ROMA 2:10 - ALLAH NIHYET MEM TUNGWATU NYA

¹⁰ Noro tut yo di ita ibou ei midyai di kei bibor nyati lene Noni minggei sut yok bikon inyeng lene biyai ningon jo nyahanti biyok. Mun di kei dini mem mben Yahudi nipou ug e leu api mem ngkiai nya cem.

ROMA 2:10 ပူးပေါင်းရင်းမြစ်များ

AYUB 22:21

Ayub e, ma abindei ba, angon kwes kin Allah leu binhyepo abong kei agwam kei. Gino abon nok gima lene Noni minjei mun di kei bak nani.

MAZMUR 15:2

No di dem mem gima ne no di bit Allah nihyet titut lene krau tunggwei puig bi di ba ningon di sren bipai nihyet ei nuhui him,

MAZMUR 29:11

Dijoi sut gima tuhan sindem tut Nide limwa nya bibindei ba, ibong kei igwam kei cem.

MAZMUR 37:37

Ma jitou kep no di ningon singat kin no di ningon sren. No di ningon jo nyahan bon nide nintun him yamti di bram yam nya imang bibor.

NIPINGOK NINGONTI 11:18

No di sibut mitug ndei nimuhup nitrowai. Gino abon mun di igbit ne amuhup di kei-kau mitau bina.

NIPINGOK NINGONTI 8:18

Dipwoi ninyeng tut ndigbanti kin ninyeng di jeisi kin nibong kei nigwam keisi bidibitri tungwatu nya.

YESAYA 26:12

tuhan e, abindei ba, nyeni nibong kei nigwam kei. Mun nyeng di niyai kep nya hagom tug hon Ade midyai nya.

YESAYA 32:17

Tungwatu nya igyai munti di igbit hagom mibindei ba, yahagom ingon kwes kin yam ba, ibong kei igwam kei.

YESAYA 48:18

Mijiyok ngon kep Ditde nicuk jeti nya ug ma jide nibong kei nigwam keisi midem kep minyei di pingge bi. Ba, jide ninggei-hi-nggeisi midem kep muk ngei di roi ei ningeisi di kes hon bi sren cem.

YESAYA 48:22

Ningwes ngunti hi jo mem yo di ibon mun di kinei nya bi. Gima ne tuhan de nisimbot datti ri.”

YESAYA 55:12

Mijiyai nillei tirigi jehei leu minu Babel. Ngkiai nya miba ingon di kwes kin je behei sut je. Mbigdip nya kin nungug tou nya migyai nillei ba, biei susti nya ittem inda.

YESAYA 57:19

Midibindei yo di yahagom bitut yo di ibong dideu kin yo di ibong ting cem mibong nyahan. Midibindei ba, Ditde limwa nya ikei hanyen.

YEREMIA 33:6

Noro ei nidipti bu lene dibindei minu ndig dini kin timiei nya bikei hanyen nok gi nipou pima bu. Yoni migyai nisindemti hanyen bu. Midibindei ba, nibong kei nigwam keisi kin ningon jo nyahanti kieng kep idihyei hanyen.

MBEN ISRAEL IMBUT-MBUT NYEN 6:26

Handei kon ba, tuhan ngondut jeni bibindei ba, jingon jo nyahan.”

MATIUS 10:13

Gino ig niceu bat nya iba ingon di kwes biya um je lene mun di jipigo yok dima mijo ei yoni dip. Gino iba ingon di kwes biya um je bi lene ma jitug mun di jipigo yok dima hanyen leu yok.

LUKAS 1:79

Nok gima lene Noni piga digai puig mem yo di ibong ei nidinditi ba, idigit tut igyaijo ningwig honti. Noni minyohou bie tut nye kak puig di bie ug ei nibong kei nigwam keisi.”

LUKAS 12:37

Gino iceu kwei hanyen bittau kep yok tirigi igyai ngkiem ba, itin ei cem tu lene yo dima ingon nggei-hi-nggei. Ma jiyok ngon kep bipia iceu mijuk nide sinsun ndok di jei leu no leu api sindui sut yok bigwam kui meja leu api mingei njita mem yok.

LUKAS 19:42

bipai “Ndina! Gi kei rino njap di ammani jingon hukti tut mun di biyai jingon di kwes kin Allah! Noro nogindini mun dima jo nding leu jiyai him!

LUKAS 22:14

Tirigi jam dem tu lene Yesus kin yo di igya kui Noni yahagom igwam kui meja.

LUKAS 9:48

Lene Noni pai bak yo di igya kui Noni “Bikwop no di ya um munggwom di nok gini drek dip Dani lene gima dem kep nok gi noni ya um Dani cem. Bikwop no di ya um Da lene gima dem kep nok gi noni ya um No di cuk Da kwei cem. No di srig jikieti di bon ninyeng bi rino ninyeng jei dor njiriek nindigsi nya.”

YOHANES 12:26

No di joi sut jem niceu bit Da lene suar noni bit Da leu binhyepo Ditde awak nya ingat rin bit Da ei mpia di dingat rin eisi. Ba, Dicig mikon Ditde awak nya inyenga.”

YOHANES 14:27

Diyai ningon di jo nyahan bije. Ningon di jo nyahan dima ne Ditde rin ba, dikwas ndrim hi tut je. Ningon di jo nyahan di diyai bije noyam kin ningon di jo nyahan di tungwatu dihyeisi dini igyai bije bi. Ma jingon bos-bos nyen ba, jingon digit cem au.

YOHANES 16:33

Ditri tut dihyet bije leu binhyepo jingon jo nyahan tug hon jinok gom kin Da. Tungwatu dihyeisi dini igyai ninghuisi wei bije. Noro ma jibrim jingkek! Lewo dihwen bitimek nisindemti nya ei dihyeisi dini tu!”

KISAH 10:35

Mbro nok gino tungwagom nimbier kim timiei dihyeisi dini lo, no di kuk no bak Allah ba, niyai munti nya hagom kei bibor cem ne Allah joi sut noni.

ROMA 14:17

Lewo Allah ninyeng tak kepti ket ei njita di igyem kin ndia ngei di idut bi. Noro coi ei nibit Allah ningon kanti kin ningon jo nyahanti kin ningon llei biborti ba, mun dini yok hagom ntun Allah Ninnei him.

ROMA 15:13

Allah bindei ba, igyok ingon mem Noni. Handei kon ba, Noni yai jingon llei bibor kin jingon jo nyahan cem tug hon jide niba ningon com Noti leu binhyepo jiyok jingon mem Noni bibor bikum eisi bu tug hon nisindemti di kwei leu Allah Ninnei.

ROMA 2:7

Allah miyai niyaijo di ningat di jo kikau bikwop bak yo di ita ibou ei midyai di kei bibor nyati bibindei ba, Noni nggei sut yahagom bikon inyeng biyai niyaijo di singat kei biyok.

ROMA 2:9

Noni mikes niwei kin nidut ei yo di yuhuk bram mun di kinei yahagom dip. Hukum dini mem mben Yahudi nipou leu api mem ngkiai nya cem.

ROMA 5:1

Nogindini nyeni ingon kwes kin Allah hanyen tug hon ide niba ningon com Noti. Gima bindei ba, igyai ingon di jo nyahan ei Allah Noho bei tug hon ide Tuhan Yesus Kristus.

ROMA 8:6

Gino ningut kanti di ntun dihyeisi dini him pingok kep jibou ngwakti ne nimai ntun him. Gino Allah Ninnei ningon kanti pingok kep jibou ngwakti ne niyaijo nijep kin ningon di jo nyahan ntun him.

ROMA 9:21

Nibon dibijig cig dima op igtuyap bit leu ningon kanti. Ba, noni ba igtuyap ninggop gom boop dibijig ningat can bou ninda him bikon gi hi di kei bibor kei ei mem njap nindig lene bimangkrei gi hi di wer kei lai-lai de bikwop njap-njap.

ROMA 9:23

Ba, Allah kos tut bipia ndo nikei-kau-keisi di ug hon nohonti bi brei binye. Noni njei nikei-kau-keisi dima bak nye di Noni tin ei nye tu nya lewo ningon nggriu sut nye.

GALATIA 5:22

Noro tungwatu nya di ibit leu Allah Ninnei nibie tut yokti lene ingat ningat di kei di ntun yoni him tug hon gi yoni ingon ngakei yam cem ingon llei bibor cem ingon jo nyahan cem ingon nddong cem ingon nggriu sut yam cem ingon singat tut yam cem ingon gom cem,

GALATIA 5:6

Leu gino inok gom kin Kristus Yesus lene midut sunat di igyai e, he igyai bi e, lene gima bon ninyeng bi. Ide niba ningon com Kristusti he rino bon ninyeng ba, ibindei mbut gima tug hon ide ningon ngakei yamti.

FILIPI 4:7

Gima mibiyai ningon di jo nyahan di kwei leu Allah di bit bon tungwatu nya ingon dorti tut kan bi ya bingkiem ser jingonti kin jibou ngwakti di nok gom kin Kristus Yesus.

TIMOTIUS GI NIGOM 1:17

Dem mem gima inggei sut Allah Nongkom di Nibou Ndig bidem nijam hagom. Niyaijo kikau ba, bit bon tungwatu nya ingat Noni bou igyai him kan bi. Ma ikon ninyeng kikau buug hon nohonti bi! Igbit ri.

IBRANI 2:7

Abindei ba, noni wer ei bijehei leu malaikati nya mem nijam di jei bi dini leu api ayai ninyeng di jei kin nikei-kau-keisi binoni.

YAKOBUS 2:22

Jo nibreisi mem na bi e? Nide niba ningon comti kin niyai munti nya bicim tindei yam. Niyai munti nya bindei ba, nide niba ningon comti dem bimahan tu.

YAKOBUS 3:13

Gino no di ningon ki cem nintin kimbou cem srig jikieti lene ma noni ndo bindo tut gima tug hon niyaijoti di kei bibor kin niyai munti di kei bibor nya. Ma niba nibou coisi kin ningon kiti ndo bindo tut niyai munti nya.

PETRUS GI NIGOM 1:7

Ide nibingon jeti ndo bindo tut gino jiba jingon com Allah haigtu e, he bi e? Bit leu nok mas di nok mun di pror yon di tungwatu nya ikwen ei humti. Jide niba ningon comti bon ninyeng dor njiriek mas. Mun di buhun bingon jide niba ningon comti bindei ba, jiba jingon com Yesus Kristus mungkun kei. Gino jingon nddong kikau lene Allah nggei sut je bikon jinyeng cem leu api jiyai jinyeng jei ei njap dino Yesus Kristus ttau hanyen kwei.

PETRUS GI NIGOM 5:4

Ba, mpe dino Gembala Di Ninyeng Jei ttau hanyen kwei lene Noni mikes munkwas di kei-kau di bit bon pimber hanyen kan bi ei jibou nggram him dip.

SAMUEL GI NIGOM 2:30

Dani ne tuhan bidinok mben Israel ide Allah rin ba, dipreu ei mem jide keret nya nipou su bipia nani kin yo di intun nani him mijiyai kep midyai nok imam mem Da bijo ninno bijo kikau. Noro nogindini midiluei dingonti tut dipreu eisi pima ug ri. Hon kep ammani kui lene midijoi sut yo di ikuk yok biDa lo, midingon mpo tut yo di ingon mpo tut Da.