ROMA 2:15 - ALLAH NIHYET MEM TUNGWATU NYA

¹⁵ Igyai kepti nya ndo brei bipia Allah nicuk yokti nya dima jo ei ingon mienti tu. Ingon mien ndo bindo tut mun dima yok lewo mpe hi ingon mien pai kep yonti lo, mpe hi bu ingon mien mbrap gau yonti.

ROMA 2:15 ပူးပေါင်းရင်းမြစ်များ

KORINTUS GI NICAN 5:11

Nyeni ningon dorti tut nittin tut Tuhanti. Gima rino nibrim ningkek kep tungwatu nya leu binhyepo ikan tut bipia ningon gom. Allah kan tut mun di jo ei nyeni ningon bei. Lene diyok dingon mem gima jeni cem jikan tut da bit leu Allah nikan tut dati.

TITUS 1:15

Mun nyeng hagom kwes mem yo di ingon kwes nya. Noro mem yo di ingon rom nya kin yo di ingon jo kep bi nya ne mun nyeng hi kwes bi. Lewo ikan-kan nyenti kin ingon mien nya rom-rau.

KORINTUS GI NICAN 1:12

Ningon llei bibor lewo ningon mien ngkiem tut bipia niyai munti nya ei dihyeisi dini cem ei jiyai him hagom tug hon ningon di gom kin ningon di pimbai kei di Allah yai binye. Niyai munti nya hagom tug hon Nide nisingat tut nyeti di sindem tut nye lene tug hon ningon di ki di ntun dihyeisi dini him bi.

AYUB 27:6

Dimpig bou kep dingon srenti leu api midiluei dingonti tut hanyen bi sren. Dingon mien cem pwoi-pwau bikwop njap ngwa hagom.

TIMOTIUS GI NIGOM 4:2

Ningginausi dini tibim kwei leu niris kep mun cig yuhui him ba, yo dini ingon mien ndok ser tu.

ROMA 9:1

Kristus nyeng tut da ba, dipai jit bidibicum bi. Allah Ninnei di ninyeng tak kep dingon mien bindei ba, dingon ngkiem tirigi dipai bipia,

KISAH 24:16

Gima rino dita dibou ei dingon mien di kwes kin Allah kin tungwatuti kikau.

KISAH 23:1

Paulus niyai bong kep Nikei Puig Yahudi Nya lene pai biyok “Disut bat jen, dingon mien kwes kin Allah tut diyai munti nya habiei dimien kwei bipek ammani kep.”

NIBA NINGON SRIP HUKTI 7:22

Nanti cem angon huk niti bipia aba ahyet biyai yo di hiter mbirimang bibor tu.

NIBOU NDIG NYA GI NIGOM 2:44

Ayai munti di kinei bibor di bitut dicig hagom jo nibreisi mem na tu. tuhan mikes hukum ei nani dip drek dip gima ug ri.

NITRITI 20:5

Abraham nonti ris bida bipai sut Sara bipia noni ne nikwohop rin ba, Sara cem ris bida bipai sut Abraham bipia noni ne nikijam ri. Mun di diyai dima ne diba dingon di kwes biyai ba, diyai mun tunggwei bi.”

YOHANES 8:9

Tirigi nibou dima yok imiap Yesus nipaisi nok rino yahagom intek gimahap sindam ba, andig-ndau nya intek bibie. Lene Yesus gwam nigwamti lo, misop dima ya niyati.

ROMA 2:14

Ngkiai nya ingon dor Allah nicuk mben Yahuditi dima bi. Noro gino ibon mun bit leu nok nicukti dima nicuk yokti kin gi ibisinggre bit leu yonti ingon kanti ne mbro nok gino ingon dor Allah nicuk mben Yahuditi dima bi lo, ingon di huk niti mbot kep tut mun di kei kin mun di kinei biyok tu.

ROMA 2:27

Gima rino yo di igyai midut sunat bi dima mipai kep je di mben Yahudi. Leu mbro nok gino jimbun Allah nicuk jeti bijiyai midut sunat cem tu lo, jipigau nicukti dima. Ba, mbro nok gino yoni igyai midut sunat bi lo, ibit nicukti di jimbun dima.