ROMA 16:7 - ALLAH NIHYET MEM TUNGWATU NYA

⁷ Dipigo Andronikus kin Yunias di intun mben Yahudi him noyam kin da di isima ei ig bui nsi bit da. Yo cin dini iba ingon com Kristus bibie leu da. Ba, yo di mbusyamei ijoi sut yok drek dip ide nibrim ingkek bitri tut Nihyet Di Keisi.

ROMA 16:7 ပူးပေါင်းရင်းမြစ်များ

YESAYA 45:17

Noro tuhan miteu je di mben Israel ba, jingwes ngun bijo ninno bijo kikau. Mijimmai sut jenti ba, hi dima nim kep je bi sren bijo ninno bijo kikau.’ ”

YESAYA 45:25

Da di tuhan miditeu yo di intun Yakub him bingwes ngun leu api yahagom minggei sut Da.

YOHANES 14:20

Tirigi njap dima dem lene mijikan tut bipia dinok gom kin Dicig lene jinok gom kin Da bit leu gi dinok gom kin je.

YOHANES 15:2

Bikwop ninda di tug Da lo, ningat ntun him bi ne Noni sriot leu hak ug. Noni kot ninggrupti bipe nimeng bihi leu ninda di ningat ntun him leu binhyepo ningat hi kin ntun him bu.

YOHANES 6:56

Bikwop no di yem dinghui bidut dinggrom cem lene no dima ningon jo gom kin Da ba, dingon jo gom kin noni.

ROMA 16:10

Dipigo Apeles cem. Apeles nide ningon gom tut Kristusti jo nibreisi mem nye. Dipigo Aristobulus kin nide ig bei nsi nya cem.

ROMA 16:11

Dipigo Herodion di ntun mben Yahudi him. Dipigo disut bat yo di ingon jo kep nya di intun Narkisus him cem.

ROMA 16:21

Timotius di dingon kieti pigo jahagom ba, Lukius kin Yason kin Sosipater di intun mben Yahudi him ipigo jahagom.

ROMA 16:3

Dipigo Priska kin Akwila. Yoni ne dingon kieti nya rin ba, igyai midyai mem Kristus Yesus noyam kin da,

ROMA 16:6

Dipigo Maria cem lewo noni com nahanggwap tut je nindig bibor.

ROMA 16:8

Dipigo Ampliatus di dingon kieti di nok gom kin Tuhan noyam kin da.

ROMA 16:9

Dipigo disut Urbanus di yai midyai mem Kristus bit nyeni. Dipigo dingon kieti di ninyeng Stakhis cem.

ROMA 8:1

Nogindini Allah mikes hukum ei yo di inok gom kin Kristus Yesus dip bi.

ROMA 8:11

Gino Allah Ninnei di kon Yesus hanyen leu nimai eisi ningat rin ei jingonti ne Allah gom ngat dima mikon jingut di mipror yon hanyen tug hon Allah Ninnei di ningat rin ei jingonti.

ROMA 9:3

drek dip disut bat di ditig mbier tut yok nya. Lewo danti dijoi sut Allah sigion da bimbres da leu Kristus mem yoni.

KORINTUS GI NIGOM 1:30

Allah Nonti bindei ba, jinok gom kin Kristus Yesus. Igyai ningon kiti tug hon Kristus cem tu. Allah bindei ba, igyai ingon di kwes kin Noni tug hon Kristus ba, inok Nide limwa di ingon kwes-kwau nya ba, Noni kwek nye leu ide sisar cem tu.

KORINTUS GI NICAN 11:23

Apo yoni inok awak mem Kristus e? Mbro nok gino dimbrap tereu nok no di nintin kiek lo, disimbot dat bipia dinok awak di kei bibor dor njiriek yo dima yahagom! Dita dibou ei midyai nyati bibor cem disima-sima nyen ei ig bui nsi cem tungwatu nya imbas da kinei bibor cem dingon tai-tai bou mbirimang bibor cem dor njiriek yo dima yahagom.

KORINTUS GI NICAN 12:2

Dikan tut no di Kresten gom di Allah teu ba, buwak ug ei gumihyep di jo anai bibor ei gwamti ari bingwam simnaibrimigtai gi pini jug. (Dingon kiowi tut gino Allah teu no dima ningat buug sut ug ei gwamti e, he no dima ngat ningat-hi-ngat he e? Allah Nongkom kan tut.)

KORINTUS GI NICAN 5:17

Tungwa tou rino nok gom kin Kristus tu lene no dima nok tungwatu di nijep-jau bu. Ba, niyaijoti nitimiei pror leu su leu api niyaijoti di nijep-jau luei bu.

KORINTUS GI NICAN 5:21

Kristus bon sisar nyeng gom bi sren. Noro Allah bindei ba, Kristus biang ide sisar bitut ide ningon muisi nibuhunti hagom leu api yai ingon di kwes kin Noni hanyen drek dip ide ninok gom kin Kristusti.

GALATIA 1:22

Hon kep nijam dima ne yo di mbusyamei nya ei hanjop Yudea ingat diimaisi bou igyai him bi.

GALATIA 2:2

Dingkwei hanyen ug ei minu ndig Yerusalem lewo Allah bie tut da nok. Ba, dani kin nibou mbusyamei nya ninduk yam ei binyengkom leu api dipui sut Nihyet Di Kei gi ditri tut bak ngkiai nya. Dikrau dingon tut yok leu ma ijoi sut ditde midyai di nipou kin midyai di diyai kikep nya bi. Leu gi nok ne bindo bipia diyai midyai mikuisi he.

GALATIA 2:6

Mbro nok gima lo, nibou di ibou cut biyok dima iwit huk da nhyema dikiek-kiek nyen Nihyet Di Kei di ditri tut bi. Nibou dima yok igyai inyeng e, he bi e, gima bon ninyeng mem da bi. Lewo Allah bibon tungwatu nya bit leu nok itta di hiter ingat bou igyai him bi.

GALATIA 5:6

Leu gino inok gom kin Kristus Yesus lene midut sunat di igyai e, he igyai bi e, lene gima bon ninyeng bi. Ide niba ningon com Kristusti he rino bon ninyeng ba, ibindei mbut gima tug hon ide ningon ngakei yamti.

GALATIA 6:15

Niyai midut sunat kin niyai midut sunat bi hacem bon ninyeng bi. Noro gino Allah luei hi nitta binijep-jau bu ne gini bon ninyeng a.

EFESUS 2:10

Allah bon nyeni bou ninda him leu binhyepo igyai kep midyai di kei bibor nya tug hon ide ninok gom kin Kristus Yesusti. Ba, Noni tin ei midyai di kei bibor dima nipou su leu binhyepo igyai kep midyai dima.

KOLOSE 4:10

Aristarkhus cem no sima ei ig bui nsi bit da ba, pigo je. Markus dino Barnabas nittom cem pigo je. (Gino Markus hwou ngat je lene ma jicigit noni kui jide ig lewo jiyai srat nicuk jeti di nipinak hwou di bitut noni tu.)

FILEMON 1:23

Epafras di sima ei ig bui nsi bit da drek dip midyai di noni yai mem Kristus Yesus cem pigo na.

YOHANES GI NIGOM 4:13

Noni kes Nonti Ninnei ei ingonti tu. Gima rino ingon dorti tut bipia igyaijo nok gom kin Noni ba, Noni niyaijo nok gom kin nye.

YOHANES GI NIGOM 5:20

Ba, ingon dorti tut bipia Allah Nipmot kwei bibindei ingon ki leu binhyepo ikan tut Allah di nijit. Igyaijo nok gom kin Allah di nijit ba, igyaijo nok gom kin Nipmot Yesus Kristus cem. Noni ne Allah di nijit di bindei ba, igyai niyaijo nijep di jo kikau ri.

NINGAT-HI-NGAT NYA 1:9

Dani ne Yohanes ba, dinok jisut no di Kresten ri. Dibicom yam bit je mem nijam di iba ibou coi mem ninghuisi wei di cut igkep Nide limwa nya di inok gom kin Kristus. Disima ei Mios Patmos drek dip gi ditri tut Allah nihyet di Yesus ba Nonti nihyet bibindei sindem bibor.