei hukum noyam kin yo di ingon mui nya lene gini dem tut bi. Suar no di nok nikei mem mpia-bbed him kin dihyeisi dini ba ningon sren biyai nibou tut.”

MAZMUR 50:6

Mpia-bbed him tri tut bipia Allah ningon sren-srau ba, Nongkom ne nikei mem Nide limwa nya ri.

MAZMUR 96:13

ei mpe dino tuhan juk kwei leu binhyepo gwam nok Nibou Ndig ei dihyeisi dini. Ninyeng mitak kep tungwatu dihyeisi dini nok nibou di ningon sren-srau ba, ningon gom cem.

MAZMUR 98:9

Lewo tuhan kwei bigwam nok nikei di ba ningon sren-srausi kin nisingatti bimbus ngkiai nya ingonti.

NIBA NINGON SRIP HUKTI 11:9

Na di pinjoi pilei yo e, ma angat angwes ei nijam di apileiti! Ma ayai nillei mem nijam di apileiti. Ma abit ade ningon joi sutti nya kin mun di kei di ayai ngat nya hagom. Noro ma ayok ngon kep bipia Allah di ningat rin ei gwamti mimbus angonti drek dip ade ningon joi sutti kin ayai munti nya hagom.

NIBA NINGON SRIP HUKTI 12:14

Allah mimbus ingonti tut igyai munti nya hagom bitut igyai munti di kei nya kin gi kinei nya di igyai brei kin gi hi di igyai niku cem hagom.

NIBA NINGON SRIP HUKTI 3:17

Lene di kan “Allah migwam nok nikei bimbus yo di ingon sren nya kin yo di isibut bibor nya ingonti. Lewo Noni bon nituti mem mun di pek kep nya kin tungwatu nya igyai munti nya cem hagom.”

MATIUS 16:27

Lewo Munggwom Tungwatu Nipmot mikwei sut Nicig Nide nikei-kau-keisi kin Nide malaikati nya leu api mibirop hanyen bak tungwatu nya gom gom bit leu nok igyai munti nya.

LUKAS 8:17

Ninjeng gom mipiga digai mun di jo nding hagom hanyen. Nihyet gom mitibim tut mimun hagom hanyen.

YOHANES 12:48

No di ba ningha bak Dani ba, ningon tunggwei dihyet bon mun di pai kep noni tu. Nihyet di tibim leu duhui him mipai kep noni mem Njap Ningwig Honti.

KISAH 10:42

Lene Noni cuk nye bipia nuug tri tut Nihyet Di Kei bak tungwatu nya ba, nisimbot dat bipia Allah ndo Yesus Nongkom nok Nikei di mbus yo di igyaijo nya kin yo di imai su nya ingonti.

KISAH 17:31

Lewo Noni kos tut bitto bou dima Noni ba ningon di sren-srau bibirop hanyen bak tungwatu dihyeisi dini yahagom tug hon tungwagom di Noni dimig ei dima. Noni ndo bindo bak tungwatu yahagom tirigi Noni win no dima leu nimai eisi.”

ROMA 16:25

Ma inggei sut Allah! Noni bon nisindemti mem gima sindem tut je leu binhyepo jiba jingon com Noni bibor. Gi dipai dini bicim tindei Nihyet Di Kei di ditri tut Yesus Kristus. Nihyet di ditri tut bicim tindei mimun nyeng gom di Allah mbot kep tut. Ingon dorti tut mimun di jo nding leu tungwatu mem nijam di mimbrek ngan dima bi.

ROMA 2:5

Noro jingkek ndok bijingon tindak cem. Gima rino jikum ei jide hukumti mem Njap Ningwig Honti ei mpe dino Allah mindo ningon di sibui sut sisarti brei bak tungwatu nya bikes hukum di sren-srau ei yok dip.

ROMA 3:6

E bi! Gino Allah ningon sren-srau bi ningat ne bit bon Noni kes hukum ei tungwatu dihyeisi dini dip kan bi.

KORINTUS GI NIGOM 15:1

Disut bat jen, nogindini dipus kiek jingonti tut Nihyet Di Kei di ditri bije nipou su. Jiyai nihyet dima bijipwoi ei jingonti lene jiba jingom com Kristus tug hon Nihyet Di Kei dima.

KORINTUS GI NIGOM 4:5

Gima rino ma jikos tut tungwatu nya ide niyai mun tunggwei si haninyai au. Lewo tto bou dem bigyo. Ma jibet jingon ei mem Tuhan nikwei hanyenti. Noni mimbot kep tut mimun di jo ei nidinditi bipiga digai ingon kanti di jo nding ei ingon bei hagom yo. Mpe dima lene Allah mikos tut mun di kei bak bikwop tungwagom-gom di dem mem gima.

KORINTUS GI NICAN 5:10

Lewo ikan tut bipia yahagom mikuk nye ei Kristus Noho bei lewo Noni ne Nikei ri. Noni mimbus tungwagom-gom ningonti leu api buhup biyok bit leu nok igyai munti di kei nya kin gi kinei nya di igyai kikep tirigi ingat rin ei dihyeisi dini.

GALATIA 1:11

Disut bat jen, ma jiyok ngon kep bipia Nihyet Di Kei di ditri tut dima ntun tungwatu dihyeisi dini him bi.

TIMOTIUS GI NIGOM 1:11

Ningginausi dima jo ei Nihyet Di Keiti. Nihyet Di Kei di leu Allah di kei-kau-kei ba, ma ikon ninyenga. Lewo Noni ba ningon com da tut Nihyet Di Kei di ditri tut cem.

2 TIMOTIUS GI NICAN 2:8

Ma ayok ngon kep bipia Nihyet Di Kei di ditri tut dima tut Yesus Kristus di ntun Daud him. Noni ne Kristus di kiju hanyen leu nimai eisi ri.

2 TIMOTIUS GI NICAN 4:1

Kristus Yesus mikwei hanyen ei dihyeisi dini leu binhyepo gwam nok nikei di mbus yo di igyaijo kin yo di imai su nya yahagom ingonti. Noni mikwei nok Nibou Ndig cem. Gima rino disok kep na ei Allah kin Kristus Yesus igyai him bipia,

2 TIMOTIUS GI NICAN 4:8

Nogindini Allah tin ei munkwas hi mem da lewo didor bipek nipekti tu. Tuhan Yesus Kristus di nok Nikei di ningon sren miyai munkwas dima bida ei Njap Ningwig Honti lewo diba dingon di kwes kin Allah biyai ditde niyai munti nya. Noni tin ei munkwas dima mem dangkom he bi noro mem yo di icem kep puig ser nikwei hanyenti nya yahagom.

IBRANI 9:27

Allah pai ei su bipia tungwatu nya yahagom imai mbigom ngat he leu api Noni mimbus ingonti.

PETRUS GI NIGOM 4:5

Noro suar ibuhup tut igyai munti dima hanyen ei Allah Noho bei lewo Noni tin ei bigwam nok nikei mem yo di igyaijo kin yo di imai su nya.

PETRUS GI NICAN 2:9

Gima rino Allah kan tut nisinati mem gima teu yo di ingon sren nya ba, ingwes ngun leu mun di buhun tak yok. Ba, Noni kan tut nisinati mem gima om kep yo di isibut nya bibou Njap di Noni kes hukum ei yok dip midem ug e.